‘ఫేస్‌బుక్‌’తో రెండు రోజుల్లోనే అలా రేపిస్ట్‌ను పట్టుకుంది! - delhi police sub inspector arrests rape accused by luring on facebook
close
Published : 04/08/2021 20:01 IST

‘ఫేస్‌బుక్‌’తో రెండు రోజుల్లోనే అలా రేపిస్ట్‌ను పట్టుకుంది!

(Image for Representation)

మైనారిటీ కూడా తీరని ఓ అమ్మాయిని మాయ మాటలు చెప్పి మోసగించాడు ఓ యువకుడు. ప్రేమ పేరుతో వల పన్ని గర్భవతిని కూడా చేశాడు. ఆ తరువాత మొహం చాటేశాడు. ముందు జాగ్రత్తగా పేరు తప్ప మరే వివరాలు బాధితురాలికి తెలియకుండా చాకచక్యంగా వ్యవహరించాడు. ఈ క్రమంలో నయవంచకుడి చేతిలో నిలువునా మోసపోయినట్లు గ్రహించిన ఆ బాధితురాలు న్యాయం చేయాలంటూ పోలీసులను ఆశ్రయించింది.

రెండు రోజుల్లోనే రేపిస్ట్‌ను పట్టుకుంది!

సాధారణంగా ఇలాంటి కేసులు ఓ కొలిక్కి రావాలంటే చాలా సమయం పడుతుంది. క్షేత్ర స్థాయిలో సాక్ష్యాల సేకరణ, నిందితుల గుర్తింపు, విచారణ... ఇలా ఎన్నో దశలు దాటితే తప్ప అసలు దోషులు బయటపడరు. పైగా ఈ కేసులో యువకుడి పేరు తప్ప ఇతర ఆధారాలేమీ తెలియదు. అయితే దిల్లీలోని దబ్రీ సబ్ ఇన్‌స్పెక్టర్‌ ప్రియాంక సైనీ కేవలం రెండు రోజుల్లోనే ఆ రేపిస్ట్‌ను పట్టుకుంది.

ఫేస్‌బుక్‌ సహాయంతో!

సోషల్‌ మీడియా ఖాతాలను ఉపయోగించి అమ్మాయిలను ట్రాప్‌లో పడేస్తుంటారు చాలామంది. దొంగ పేర్లతో నకిలీ అకౌంట్లు సృష్టించి వారిని ఇబ్బందులకు గురి చేస్తుంటారు. ఈ నేపథ్యంలో మైనర్‌ అమ్మాయిని మోసం చేసిన నిందితుడిని పట్టుకోవడానికి ఇదే పద్ధతిని అనుసరించింది ప్రియాంక. సాధారణ దుస్తుల్లో దిగిన తన ఫొటోనే పెట్టి ఓ నకిలీ పేరుతో ఫేస్‌బుక్‌ ఖాతా తెరిచింది. ఇందులోని ‘సెర్చింగ్‌ టూల్స్‌’ సహాయంతో దిల్లీలో ఆకాశ్‌ అనే పేరున్న వారందరికీ ఫ్రెండ్‌ రిక్వెస్టులు పంపింది. కొంత మంది యాక్సెప్ట్‌ చేస్తే మరికొంతమంది రిజెక్ట్‌ చేశారు. ఆ తర్వాత తన ఫ్రెండ్‌ రిక్వెస్టును యాక్సెప్ట్‌ చేసిన వారందరికీ మెసేజ్‌లు పెట్టడం ప్రారంభించింది.

ఆ ‘ఆకాశ్‌’ ఇతడేనేమో!

ఎస్‌ఐ పంపిన మెసేజ్‌లకు ఎవరూ స్పందించకపోయినా ఒకడు మాత్రం రిప్లై ఇచ్చాడు. దీంతో ‘ఆ ఆకాశ్‌ ఇతడేనేమో?’అని అనుమానించిన ప్రియాంక దీనిని నిర్ధారించుకోవడానికి అతడితో ఛాటింగ్‌ ప్రారంభించింది. ఈ క్రమంలో ఫోన్‌ నంబర్‌తో పాటు అతని ఫొటోలు, ఇతర వివరాలు కూడా సేకరించింది. బాధితురాలితో మాట్లాడి ఫైనల్‌గా అతడే అసలు ఆకాశ్‌ అని నిర్ధారించుకున్నాక ‘నువ్వు నాకు నచ్చావ్.. ఒకసారి ఇద్దరం కలుద్దామం’ది. ఆ యువకుడు కూడా ‘ఓకే’ అన్నాడు. దీంతో తన బృందాన్ని అప్రమత్తం చేసింది ప్రియాంక. అతడు చెప్పినట్టుగానే మొదట దశరథ్‌ పూరీ మెట్రో స్టేషన్‌కు బయలుదేరింది. తోడుగా మఫ్టీలో పోలీసులను కూడా తీసుకెళ్లింది. అయితే మధ్యలో హఠాత్తుగా ఫోన్‌ చేసి మెట్రో స్టేషన్‌లో వద్దని ద్వారకా సెక్టార్‌ వన్‌కు రమ్మన్నాడు. కొన్ని నిమిషాల తర్వాత మళ్లీ ఫోన్‌ చేసి శ్రీ మాతా మందిర్‌ మహవీర్‌ ఎన్‌క్లేవ్‌లో కలుద్దామన్నాడు.

15 నెలల్లో ఆరుగురిని మోసం చేశాడు!

అయితే ఎన్ని లొకేషన్‌లు మార్చినా ప్రియాంక గాలం నుంచి తప్పించుకోలేకపోయాడు ఆకాశ్‌. ఏదో ఊహించుకుంటూ వచ్చిన అతడిని అరెస్ట్‌ చేసి కటాకటాల్లోకి నెట్టింది. ఆ తర్వాత తనదైన శైలిలో విచారణ చేపట్టగా మరికొన్ని దారుణాలు వెలుగులోకి వచ్చాయి. నకిలీ పేర్లు, చిరునామాలతో చలామణీ అవుతోన్న అతడు గత 15 నెలల్లో ఆరుగురు అమ్మాయిలని ఇలాగే నమ్మించి మోసం చేశాడని తెలిసింది.

సోషల్ మీడియా సహాయంతో ఎంతో తెలివిగా రేపిస్ట్‌ను పట్టుకున్న ప్రియాంకపై ప్రశంసల జల్లు కురుస్తోంది. ఉన్నతాధికారులు ఆమె తెలివితేటలను, పనితీరును అభినందిస్తున్నారు.


Advertisement


మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని