తాగే నీటిని ఇలా నిల్వ చేయాలట! - experts recommended way to store drinking water
close
Updated : 06/08/2021 17:42 IST

తాగే నీటిని ఇలా నిల్వ చేయాలట!

మనం ఆరోగ్యంగా ఉండాలంటే ఆహారంతో పాటు తాగు నీరు కూడా ఎంతో ముఖ్యం. మన శరీరంలోని జీవక్రియలన్నీ మనం తీసుకునే నీటి పైనే ఆధారపడి ఉంటాయి. అందుకే సరిపడినన్ని నీళ్లు తాగితే మనకెదురయ్యే ఆరోగ్య సమస్యల్లో సగం వాటిని తగ్గించుకోవచ్చని నిపుణులు కూడా చెబుతుంటారు. అయితే చాలామంది నీళ్లు తాగడంపై పెట్టే దృష్టి వాటిని నిల్వ చేయడంపై దృష్టి పెట్టరు.

ఆ పాత్రల్లోనే నిల్వ చేయండి!

ప్రధానంగా వర్షాకాలంలో తాగునీరు కలుషితం అయ్యేందుకు ఎక్కువ అవకాశాలున్నాయి. ఫలితంగా విరేచనాలు, వాంతులతో పాటు జీర్ణ సంబంధ సమస్యలూ తలెత్తవచ్చు. ఈ పరిస్థితుల్లో తాగునీటిని నిల్వ చేసేందుకు మట్టి పాత్రలు, రాగి పాత్రలు ఎంచుకుంటే మేలని నిపుణులు సూచిస్తున్నారు. ఈ పాత్రల్లో నీటిని నిల్వ చేయడం వల్ల పలు ఆరోగ్య ప్రయోజనాలు కూడా ఉన్నాయంటున్నారు. మరి అవేంటో తెలుసుకుందాం రండి.

మట్టి పాత్రలు

మట్టి పాత్రల్లోని మట్టి కణాల మధ్య చిన్న చిన్న రంధ్రాలు ఉంటాయి. ఇవి తాగునీటిని ఎక్కువ సేపు తాజాగా, చల్లగా ఉంచడంలో సహాయపడతాయి. ఈ మట్టి పాత్రల్లోని నీటిని తాగడం వల్ల ఎసిడిటీ సమస్యలు తగ్గిపోతాయి. మనం తీసుకునే కొన్ని ఆహార పదార్థాలు శరీరంలో ఆమ్లాలుగా మారి వివిధ రకాల ట్యాక్సిన్లను ఉత్పత్తి చేస్తాయి. ఫలితంగా ఎసిడిటీ, గ్యాస్ట్రిక్‌ సమస్యలు తలెత్తుతాయి. మట్టి పాత్రల్లోని నీటిని తాగడం వల్ల ఈ సమస్యల నుంచి ఉపశమనం పొందవచ్చు. ఇవి నీటి ఉష్ణోగ్రతను కూడా క్రమబద్ధీకరించి జలుబు, గొంతు సమస్యలు మరింత తీవ్రతరం కాకుండా చేస్తాయి. చర్మ సంబంధిత సమస్యలను కూడా తగ్గిస్తాయి. శక్తిని కూడా పెంచుతాయి.

అలా శుభ్రం చేయద్దు!

మట్టి పాత్రల్లో నీటిని నిల్వ చేయడం వల్ల చల్లగా ఉండడమే కాదు..నీటికి చక్కటి రుచి కూడా వస్తుంది. మట్టి కుండను మొదటిసారి ఉపయోగించే ముందు అందులో కొద్దిసేపు నీళ్లు పోసి ఉంచాలి. మట్టి పాత్రల్లో ఆహారం వండడం, పాలు లేదా నీళ్లు వేడి చేయడం లాంటివి కూడా చేయవచ్చు. అయితే అతి తక్కువ మంట పైనే. ఎక్కువ మంటను ఉపయోగించడం వల్ల ఇవి పగిలిపోయే ప్రమాదముంది. మట్టి పాత్రలను సబ్బు, ఇతర రసాయనాలతో శుభ్రం చేయడం మంచిది కాదు. వీటికి బదులు నిమ్మరసం, వేడినీళ్లను వాడాలి.

రాగి పాత్రలు

మంచి నీటిని నిల్వ చేసుకునే విధానంలో రెండో పద్ధతి రాగి పాత్రలు. ఈ పాత్రల్లో స్టోర్‌ చేసిన నీటిని తాగడం వల్ల జీర్ణక్రియ మెరుగవుతుంది. మూడు రకాల దోషాలు (వాత, పిత్త, కఫ) తగ్గిపోతాయి. వీటితో పాటు శరీరానికి అవసరమైన రాగి కూడా సులభంగా అందుతుంది.

ఆరోగ్య ప్రయోజనాలివే!

రాగి యాంటీ ఆక్సిడెంట్‌గా పనిచేస్తుంది. ఇది శరీరంలోని ఫ్రీ ర్యాడికల్స్‌తో పోరాడడమే కాకుండా వాటి ప్రతికూల ప్రభావాలను తగ్గిస్తుంది. ఫలితంగా క్యాన్సర్‌ లాంటి వ్యాధులు రాకుండా ఉంటాయి. శరీరానికి హాని కలిగించే అతినీలలోహిత కిరణాల నుంచి కూడా రాగి రక్షణ కల్పిస్తుంది. ఇక రక్తపోటు సమస్యలున్న వారు, అధిక బరువును తగ్గించాలనుకునేవారు రాగి పాత్రల్లోని నీరు తాగడం ఉత్తమం.

ఇలా వాడద్దు!

తీవ్ర రక్తస్రావం సమస్యలున్న వారు రాగి పాత్రల్లో నీటిని తాగకపోవడం మంచిది. దీంతో పాటు రాగి పాత్రల్లో ఆహారాన్ని వండడం, పాలు, నీళ్లను వేడి చేయడం కూడా శ్రేయస్కరం కాదంటున్నారు నిపుణులు. ఇలా చేయడం వల్ల రాగి విషతుల్యం అవుతుందట.


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని