ఇంటిగుట్టు బయట పెడుతున్నాడు

నా పెళ్లై ఏడాదిన్నర అవుతోంది. మా ఆయన పిసినారి. ప్రతిరూపాయికీ లెక్క చెప్పమంటాడు. మా ఇద్దరి మధ్య విషయాలు అందరికీ చెప్పేస్తాడు. తన ప్రవర్తనతో మానసికంగా విసిగిపోయి విడాకులు తీసుకుందామనుకున్నా. కానీ ఇప్పుడు నేను గర్భవతిని. బిడ్డ కోసం అన్నీ భరిస్తున్నా. తనను ఎలా మార్చాలి?

- ఓ సోదరి

అతడు పెరిగిన వాతావరణం, అలవాట్లు.. అతి పొదుపునకు కారణమై ఉండొచ్ఛు అతడి తల్లిదండ్రులు చిన్నప్పటి నుంచే డబ్బు పొదుపు గురించి చెప్పి, ప్రతిదానికి లెక్కలడగడం లాంటివి చేసి ఉండొచ్ఛు ఈ అలవాటే తన వ్యక్తిత్వంలో భాగమై ఉండొచ్ఛు అభద్రతాభావం ఎక్కువగా ఉన్నట్లు అనిపిస్తోంది. మీరెక్కడ డబ్బులు వృథా చేస్తారేమోనని భయపడుతున్నారేమో! ఇక మీ వ్యక్తిగత విషయాలు, మనస్పర్థలు మూడో వ్యక్తికి చెబుతున్నాడని రాశారు. దీన్ని బట్టి గమనిస్తే తనకి ఆత్మన్యూనత ఉందేమో అనే అనుమానం కలుగుతోంది. ఇలాంటి వ్యక్తులు ఏ చిన్న గొడవ జరిగినా అమ్మానాన్నలు, స్నేహితులు, బంధువుల సాయం తీసుకుంటారు. మొత్తమ్మీద మీవారిలో ఆత్మన్యూనత, అభద్రత ఎక్కువని తెలుస్తోంది.

విడాకుల కోసం కోర్టు చుట్టూ తిరిగితే ఏళ్లు పట్టొచ్ఛు మీరు ఇప్పుడు గర్భవతి కూడా. ఓసారి ఇరువైపులా పెద్దలను కూర్చోబెట్టి ఈ విషయాన్ని వారితో చర్చించండి. మీ మానసిక వేదనను వారితో పంచుకోండి. వారి సమక్షంలో మీ భర్తతో మాట్లాడండి. అలాగని అతడిని ముద్దాయిలా కాకుండా జరుగుతున్న విషయాలను, దాని వల్ల మీరు పడుతున్న బాధను అర్థమయ్యేలా వివరించండి. మీ ఇద్దరూ ఒక పరస్పర అంగీకారానికి వచ్చిన తరువాత అవసరమైతే ఫ్యామిలీ కౌన్సెలర్‌ను కలవండి. ఇద్దరికీ కలిపి కౌన్సెలింగ్‌ ఇస్తారు.

Tags :