12 ఏళ్లకే ‘టోఫెల్’ కొట్టేసింది! - class 8th student zainab from kashmir valley qualifies university level toefl test
close
Updated : 29/06/2021 20:39 IST

12 ఏళ్లకే ‘టోఫెల్’ కొట్టేసింది!

‘టోఫెల్ (TOEFL)...టెస్ట్‌ ఆఫ్‌ ఇంగ్లిష్‌ యాజ్‌ ఏ ఫారెన్‌ లాంగ్వేజ్‌’...ఆంగ్ల భాషా నైపుణ్యాన్ని పరీక్షించే ఈ అంతర్జాతీయ పోటీ పరీక్షలో విజయం సాధించాలంటే అంత సులభమేమీ కాదు. అలాంటిది 12 ఏళ్ల వయసులోనే ఈ కఠినమైన పరీక్షలో ఉత్తీర్ణత సాధించింది కశ్మీర్‌ లోయకు చెందిన జైనాబ్‌ మసూమా మీర్జా. యూనివర్సిటీ స్థాయి పరీక్షలో 120 పాయింట్లకు ఏకంగా 115 పాయింట్లు సాధించి అందరినీ ఆశ్చర్యపరిచింది.

కఠినమైన పరీక్షలో!

ఇంగ్లిష్ సామర్థ్యానికి పదును పెట్టే ఈ టోఫెల్‌ స్కోరును ప్రపంచవ్యాప్తంగా 150 దేశాల్లోని సుమారు 11 వేల యూనివర్సిటీలు ప్రామాణికంగా తీసుకుంటాయి. కేంబ్రిడ్జి, ఆక్స్‌ఫర్డ్‌, హార్వర్డ్‌, జాన్‌ హాప్కిన్స్, ఎం.ఐ.టి., ప్రిన్స్ టన్.. తదితర ప్రతిష్ఠాత్మక యూనివర్సిటీలు కూడా ఈ స్కోరునే ఆధారంగా చేసుకుని డిగ్రీ, పీజీ ప్రవేశాలు కల్పిస్తాయి. మొత్తం 120 పాయింట్లకు నిర్వహించే పరీక్షలో అర్హత సాధించాలంటే కనీసం 100 పాయింట్లు సాధించాలి. కేంబ్రిడ్జి యూనివర్సిటీలో సీటు కావాలంటే మాత్రం 110 పాయింట్లు తెచ్చుకోవాల్సిందే. కానీ ఎంతో కఠినమైన ప్రశ్నలతో కూడి ఉండే ఈ పరీక్షలో అర్హత స్కోరు సాధించాలంటే అంత సులభమైన విషయం కాదు.

సాధారణంగా టోఫెల్‌ పరీక్షను నాలుగు స్థాయుల్లో నిర్వహిస్తారు.

ప్రాథమిక స్థాయి: 8 ఏళ్ల వయసు.. అంతకంటే పైబడిన వారికి.

టోఫెల్‌ జూనియర్: 11 ఏళ్లు పైబడిన వారి కోసం.

టోఫెల్‌ ఐటీపీ: 16 ఏళ్లు పైబడిన వారికి.

టోఫెల్‌ ఐబీటీ: డిగ్రీ, పీజీ కోర్సుల్లో ప్రవేశానికి నిర్వహించే పరీక్ష

120 పాయింట్లకు 115!

ఈ క్రమంలో టోఫెల్‌ యూనివర్సిటీ స్థాయి పరీక్షలో ఎంతో అలవోకగా ఉత్తీర్ణత సాధించింది శ్రీనగర్‌లోని షాలిమార్‌కు చెందిన 12 ఏళ్ల జైనాబ్‌. ప్రస్తుతం 8వ తరగతి చదువుతున్న ఈ బాలిక 120 పాయింట్లకు గాను 115 పాయింట్లు సాధించి అందరినీ ఆశ్చర్యపరిచింది.

రోజుకు 12 గంటలు బుక్స్‌ ముందే!

అర్హత పాయింట్లకు మించి టోఫెల్‌ స్కోరు సాధించింది జైనాబ్‌. దీంతో ఆమె తల్లిదండ్రులు తెగ సంబరపడిపోతున్నారు. ‘కొవిడ్‌ కారణంగా స్కూళ్లన్నీ మూతపడడంతో ఇంట్లోనే ఉండి ఆన్‌లైన్‌ క్లాసులకు హాజరవుతోంది జైనాబ్‌. ఈ సమయంలోనే టోఫెల్‌ పరీక్షకు కూడా సన్నద్ధం కావాలని మేం తనను కోరాం. పరీక్షకు కావాల్సిన స్టడీ మెటీరియల్‌ను తన ముందు ఉంచాం. అదేవిధంగా పరీక్షకు సంబంధించి సలహాలు, సూచనలతో పాటు అన్ని రకాలుగా సహాయ సహకారాలు అందించాం. ఈ క్రమంలో ఆన్‌లైన్ క్లాసులతో పాటు టోఫెల్‌ పరీక్షల కోసం రోజులో మొత్తం 12 గంటల పాటు పుస్తకాల ముందే గడిపింది జైనాబ్‌. ప్రిపరేషన్‌లో భాగంగా మొత్తం 200 ఆన్‌లైన్‌ టెస్ట్‌లు రాసి ఎప్పటికప్పుడు తన నైపుణ్యాన్ని పరీక్షించుకుంది. తన కష్టానికి తగ్గ ప్రతిఫలం లభించింది. యూనివర్సిటీ లెవెల్‌ పరీక్షలో ఉత్తీర్ణత కావడంతో మాకెంతో సంతోషంగా ఉంది. జైనాబ్‌ లాంటి ప్రతిభావంతులైన పిల్లలు కశ్మీర్‌ లోయలో చాలామందే ఉన్నారు. వారికి సరైన శిక్షణతో పాటు మార్గదర్శకత్వం అందిస్తే వారెన్నో అద్భుతమైన విజయాలు సాధిస్తారు. అందుకు నా కూతురే నిదర్శనం. ఆ దిశగా తల్లిదండ్రులు తమ పిల్లలను ప్రోత్సహించాల్సిన అవసరముంది’ అని చెబుతున్నారు జైనాబ్‌ పేరెంట్స్.

మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని