శ్రావణ పౌర్ణమి రోజు జరుపుకొనే పండగలివే.. - festivals to celebrate in the month of sravanam in telugu
close
Published : 22/08/2021 09:11 IST

శ్రావణ పౌర్ణమి రోజు జరుపుకొనే పండగలివే..

హిందువులకు శ్రావణమాసం చాలా ప్రత్యేకమైనది. అత్యంత శుభప్రదంగా భావించే ఈ నెల ఆధ్యాత్మిక కార్యక్రమాలు, వివాహాది శుభకార్యాలతో ఎంతో సందడిగా ఉంటుంది. శ్రావణమాసం అంతా పవిత్రమైనదిగా భావించినప్పటికీ ఆ నెలలో వచ్చే పౌర్ణమిని మాత్రం మరింత గొప్పదిగా భావిస్తారు. ఆ రోజు ఆలయాలకు వెళ్లి అమ్మవారిని దర్శించి సకల సౌభాగ్యాలు ప్రసాదించాలని కోరుకొంటారు. శ్రావణ పౌర్ణమిని అన్నాచెల్లెళ్ల అనుబంధానికి ప్రతీకగా నిలిచే రాఖీ పండుగగా జరుపుకొంటాం. కేవలం మనమే కాదు.. ఈ రోజుని వివిధ రాష్ట్రాల్లో వివిధ పేర్లతో పిలుస్తారు. ఇదే రోజు విభిన్న ప్రాంతాల్లో విభిన్నమైన పండగలు జరుపుకొంటారు. మరి, వాటి గురించి మనమూ తెలుసుకొందామా..

కజరీ పూర్ణిమ..

కజరీ పూర్ణిమను దేశంలోని మధ్యప్రదేశ్, చత్తీస్‌గఢ్, ఉత్తరప్రదేశ్ రాష్ట్రాల్లో జరుపుకొంటారు. దీన్నే కజలి పూర్ణిమ, కజ్లి పూర్ణిమ అని కూడా పిలుస్తారు. శ్రావణమాసంలో వచ్చే పౌర్ణమి నాడే దీన్ని జరుపుకొంటారు. కజరీ అంటే గోధుమలు అని అర్థం. పంటలు బాగా పండేలా దీవించమని భగవతీ మాతను పూజిస్తారు. ముఖ్యంగా వ్యవసాయ కుటుంబాలకు చెందినవారు దీన్ని జరుపుకొంటారు. శ్రావణ శుక్ల నవమి నాడు మహిళలు తమ పొలాలకు వెళ్లి కుండలో ఆకులు, మట్టి నింపి తీసుకొస్తారు. పూజగదిని ఆవుపేడతో అలికి, గోధుమ పిండితో ముగ్గు వేసి అందులో కుండను ఉంచుతారు. ఆ తర్వాత మట్టిలో ఉన్న ఆకులను నవమి నుంచి పౌర్ణమి వరకు ఏడు రోజుల పాటు పూజిస్తారు. చివరి రోజైన శ్రావణ పౌర్ణమి నాడు సాయంత్రం వేళ పూజ చేసి అప్పటి వరకు పూజ చేసిన మట్టికుండను తలపై పెట్టుకొని దగ్గరలో ఉన్న నదిలోకానీ, చెరువులో కానీ కలిపేస్తారు. భగవతీ దేవికి నైవేద్యాలు సమర్పిస్తారు. ఇలా చేయడం వల్ల భగవతీ దేవి ఆశీస్సులు లభించి పంటలు సమృద్ధిగా పండుతాయని నమ్ముతారు.

నారికేళ పూర్ణిమ..

నారికేళ పూర్ణిమనే నరలి పూర్ణిమ, నారియల్ పూర్ణిమ అని కూడా పిలుస్తారు. మహారాష్ట్ర, కర్ణాటక, గోవాలోని సముద్ర తీర ప్రాంతాల్లోని మత్య్సకారులు ఈ పండగని జరుపుకొంటారు. ఈ పర్వదినాన సముద్రుడు, వరుణులను పూజిస్తారు. సముద్రం నుంచి తమకు, తమ ప్రాంతానికి ఎలాంటి ఆపద రాకుండా కాపాడాలని కోరుతూ నారికేళ పూర్ణిమను జరుపుకొంటారు. మరో విధంగా చెప్పాలంటే.. తమకు బతుకుతెరువు కల్పిస్తోన్న ప్రకృతి తల్లికి ప్రణమిల్లే పండగ ఇది. మత్య్సకారులు సముద్రం ఒడ్డున సముద్రునికి కొబ్బరికాయలు సమర్పిస్తారు. పూజ అనంతరం అందంగా అలంకరించిన తమ పడవలపై సముద్రంలోకి వెళ్లి కాసేపటికి తిరిగి వచ్చేస్తారు. ఆ తర్వాత పాటలు పాడుతూ.. నృత్యాలు చేస్తూ ఉత్సాహంగా గడుపుతారు. ఆ రోజంతా కొబ్బరితో తయారుచేసిన వంటకాలను మాత్రమే తింటారు. కొబ్బరి కాయకు కూడా శివుని మాదిరిగానే మూడు కళ్లుంటాయి. అందుకే కొన్ని ప్రాంతాల్లో నారికేళ పూర్ణిమ నాడు శివున్ని పూజిస్తారు.

పవిత్రోపాన..

శ్రావణ పూర్ణిమను గుజరాతీలు పవిత్రోపానగా పిలుస్తారు. ఈ రోజు శివున్ని పూజించి ఆయన ఆశీస్సులు పొందుతారు. ఆలయాలన్నింటినీ వివిధ రకాల పుష్పాలతో అలంకరిస్తారు. భక్తులు శివునికి పాలు, కొబ్బరి నీరు, పెరుగు, తేనె, నీటిని సమర్పిస్తారు. వాటితో సంతృప్తి చెందిన శివుడు ఆరోగ్యాన్ని, సంపదలను ప్రసాదిస్తాడని వారు నమ్ముతారు. ఈ రోజు ముక్కంటిని కొలిస్తే సర్వపాపాలు తొలగిపోతాయని భావిస్తారు. మెలితిప్పి ఉన్న దూది ఒత్తులను పంచగవ్యంలో ముంచుతారు. అప్పుడు అది పవిత్రంగా తయారవుతుందని విశ్వసిస్తారు. వాటిని శివలింగం చుట్టూ కడితే పాపాలు తొలగిపోతాయన్నది వారి నమ్మకం. శివుడు లయకారుడు కాబట్టి భూమ్మీద చెడును నాశనం చేసి ఆనందాన్ని నింపుతాడని నమ్ముతారు. పవిత్ర అమర్‌నాథ్ యాత్ర కూడా ఈ రోజుతోనే ముగుస్తుంది.

అలాగే ప్రపంచవ్యాప్తంగా ఉన్న బ్రాహ్మణులంతా శ్రావణ పౌర్ణమిని జంధ్యాల పౌర్ణమిగా జరుపుకొంటారు.


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని