కోరా... మనసారా!

ఫ్యాషన్ - ఫ్యాషన్

కోరా... మనసారా!

ఎన్నెన్నో వర్ణాలు అన్నింటా అందాలు... అన్నట్లు ప్రతి చీరా దేనికదే ప్రత్యేకం. మగువ మనసు దోచే రంగుల్లో... పలు డిజైన్లు, మోటిఫ్‌లతో కళాంజలి కాంతులీనే కోరా చీరలను కాంతల కోసం పట్టుకొచ్చింది. మీరూ చూసేయండి.

బూడిద రంగు చీరంతా పరుచుకున్న వెండి లతలు...పసిడి జరీ పూలడిజైన్‌తో అంచూ, కొంగూ ఆకట్టుకునేలా ఉన్నాయి.

నేవీ బ్లూ బార్డర్‌, పల్లూతో... ముదురు పసుపు రంగు చీర... దానిపై మీనాకారి సిల్వర్‌ డయాగోనల్‌ బుటాలు, వెండి రంగు పూలు.. పండగ కళను మోసుకొచ్చాయి.

ముదురు గులాబీ రంగు కోరా చీర... జతగా జరీతో నేసిన ముదురు నీలపుటంచు... చీరపై అక్కడక్కడా గుండ్రటి జరీ పైస్లీ మోటిఫ్‌లు... చూడముచ్చటగా ఉన్నాయి కదూ.

సముద్ర నీలం రంగు కోరా చీరకు జతగా గోధుమ వర్ణ అంచు... కొంగు చక్కగా నప్పాయి. చీరంతా పరుచుకున్న జరీ గళ్లు, అంచుపై సిల్వర్‌ బూటాలు కోక అందాన్ని రెట్టింపు చేస్తున్నాయి.