ఈ అమ్మవారికి నూడుల్సే నైవేద్యం! - all you need to know about this chinese kali temple in telugu
close
Published : 26/08/2021 16:48 IST

ఈ అమ్మవారికి నూడుల్సే నైవేద్యం!

(Image for Representation)

సాధారణంగా చాలా గుళ్లలో లడ్డూ, పులిహోర, కేసరి.. వంటి పదార్థాలు దేవతలకు నైవేద్యాలుగా సమర్పించడం చూస్తుంటాం. నైవేద్యం పెట్టి వాటినే ప్రసాదంగా స్వీకరిస్తుంటాం. కానీ మన దేశంలోని ఓ కాళీ మందిరంలో అమ్మవారికి నూడుల్స్‌ని నైవేద్యంగా సమర్పిస్తారట. ఇదొక్కటనే కాదు.. Chop Suey, వేయించిన కాయగూరలు.. వంటి చైనీస్‌ వంటకాలతోనే అమ్మను ప్రసన్నం చేసుకుంటారట! ఆశ్చర్యంగా ఉన్నా ఇది నిజం. అయినా మన దేవతకు చైనా నైవేద్యాలేంటి? ఇంతకీ ఆ దేవాలయం ఎక్కడుంది? తెలుసుకోవాలంటే ఇది చదివేయండి!

కాళీ మందిరం అనగానే బెంగాలే గుర్తొస్తుంది. ఎందుకంటే అమ్మవారి దేవాలయాలు ఎక్కువగా వెలసిన రాష్ట్రమది! భక్తులు నూడుల్స్ నైవేద్యంగా సమర్పించే కాళీ మాత ఆలయం కూడా కోల్‌కతాలోనే ఉంది. ఇక్కడి టాంగ్రా అనే ప్రాంతంలో ఉందీ మందిరం. ‘చైనా టౌన్‌’గా పిలిచే ఈ ప్రాంతంలో ఉన్న ఈ దేవాలయానికి ‘చైనీస్‌ కాళీ టెంపుల్‌’ అని పేరు. అంతేకాదు.. టిబెటన్‌, తూర్పు ఆసియా సంప్రదాయాలు ఈ ప్రాంతంలో ఎక్కువగా కనిపిస్తుంటాయి. ఇదే దేశ, విదేశీ పర్యటకుల్ని అధికంగా ఆకర్షిస్తుందని స్థానికులు చెబుతారు.

80 ఏళ్ల చరిత్ర!

నిజానికి ఈ దేవాలయం ఈనాటిది కాదు.. సుమారు 80 ఏళ్ల నుంచే ఇక్కడి కాళీ మాత భక్తుల పూజలందుకుంటోంది. అయితే 20 ఏళ్ల క్రితం వరకు ఓ చెట్టు కింద ఉన్న రెండు గ్రానైట్‌ రాళ్లను కుంకుమతో పూజించేవారు భక్తులు. ఆ తర్వాత బెంగాల్‌, చైనాకు చెందిన కొన్ని కమ్యూనిటీలు కలిసి ఈ చైనీస్‌ కాళీ ఆలయాన్ని నెలకొల్పి.. అందులో కాళీ మాత విగ్రహాన్ని ప్రతిష్టించారట! ఇక ఇక్కడి అమ్మవారికి నూడుల్స్‌, స్టికీ రైస్‌, వేయించిన కాయగూరలు (Stir Fried Vegetables), Chop Suey.. వంటి చైనీస్‌ వంటకాల్ని నైవేద్యంగా సమర్పించడం, వాటినే భక్తులకు ప్రసాదంగా అందించడం ఈ ఆలయ ప్రత్యేకత!

చైనీయుల ప్రత్యేక పూజలు!

కాళీ మాత దేవాలయ నిర్మాణంలో చైనీయులు భాగమవడమేంటి? అమ్మవారికి చైనా ప్రసాదాలేంటి? అని ఆశ్చర్యపోతున్నారా? దీని వెనకా ఓ చారిత్రక కథ/పురాణ గాథ ఉందంటున్నారు అక్కడి ప్రజలు. గతంలో ఓ పదేళ్ల చైనా బాలుడు తీవ్రంగా జబ్బు పడ్డాడట! ఎన్ని చికిత్సలు చేసినా ఫలితం లేకపోయేసరికి ఆఖరి ప్రయత్నంగా ఆ చిన్నారి తల్లిదండ్రులు ఆ బాలుడిని ఈ కాళీ మాత ఆలయానికి తీసుకొచ్చారట! తమ కొడుకు ఆరోగ్యం కుదుటపడాలని అమ్మను వేడుకున్నారట! దాంతో అమ్మవారి అనుగ్రహంతో ఆ బాలుడు కోలుకున్నాడని.. అప్పట్నుంచి చైనా ప్రజలు ఇక్కడి కాళీ మాతకు ప్రత్యేక పూజలు నిర్వహించడం మొదలుపెట్టారని, ఆలయ నిర్మాణంలోనూ వారు భాగమయ్యారని చెబుతుంటారు. ఇక్కడికొచ్చే చైనా భక్తులు మనలాగే గుడి బయటే చెప్పులు వదిలి లోపలికి రావడం, చైనా స్టైల్‌లో అమ్మవారికి నమస్కరించడం ఈ ఆలయంలో చూడచ్చు.

ఇక ఏటా దీపావళి ఉత్సవాలు ఇక్కడ ఘనంగా జరుగుతుంటాయి. ఈ క్రమంలో పొడవాటి క్యాండిల్స్‌ ఏర్పాటుచేసి వాటిని చైనీస్‌ అగర్‌బత్తీలతో వెలిగించడం ఈ ఉత్సవాల్లో ముఖ్య ఘట్టంగా చూడచ్చు. ఈ వెలుతురుతో అక్కడ పండగ శోభ రెట్టింపవుతుందని, ఈ సువాసనతో అక్కడి వీధులు గుప్పుమంటాయని చెబుతుంటారు స్థానికులు.



మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని