వీటి 'ట్రాప్'లో పడితే ఇక దోమల పని అంతే..! - different mosquito traps for home in telugu
close
Published : 29/07/2021 17:26 IST

వీటి 'ట్రాప్'లో పడితే ఇక దోమల పని అంతే..!

ప్రస్తుతం ఎక్కడ చూసినా దోమల బెడదే నెలకొంది. వీటివల్ల చాలామంది మలేరియా, డెంగ్యూ.. వంటి విష జ్వరాల బారిన పడుతున్నారు. అందుకే ఈ దోమల సమస్యను తగ్గించుకోవడానికి సాయంత్రం అయ్యిందంటే చాలు.. తలుపులు, కిటికీలు మూసేయడం చేస్తున్నారు. ఇలా ఎన్ని జాగ్రత్తలు తీసుకున్నా ఎలాగోలా దోమలు ఇంట్లోకి ప్రవేశిస్తున్నాయి.. రాత్రుళ్లు నిద్ర పట్టకుండా చేస్తున్నాయి. వీటి నుంచి తాత్కాలిక ఉపశమనం పొందడం కోసం దోమల బ్యాట్లు, దోమ తెరలు, మస్కిటో రిపెల్లెంట్స్.. వంటివి ఎన్ని వాడినా ఫలితం మాత్రం శూన్యం. మరి, ఈ ప్రాణాంతక దోమల బారి నుంచి మనల్ని మనం కాపాడుకోవడమెలా.. అని ఆలోచిస్తున్నారా? అంతగా ఆలోచించాల్సిన అవసరం లేదు. ఎందుకంటే ఇంట్లోనైనా, బయటైనా దోమల బెడదను తగ్గించుకోవడానికి విభిన్న రకాల 'మస్కిటో ట్రాప్స్' ప్రస్తుతం మార్కెట్లో అందుబాటులో ఉన్నాయి. మస్కిటో రిపెల్లెంట్‌గా కొన్ని, నైట్ ల్యాంప్‌గా మరికొన్ని.. ఇలా విభిన్న డిజైన్లలో ప్రస్తుతం మార్కెట్లో అందుబాటులో ఉండి, దోమల సమస్యను పరిష్కరిస్తోన్న ఇలాంటి కొన్ని మస్కిటో ట్రాప్స్ గురించి ఇప్పుడు తెలుసుకుందాం రండి..

మస్కిటో రిపెల్లెంట్ ల్యాంప్

సాధారణంగా రాత్రుళ్లు మన ఇంట్లోకి ప్రవేశించిన దోమల్ని తరిమికొట్టడానికి వివిధ రకాల రిపెల్లెంట్స్, మస్కిటో కాయిల్స్ ఉపయోగించడం మనకు తెలిసిందే. అయితే వాటి ద్వారా వివిధ రకాల ఆరోగ్య సమస్యలు, శ్వాస కోశ సంబంధిత సమస్యలు తలెత్తుతుంటాయి. అందుకోసమే ప్రస్తుతం మార్కెట్లోకొచ్చేశాయి పర్యావరణహిత మస్కిటో రిపెల్లెంట్ ల్యాంప్స్. ఫొటోలో చూపించినట్లుగా ఒక చిన్న ల్యాంప్ మాదిరిగా ఉండే ఈ మస్కిటో ట్రాప్ పైభాగం నుంచి పర్పుల్ కలర్ ఎల్ఈడీ లైట్ వెలువడుతుంది. దాంతో పాటు సహజసిద్ధమైన పదార్థాలతో తయారుచేసిన లిక్విడ్ రిపెల్లెంట్ ఇందులో నింపి ఉండడం వల్ల లైట్‌తో పాటు చక్కటి సువాసన కూడా బయటికి వెదజల్లుతుందీ పరికరం. తద్వారా దోమలు ఈ వెలుతురుకు, వాసనకు ఆకర్షితమై దాని దగ్గరికి వెళ్లగానే అది దోమల్ని తనలోకి లాగేసుకొని అందులో ఉండే విద్యుత్ సహాయంతో చంపేస్తుంది. ఇందులో యూఎస్‌బీ ద్వారా నేరుగా కనెక్ట్ చేసుకునేవి కొన్నైతే.. ముందుగానే ఛార్జింగ్ చేసుకొని ఆపై ఉపయోగించుకునేవి మరికొన్ని ఉంటాయి.

నైట్ ల్యాంప్ మస్కిటో ట్రాప్

రాత్రుళ్లు కొందరు చీకట్లో పడుకోవడానికి ఇష్టపడితే.. మరికొందరు బెడ్ లైట్ లేదా నైట్ ల్యాంప్ లేకపోతే అస్సలు నిద్రపోరు. అందుకే ఒక బెడ్ ల్యాంప్‌ని బెడ్‌రూమ్‌లో ఏర్పాటు చేసుకుంటారు. అయితే ఆ ల్యాంప్ అటు కాస్త వెలుతురునిస్తూనే, ఇటు దోమల్ని కూడా చంపేసేదైతే బాగుంటుంది కదూ!! అలాంటివారి కోసమే నైట్ ల్యాంప్ మస్కిటో ట్రాప్స్ ప్రస్తుతం మార్కెట్లో అందుబాటులో ఉన్నాయి. ఫొటోలో చూపించినట్లుగా చిన్న ఛార్జింగ్ లైట్ మాదిరిగా ఉండే ఈ ల్యాంప్‌కి లోపలి భాగంలో ట్యూబ్స్, దాని చుట్టూరా విద్యుత్ తీగలు చుట్టి ఉంటాయి. ఇక ఈ అమరిక చుట్టూరా మన రక్షణ కోసం బ్త్లెండ్స్ మాదిరిగా మరో అమరిక ఉంటుంది. ఈ ల్యాంప్‌ని సాకెట్‌కు కనెక్ట్ చేసి స్విచ్ ఆన్ చేస్తే.. దీన్నుంచి డిమ్ లైట్ వెలువడడంతో పాటు లైట్ల చుట్టూ ఉన్న విద్యుత్ తీగల్లో విద్యుత్ ప్రసరిస్తుంది. తద్వారా దోమలు వెలుతురుకు ఆకర్షితమై విద్యుత్ షాక్‌కు గురై చనిపోతాయి.

