సైజ్‌ జీరో కాదు.. ఆరోగ్యం ముఖ్యం! - ankita konwar new post on body positivity is inspiring
close
Published : 16/07/2021 19:37 IST

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

అంకితా కొన్వర్‌.. బాలీవుడ్‌ నటుడు, మోడల్‌, ఫిట్‌నెస్‌ గురూ అయిన మిలింద్‌ సోమన్‌ భార్యగానే కాక.. ఈ ఫిట్‌నెస్‌ ప్రపంచంలో తనకంటూ ప్రత్యేక గుర్తింపు సంపాదించుకుందామె. సందర్భం వచ్చినప్పుడల్లా బాడీ పాజిటివిటీ గురించి స్పందిస్తూ.. ‘శారీరక లోపాలు అని మనం భావించినవన్నీ మనలోని ప్రత్యేకతలే!’ అంటూ స్ఫూర్తి నింపుతుంటుంది. ఇక ఇప్పుడు శారీరక బరువు ముఖ్యం కాదని.. ఆరోగ్యమే అన్నింటికంటే ప్రధానమంటూ మరో పోస్ట్‌ షేర్‌ చేసింది అంకిత.

ఆ మూడూ ముఖ్యం!

‘నేను ఎక్కువ బరువున్నాను.. త్వరగా తగ్గి సైజ్‌ జీరోకి రావాలి.. అని ఆలోచించే వారి సంఖ్య క్రమంగా తగ్గుతుందనే చెప్పాలి. శరీరాకృతి కాదు.. ఆరోగ్యమే ముఖ్యమన్న విషయం ఈ రోజుల్లో చాలామంది తెలుసుకుంటున్నారు. నిజంగా ఇది శుభపరిణామమే! శరీరం, మనసు ఆరోగ్యంగా ఉంటే.. అది మన జీవితంలోని ప్రతి విషయంపై సానుకూల ప్రభావం చూపుతుంది. ఉదాహరణకు..

* శారీరక పరంగా ఎలాంటి అనారోగ్యాలు లేకపోతే.. ఏ పనైనా చురుగ్గా చేయగలం.

* అదే మనసు సంతోషంగా ఉంటే.. చీకట్లోనూ వెలుగును చూడగలం.. సానుకూలంగా అడుగు ముందుకు వేయగలం.

* అంతరాత్మను తృప్తి పరచుకుంటూ ముందుకు సాగితే జీవితాన్ని పూర్తిగా ఆస్వాదించగలం.

నేనైతే కొన్నేళ్లుగా నా నడుం చుట్టుకొలత, బరువు గురించి పట్టించుకోవడం పూర్తిగా మానేశాను. ఆరోగ్యంపైనే పూర్తి దృష్టి పెట్టా.. దీని ఫలితంగానే గత కొన్నేళ్ల నుంచి సంపూర్ణ ఆరోగ్యంతో ముందుకు సాగుతున్నా. ఈ క్రమంలో కొత్త కొత్త విషయాలు నేర్చుకుంటున్నా. సంతోషంగా ఉండేందుకు దోహదం చేసే అంశాలకే అధిక ప్రాధాన్యమిస్తున్నా.. అందుకే ఎప్పుడూ ఉత్సాహంగా ఉండగలుగుతున్నా.. మీరూ ఇలా చేస్తే ఆరోగ్యం, ఆనందం.. రెండూ ఏకకాలంలో సొంతమవుతాయి..’ అంటోంది అంకిత.
మరి, మనమూ ఇలా ఓసారి ట్రై చేస్తే పోయేదేముంది? జీవితాన్ని ఆరోగ్యంగా, ఆనందంగా ఆస్వాదించడం తప్ప! ఏమంటారు?!

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని