స్మార్ట్‌గా చేసేయండి!

మహిళలు ఇటు ఇంట్లోనూ, అటు ఆఫీసులోనూ పనుల్ని సమన్వయం చేసుకునే క్రమంలో కొంత ఒత్తిడికి గురవుతుంటారు. దీనివల్ల చేసే పనిలో నాణ్యత, ఉత్పాదకత రెండూ తగ్గుతాయి. అలాకాకుండా ఉండాలంటే...
* ప్రణాళిక తప్పనిసరి... చేయాల్సిన పనులెన్ని ఉన్నా, ప్రాధాన్యతా క్రమంలో పనులను వర్గీకరించుకోవడం... వాటిని ఎప్పటిలోగా పూర్తి చేయాలన్న ఆలోచన ఉండటం ముఖ్యం. అలానే ముందు రోజే మర్నాడు ఏం చేయాలి అనే స్పష్టత తెచ్చుకోవడం అవసరం. ఉదాహరణకు వారానికి సరిపడా డైట్‌ఛార్ట్‌ వేసుకుని పెట్టుకోండి. అలానే ఆఫీసు పనులకూ ప్రణాళిక ఉండాలి. అలాంటప్పుడు అయ్యో రేపు ఏం కూర వండాలో? రేపు ఏం పనులు చేయాలో అనే సందిగ్ధత ఉండదు. సమయం వృథాకాకుండా పని సులువుగా పూర్తవుతుంది.
* చర్చలు కంటే... ఇంటి పని అయినా, ఆఫీసు పనులైనా సరే...కొన్నిసార్లు వాటిని పంచుకోవడం వల్ల ప్రయోజనం ఉండొచ్చు. ఇంకొన్నిసార్లు దాన్ని మీరు చేస్తేనే ఫలితం ఉండొచ్చు. పని మొదలుపెట్టడానికి ముందే దానిపై అవగాహన పెంచుకోండి. మధ్యలోనే దాని కోసం సమయం కేటాయించలేకపోతున్నామని అనిపిస్తే నిరభ్యంతరంగా ఇతరులకు అప్పజెప్పేయండి. దీనివల్ల సమయం వృథా తగ్గుతుంది. అలానే పనులుపూర్తి కానప్పుడు గంటల కొద్దీ దాని గురించే చర్చిస్తూ కాలయాపన చేయొద్దు.
* స్మార్ట్‌గా చేద్దాం... క్షణం తీరికలేకుండా పనిచేస్తేనో లేక ఎక్కువ పనిగంటలు తీసుకుని మరీ పని పూర్తిచేస్తేనో పూర్తవుతుందనుకోవడం పొరబాటు. సమయానికి స్మార్ట్‌గా పనిచేయడమే ఇప్పుడు కీలకం. అలానే అలసటగా అనిపించినప్పుడు, దృష్టి కేంద్రీకరించలేనప్పుడు మధ్యలో చిన్నపాటి విరామాలు తీసుకోవడం మంచిది. అప్పుడే ఫలితం ఉంటుంది. అందుకే కొన్నిసార్లు సరకులు కొనాలన్నా...ఇతరత్రా పనులు చేయాలన్నా...రేట్లు అంచనా వేసుకుని ఆన్‌లైన్‌లో కొనండి. దీనివల్ల ప్రయాణ ఖర్చులు, సమయం వృథాకావు అనుకుంటే మంచిదే కదా! ఇక, ఆఫీసులోనూ పనుల్ని, ఖాతాల్ని అంచనా వేసేందుకు ఎన్నో యాప్‌లూ వచ్చాయి. నమ్మకమైనదాన్ని ఎంచుకుని సులువుగా పని పూర్తిచేయొచ్చు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App