శారీరక లోపం ఉంటే ఏంటి? తైక్వాండోలో దూసుకుపోతోంది! - aruna singh tanwar is india’s first-ever taekwondo athlete to qualify for tokyo paralympics
close
Updated : 17/06/2021 18:12 IST
Facebook Share Twitter Share WhatsApp Share Telegram Share Link Share

శారీరక లోపం ఉంటే ఏంటి? తైక్వాండోలో దూసుకుపోతోంది!

Photo: Twitter

శారీరక లోపాలు.. అటు శారీరకంగా, ఇటు మానసికంగా ఎంతోమందిని కుంగదీస్తుంటాయివి. వారి కెరీర్‌కు అడ్డుగోడగా నిలుస్తుంటాయి. కానీ తన జీవితంలో వాటికి ఆ అవకాశమివ్వాలనుకోలేదామె. తన పట్టుదలకు తల్లిదండ్రుల ప్రోత్సాహం కూడా తోడవడంతో తైక్వాండోలో ఆరితేరింది. తనలో ఉన్న శారీరక లోపాన్ని ప్రత్యేక శక్తిగా భావించి ఈ క్రీడలో సత్తా చాటుతోన్న ఆమె.. ఇప్పుడు ప్రతిష్ఠాత్మక టోక్యో పారాలింపిక్స్‌ పోటీలకు కూడా అర్హత సాధించింది. దీంతో ఈ ఘనత సాధించిన తొలి భారతీయ తైక్వాండో అథ్లెట్‌గా కీర్తి గడించింది. ఇంతకీ ఎవరామె? తన తైక్వాండో కథేంటో తెలుసుకుందాం రండి..
అరుణా సింగ్‌ తన్వర్‌.. హరియాణాలోని భివానీ జిల్లాలో పుట్టిపెరిగిందామె. ఆమె తండ్రి ప్రైవేట్‌ బస్‌ డ్రైవర్‌గా పనిచేస్తున్నారు. పుట్టుకతోనే చేతులు, చేతి వేళ్లు ఉండాల్సిన దాని కంటే తక్కువ పొడవుండడం గమనించిన ఆమె తల్లిదండ్రులు.. తన కూతురిలోని ఈ శారీరక లోపాన్ని చూసి బాధపడలేదు. అంతేకాదు.. ఈ లోపం తన కూతురు ఎదుగుదలకు, ఆమె కెరీర్‌కు ఏమాత్రం అడ్డురాకూడదని నిర్ణయించుకున్నారు. ఈ క్రమంలోనే పసి వయసు నుంచే ఆమెను ప్రోత్సహించడం మొదలుపెట్టారు. తన కూతురు క్రీడల్లో రాణించి దేశానికి మంచి పేరు తీసుకురావాలనేది అరుణ తండ్రి కల. ఇలా తనలోని తపన, తన తండ్రి కలను అర్థం చేసుకున్న ఆమె.. ఎదిగే క్రమంలో ఆ దిశగానే అడుగులు వేసింది.


ఓటమిని అధిగమించి!
చిన్నతనం నుంచే మార్షల్‌ ఆర్ట్స్‌ అంటే మక్కువ చూపే ఆమె.. తన శారీరక లోపం కారణంగా జనరల్‌ కేటగిరీలో అనుకున్నంత సక్సెస్‌ సాధించలేకపోయింది. అయినా నిరాశ చెందకుండా పారా-తైక్వాండో క్రీడలపై దృష్టి పెట్టింది. ఇంతింతై వటుడింతై అన్నట్లుగా తన నైపుణ్యాలకు పదును పెడుతూ జాతీయ, అంతర్జాతీయ వేదికలపై సత్తా చాటుతోంది. ఇప్పటిదాకా ఐదుసార్లు నేషనల్‌ ఛాంపియన్‌ అయిన అరుణ.. ఏషియన్‌ పారా తైక్వాండో ఛాంపియన్‌షిప్స్‌, వరల్డ్‌ పారా తైక్వాండో ఛాంపియన్‌షిప్స్‌.. వంటి అంతర్జాతీయ పోటీల్లోనూ పలు పతకాలు గెలుచుకుంది. అండర్‌-49 మహిళల విభాగంలో ప్రస్తుతం ప్రపంచంలోనే నాలుగో ర్యాంక్‌లో కొసాగుతోన్న ఈ యువ అథ్లెట్‌.. తాజాగా ప్రతిష్ఠాత్మక టోక్యో పారాలింపిక్స్‌కి అర్హత సాధించింది. గతంలో తను నమోదు చేసిన గొప్ప విజయాలను పరిగణనలోకి తీసుకొని వైల్డ్‌కార్డ్‌ ఎంట్రీ ద్వారా అరుణ ఈ పోటీలకు అర్హత సాధించినట్లు భారత తైక్వాండో అధ్యక్షులు తెలిపారు. దీంతో ఆగస్టు 24 నుంచి సెప్టెంబర్‌ 5 వరకు జరగనున్న ఈ పోటీలకు భారత్‌ తరఫున పాల్గొననున్న తొలి తైక్వాండో ప్లేయర్‌గా నిలవనుంది అరుణ.


అమ్మానాన్నల అండతోనే!
తైక్వాండో క్రీడలో తానింతగా రాణిస్తున్నానంటే అదంతా అమ్మానాన్నల ప్రోత్సాహం వల్లే సాధ్యమైందంటోంది అరుణ. ‘నాలోని శారీరక లోపాన్ని నాకు తెలియకుండా అమ్మానాన్న నన్ను పెంచారు. నేను క్రీడల్లో దేశానికి ప్రాతినిథ్యం వహించాలని, మంచి పేరు తేవాలనేది నాన్న కల. నాకు కూడా చిన్నతనం నుంచే మార్షల్‌ ఆర్ట్స్‌ అంటే ప్రాణం. జాతీయ స్థాయిలో ఎక్కడ పోటీలు జరిగినా వాళ్లిద్దరూ నా వెంటే ఉండేవారు.. ఇంట్లోని బంగారు నగలు అమ్మి నా కోచింగ్‌కి డబ్బులు సమకూర్చారు. ఇలా నా ప్రతి అడుగులోనూ వారి ప్రోత్సాహం ఎంతో ఉంది. ఒక్కమాటలో చెప్పాలంటే నేనీ స్థాయికి చేరానంటే అదంతా అమ్మానాన్నల చలవే! వాళ్లు నాలోని సంకల్ప దీక్షను నమ్మారు.. వాళ్లు నాపై పెట్టుకున్న నమ్మకాన్ని నేను గౌరవించాను. టోక్యో పారాలింపిక్స్‌లో పతకం గెలిచి అటు అమ్మానాన్నలు, ఇటు దేశం గర్వపడేలా చేయడమే ప్రస్తుతం నా ముందున్న ఏకైక లక్ష్యం..!’ అంటోంది అరుణ.

మరి, ఈ యువ అథ్లెట్‌ లక్ష్యం నెరవేరాలని, ఎంతోమంది క్రీడా ఔత్సాహికులకు ఆమె మార్గదర్శి కావాలని మనస్ఫూర్తిగా కోరుకుందాం!
ఆల్‌ ది బెస్ట్‌ అరుణ!


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని