కోపమొచ్చిందా..? - anger management tips in telugu
close
Updated : 22/07/2021 20:35 IST
Facebook Share Twitter Share WhatsApp Share Telegram Share Link Share

కోపమొచ్చిందా..?

అదేంటో.. కొంతమందికి కోపం.. ముక్కు మీదే ఉంటుంది. సరదాగా జోక్ చేసినా చాలు.. అనకూడని మాట ఏదో అన్నట్లుగా విరుచుకుపడిపోతుంటారు. అందుకే ఇలాంటివారితో మాట్లాడాలంటేనే చాలామంది వెనకాడుతూ ఉంటారు. ఏదైనా చెప్పాల్సివస్తే.. మనకెందుకులే తనతో గొడవ అని తప్పించుకుపోతుంటారు. అంతేకాదు వారితో స్నేహం చేయడానికి కూడా ఎవరూ ఇష్టపడరు. మరి ఈ సమస్యకి పరిష్కారం ఏంటి? ఏముంది కోపం తగ్గించుకోవడమే. అయితే ఇది మనం అనుకున్నంత సులువేమీ కాదు. కోపాన్ని అదుపులో పెట్టుకోవడానికి చాలా సాధన అవసరం. మరి దానికోసం ఏం చేయాలో తెలుసుకుందామా..

ముందే గుర్తించడం..

సంతోషం, బాధ, కోపం లాంటివన్నీ భావోద్వేగాలకు సంబంధించిన అంశాలే. ఏదైనా సంఘటన జరిగినప్పుడు మన మెదడులో జరిగే రసాయనిక చర్యల కారణంగా ఆయా సందర్భాలకనుగుణంగా మన భావాలు బయటకు వస్తాయి. అయితే కొంతమంది మాత్రం ఎక్కువ సందర్భాల్లో ఆగ్రహం రూపంలోనే తమ ఉద్వేగాన్ని ప్రదర్శిస్తూ ఉంటారు. వాటిలో 'దీనికి కూడా కోపం తెచ్చుకోవాలా?' అని ఆశ్చర్యపోయేంతటి చిన్న విషయాలు కూడా ఉంటాయి. అయితే ఎలాంటి సందర్భాల్లో మీకు కోపం వస్తుందో గుర్తిస్తే దాన్ని అదుపులో ఉంచుకోవడం మరీ అంత కష్టం కాకపోవచ్చు. ఉదాహరణకి మీ రూమ్మేట్‌కి పెద్ద సౌండ్‌తో మ్యూజిక్ వినడమంటే ఇష్టం. మీకు అది నచ్చదు. ఆ సందర్భంలో మీకెదురవుతున్న ఇబ్బందిని వారికి సౌమ్యంగా వివరించడం లేదా.. అక్కడి నుంచి కాసేపు దూరంగా వెళ్లడం లాంటివి చేయాలి. అలా చేయడం ద్వారా మీ కోపాన్ని చాలావరకు తగ్గించుకోవచ్చు. పెద్దగా పట్టించుకోనవసరం లేని విషయాల్లో ఈ సూత్రాన్ని పాటించినట్లయితే.. చాలావరకు మన కోపం మాయమవుతుందనే చెప్పవచ్చు.

వీటిని నియంత్రించుకుంటే..

కొన్ని సందర్భాల్లో బాధ, ఒత్తిడి, అసూయ, డిప్రెషన్‌లాంటి భావోద్వేగాలు కోపం రూపంలో బయటకు వస్తూ ఉంటాయి. ఆ సమయంలో ఎదుటివారిపై అకారణంగా కోపాన్ని ప్రదర్శిస్తూ ఉంటాం. దీనివల్ల మనపై ఇతరులకు చెడు అభిప్రాయం కలగవచ్చు. అందుకే ఇలాంటప్పుడు మనల్ని మనం అదుపులో ఉంచుకోవాల్సి ఉంటుంది. ముఖ్యంగా మిమ్మల్ని బాధపెట్టే అంశాలకు దూరంగా ఉండాలి. అలాగే పని తాలూకు ఒత్తిడి మీ వ్యక్తిగత జీవితంపై పడకుండా చూసుకుంటే మీ కోపం సగం వరకూ తగ్గిపోయినట్లే. అలాగే ఇతరులపై మనం పెంచుకునే అసూయతో పాటే.. మనలోని ఆగ్రహస్థాయిలు కూడా పెరుగుతాయి. అందుకే ఆ లక్షణాన్ని మనలో పెరగకుండా చూసుకోవాలి. ఇలాంటివన్నీ తగ్గించుకోవడానికి మనకు యోగా సహకరిస్తుంది. అందుకే రోజూ యోగా చేయడం మంచిది. అంతేకాదు.. ఏదో ఒక సమయంలో అన్నట్లుగా కాకుండా.. ఉదయం వేళల్లో యోగా చేయడం ద్వారా ఆ రోజంతా ఉత్సాహంగా ఉండటంతో పాటు మన భావోద్వేగాలు సైతం అదుపులో ఉంటాయి.

బ్రేక్ తీసుకోవడం ద్వారా..

పని ప్రదేశాల్లో ఇతరులపై కోపాన్ని ప్రదర్శించడమంటే కత్తి మీద సాములాంటిదే. ఉన్నతాధికారులు, సహోద్యోగుల మీద మన కోపాన్ని ప్రదర్శించినట్లయితే ఆ ప్రభావం మన ఉద్యోగ జీవితంపైనా పడే అవకాశం ఉంటుంది. అందుకే పని ప్రదేశాల్లో ఎట్టి పరిస్థితుల్లోనూ మనకొచ్చిన కోపాన్ని బయటపెట్టకూడదు. ఒకవేళ కోపం వస్తే కాసేపు బ్రేక్ తీసుకుని అక్కడి నుంచి బయటకి వచ్చేయాలి. ఆ తర్వాత ప్రాణాయామం చేసినట్త్లెతే.. కోపం పూర్తిగా అదుపులోకి రావడంతో పాటు మనసు ప్రశాంతంగా తయారవుతుంది.

నిపుణుల సూచనతో..

ఎంతగా ప్రయత్నించినా కోపం అదుపులోకి రానట్లయితే నిపుణులను సంప్రదించి 'యాంగర్ మేనేజ్‌మెంట్‌' విధానం ద్వారా చికిత్స తీసుకోవడం మంచిది. నిపుణులు మీ మానసిక పరిస్థితి, భావోద్వేగాల స్థాయికి అనుగుణంగా తగిన చికిత్సావిధానాన్ని సూచిస్తారు. మీరు దాన్ని పాటించినట్లయితే తక్కువ సమయంలోనే మీ ఆగ్రహ స్థాయిల్లో మార్పు తప్పకుండా కనిపిస్తుంది.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని