అమ్మను ఆశ్రమంలో చేర్పించాలంటున్నాడు!

నాన్నా, అన్నయ్యా చనిపోవడంతో అమ్మ నా దగ్గరే ఉంటోంది. మావారికీ, అమ్మకు అస్సలు పడటం లేదు. వారి వల్ల నేను ఎక్కువగా బాధపడుతున్నా. అమ్మను వృద్ధాశ్రమంలో చేర్చమంటున్నారు మా ఆయన. నాకేమో ఇష్టం లేదు. వీరిద్దరిని ఎలా మార్చాలి?

- ఓ సోదరి

అమ్మ ఏం చేసినా మీకు పెద్దగా ఇబ్బందిగా అనిపించకపోవచ్చు. అలాగే ఆమె వల్ల ఏదైనా పొరపాటు జరిగినా అమ్మే కదా అని మీరు సర్దుకుపోవచ్చు. కానీ మీవారలా కాదు. అత్తగారు వచ్చి ఇంట్లో ఉండటమే కాకుండా ఆధిపత్యం చెలాయిస్తున్నారని భావిస్తున్నారేమో. తన మాటకు ఎదురు చెబుతున్నారని అనుకుంటున్నారేమో. ఇక మీ అమ్మగారి విషయానికి వస్తే.. వయసులో పెద్ద, అత్తగారనే గౌరవం కూడా అల్లుడు ఇవ్వడం లేదని ఆమె బాధపడుతున్నట్లున్నారు. భర్తా, కొడుకూ బతికి ఉంటే తనకీ పరిస్థితి వచ్చేదికాదని కుమిలిపోతున్నారు. వయసు పైబడుతున్న వృద్ధుల్లో కొంత ఛాదస్తం సహజమే. కాబట్టి మీరే ఆమెకు అనుగుణంగా ఉండేందుకు ప్రయత్నించండి. మరికాస్త ఓపికను తెచ్చుకోండి. తనకేం కావాలన్నా మీరు చేస్తారనే భరోసాను ఇవ్వండి. వారిద్దరి మధ్య కమ్యూనికేషన్స్‌ వీలైనంత తగ్గించండి. ఆమె వయసున్న వారితో కలిసేలా చేయండి. ఆధ్యాత్మికత వైపు వెళ్లేలా చూడండి. అలాగే తనకు ఇష్టమైన వ్యాపకాల్లో బిజీగా ఉంచండి.
మీ భర్త విషయానికి వస్తే... అమ్మ గురించి అన్ని విషయాలు మీరే చూసుకుంటారని మీవారికి అర్థమయ్యేలా చెప్పండి. ఆమె మానసిక పరిస్థితిని అర్థం చేసుకోమనండి. ఇద్దరినీ ఓసారి మానసిక నిపుణుల వద్దకు తీసుకువెళ్లండి. ఇంత చేసినా పరిస్థితిలో మార్పు లేకపోతే చివరగా.. అల్లుడి ప్రవర్తన వల్ల మీ అమ్మగారు బాధపడేకంటే వృద్ధాశ్రమంలో చేర్పిస్తే సంతోషంగా ఉంటారేమో ఓసారి ఆలోచించండి. పరిస్థితులు అనుకూలంగా లేనప్పుడు మనమే మారాలి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App