మస్కిటో ట్రాప్ మెషీన్

కొంతమందికి రాత్రుళ్లు బెడ్ ల్యాంప్ ఉండాలి.. కానీ దాన్నుంచి వెలుతురు కళ్లపై పడకుండా, నిద్ర చెడగొట్టకుండా ఉండాలని భావిస్తుంటారు. అదే సమయంలో దోమల బెడద కూడా ఉండకూడదు అనుకుంటే మస్కిటో ట్రాప్ మెషీన్‌ని మీ ఇంటికి తెచ్చుకోవాల్సిందే! ఫొటోలో చూపించినట్లుగా అచ్చం బెడ్‌సైడ్ టేబుల్ ల్యాంప్‌ని పోలి ఉండే ఈ ట్రాప్ మెషీన్‌కి పైన అమర్చి ఉన్న గొడుగు కింద యూవీ లైట్ ఉంటుంది. దీని సహాయంతో కార్బన్ డయాక్సైడ్ ఉత్పత్త్తె దానికి దగ్గరగా వచ్చిన దోమల్ని ఆకర్షిస్తుంది. ఇవి ఈ గొడుగు కింది భాగంలో పడిపోయి దాని లోపల అమరి ఉన్న ఫ్యాన్‌లో ఇరుక్కుపోయి, డీహైడ్రేట్ అయి చచ్చిపోతాయి. ఈ మెషీన్ నుంచి వెలువడే యూవీ లైట్‌కి పైనున్న గొడుగు పూర్తిగా కవర్ అయి ఉంటుంది కాబట్టి అది మనపై ఎలాంటి ప్రభావం చూపదు.

సూపర్ ట్రాప్ మస్కిటో కిల్లర్ మెషీన్

లైట్లకు దోమలు త్వరగా ఆకర్షితమవుతాయి. సాధారణంగా ఇంట్లో కరెంట్ పోయినప్పుడు ఛార్జింగ్ లైట్ లేదా మొబైల్‌లో టార్చ్ లైట్ ఆన్ చేసి ఒక దగ్గర ఉంచితే పురుగులు, దోమలు ఆ లైట్ చుట్టూనే తిరుగుతుంటాయి. అలా దోమలకున్న ఆ బలహీనతతోనే వాటిని నిర్మూలించాలి. అందుకోసం ప్రస్తుతం సూపర్ ట్రాప్ మస్కిటో కిల్లర్ మెషీన్స్ మార్కెట్లో కొలువుదీరాయి. ఫొటోలో చూపించినట్లుగా ఓవల్ షేప్‌లో ఉన్న ఈ మస్కిటో కిల్లర్‌కు పైభాగంలో ఎల్ఈడీ లైట్లు అమర్చి ఉండడం మనం గమనించచ్చు. దీన్ని సాకెట్‌కు కనెక్ట్ చేసి స్విచ్ ఆన్ చేయడం వల్ల దాన్నుంచి వెలుతురు రావడంతో పాటు ఇందులో నింపిన సహజసిద్ధమైన రిపెల్లెంట్ వాసన కూడా వెలువడుతుంది. ఈ రెండింటికీ ఆకర్షితమైన దోమలు దాని దగ్గరగా వచ్చి ఆ ఉచ్చులో చిక్కుకుంటాయి. అవి కింది భాగంలో ఉన్న ఫ్యాన్‌పై పడి డీహైడ్రేట్ అయి చనిపోతాయి.

ఎకో-ఫ్రెండ్లీ మస్కిటో రిపెల్లెంట్ ల్యాంప్

అటు వెలుతురును ప్రసరిస్తూనే, సహజసిద్ధమైన రిపెల్లెంట్‌ని వెదజల్లుతూ దోమల్ని ఆకర్షించే మరో ట్రాప్ మెషీనే ఈ ఎకో-ఫ్రెండ్లీ మస్కిటో రిపెల్లెంట్ ల్యాంప్. ఫొటోలో చూపించినట్లుగా సిలిండర్ షేప్‌లో ఉండి.. పై భాగంలో మరో చిన్న అమరిక ఉండే ఈ మెషీన్‌ని సాకెట్‌కు కనెక్ట్ చేసి స్విచ్ ఆన్ చేస్తే పై నుంచి ఎల్ఈడీ లైట్ వెలుగుతుంది. ఆ వెలుతురుకు ఆకర్షితమైన దోమలు దానికి దగ్గరగా రాగానే ఆ మెషీన్ వాటిని ఆకర్షిస్తుంది. దాంతో అందులో పడిపోయిన దోమలు విద్యుత్ షాక్‌తో డీహైడ్రేట్ అయి చనిపోతాయి. ఇలా చనిపోయిన దోమలన్నీ కింది భాగంలో ఉండే డబ్బాలో పడిపోతాయి.. ఉదయాన్నే దాన్ని తీసి సులభంగా క్లీన్ చేసుకొని తిరిగి బిగించుకోవచ్చు.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని