నీళ్ల సీసా పరిశుభ్రంగా!

ఆరోగ్యంపై జాగ్రత్త, సామాజిక అవగాహన కారణం ఏదైతేనేం.. ఇప్పుడు అంతా ఎక్కడికి వెళ్లినా వెంట ఓ నీళ్లసీసాను తీసుకెళ్తున్నారు. అంతవరకూ బాగానే ఉన్నా.. దీన్ని ఎప్పటికప్పుడు శుభ్రం చేయకపోతే అనారోగ్యాలు తప్పవు. అసలు ఎలాంటివి వాడాలి? ఏ జాగ్రత్తలు తీసుకోవాలి? చూద్దామా?

* తక్కువ ధరకే దొరుకుతాయి, చూడటానికి బాగుంటాయి అనే కారణంతో చాలామంది ప్లాస్టిక్‌ సీసాలను వాడుతుంటారు. కానీ వీటిని దీర్ఘకాలం వాడటం తీవ్ర అనారోగ్యాలకు దారితీయొచ్చు.

* ప్లాస్టిక్‌ సీసాల్లో వేడినీటిని నింపడం అస్సలు మంచిది కాదు. వీలైతే గాజు, రాగి, స్టీల్‌ సీసాలను ఎంచుకోండి. నీటిని ఎక్కువరోజులు నిల్వ ఉంచొద్దు.

* సీసాలో గోరువెచ్చటి నీళ్లను పోసి కాస్త లిక్విడ్‌ సోప్‌ వేసి బాగా కలపాలి. కాసేపాగి బ్రష్‌తో శుభ్రం చేస్తే సరి.

* స్టెయిన్‌లెస్‌ స్టీల్‌ బాటిళ్లలో వేడినీళ్లు పోసి, ఉప్పు వేసి రాత్రంతా ఉంచాలి. ఇలా చేస్తే దుర్వాసన మటుమాయం అవుతుంది. అలాగే కొంచెం వెనిగర్‌ వేసి ఉంచాలి.

Tags :