యోగా... కుర్చీతో సులువేగా!

ఎక్కువసేపు కూర్చుని పనిచేసినా... నిలబడినా కాళ్ల నొప్పులు బాధిస్తుంటాయి. నడుము కింది భాగం లావుగా తయారవుతుంది. కుర్చీ సాయంతో చేసే ఈ వ్యాయామాల వల్ల నొప్పుల నుంచి ఉపశమనంతోపాటు... చక్కని శరీరాకృతీ మీ సొంతమవుతుంది.

చేతులతో కుర్చీ ముందు భాగాన్ని పట్టుకుని తలను కిందకు వంచాలి. శ్వాస తీసుకుంటూ కుడి కాలిని పైకి లేపాలి. శ్వాస వదులుతూ కిందకు దించాలి. పదిసార్లు ఇలా చేయాలి. తర్వాత ఎడమకాలితోనూ చేయాలి. మెల్లిగా సంఖ్యను పెంచవచ్చు. దీనివల్ల నడుము కింది భాగం బలోపేతం అవుతుంది. కాళ్లు సన్నగా అవుతాయి.

కుర్చీ వెనుక భాగాన్ని చేతులతో పట్టుకుని ఎడమ కాలిని తొంభై డిగ్రీల వరకు వంచాలి. కుడికాలిని నిటారుగా వెనక్కు చాపాలి. తర్వాత కుడికాలిని వంచి చేయాలి. ఈ స్థితిలో ఇరవై నుంచి ముప్పై సెకన్లపాటు ఉండాలి. ప్రతికాలితోనూ పదిసార్లు చేయాలి. దీనివల్ల నడుము కింది భాగంలోని అదనపు కొవ్వు కరుగుతుంది. కాళ్లనొప్పులూ తగ్గుతాయి.

ముందుగా కుర్చీ చివర్లో కూర్చోవాలి. తర్వాత ఫొటోలో చూపినట్టుగా కాళ్లను వంచి నిలబడాలి. చేతులను ముందుకు పెట్టి లాక్‌చేసి తిరిగి కూర్చోవాలి. శ్వాస తీసుకుంటూ పైకి లేచి, వదులుతూ కుర్చీ మీద వెనకభాగాన్ని ఆనించాలి. ఇలా వేగంగా 30 సార్లు చేయొచ్చు. అరనిమిషంపాటు అదే స్థితిలో ఉండగలిగితే పదిసార్లు చేసినా సరిపోతుంది. దీంతో పిరుదులు, తొడల వద్ద చేరిన అదనపు కొవ్వు తగ్గుతుంది.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

మరిన్ని

రుచులు

App