గోరుచిక్కుడు.. పోషకాలు బోలెడు!

గోరుచిక్కుడు అంటేనే కొందరు బోరుమంటే.. ఇష్టంతో ఆబగా లాగించేవాళ్లు ఇంకొందరు. దీంట్లోని సుగుణాలు తెలిశాక మాత్రం ఎవరైనా ఆవురావురుమంటూ తినాల్సిందే.

ప్రయోజనాలెన్నో...

* గోరుచిక్కుడులో పిండిపదార్థాలు తక్కువగా.. ప్రొటీన్లు, కొవ్వు, క్యాల్షియం, ఫాస్ఫరస్‌, విటమిన్‌-ఎ, సి, కెలు పుష్కలంగా ఉంటాయి. దీంట్లోని జిగురుకు ఔషధ గుణాలుంటాయి. ● రక్తంలో చిక్కదనం పెరిగినప్పుడు తీసుకుంటే గోరుచిక్కుడు ఔషధంలా పనిచేస్తుంది. కొవ్వును కరిగించడానికి సహాయ పడుతుంది.

* ఇందులో పీచు అధికంగా ఉండటంతో మలబద్ధక సమస్యను పరిష్కరించే గుణం ఉంటుంది.

* గర్భిణులు గోరుచిక్కుడును ఆహారంలో భాగం చేసుకుంటే గర్భస్థ శిశువు పెరుగుదలకు తోడ్పడుతుంది.