కారు విడిభాగాలేవెంటిలేటర్‌గా..

అవీ ఇవీ...

కారు విడిభాగాలేవెంటిలేటర్‌గా..

కొత్త ఆవిష్కరణలు ఎక్కడి నుంచో పుట్టుకురావు. అవసరాలే వాటికి ఊపిరిపోస్తాయి. కరోనా తీవ్రస్థాయిలో ఉండి శ్వాస తీసుకోవడానికి ఇబ్బందిపడుతున్న బాధితుడికి వెంటిలేటర్‌ సాయం ఎంతో అవసరం. ఇవి సమయానికి అందుబాటులో లేకపోతే వాళ్లు ప్రాణాపాయ స్థితికి చేరుకుంటారు. ఇప్పుడు ఇలాంటి పరిస్థితే అఫ్గానిస్థాన్‌లో ఎదురైంది. అక్కడ సుమారు నాలుగుకోట్ల మంది జనాభాకు నాలుగువందల వెంటిలేటర్లే అందుబాటులో ఉన్నాయి. ఈ సమస్యను పరిష్కరించడానికి ప్రయత్నిస్తోంది ‘అఫ్గానిస్థాన్‌ డ్రీమర్స్‌’ అనే యువతుల బృందం. దీంట్లోని సభ్యులందరూ అమ్మాయిలే. వీళ్లు కారు విడి భాగాలను ఉపయోగించి వెంటిలేటర్లు తయారుచేసి విస్తృతంగా అందుబాటులోకి తెచ్చేందుకు ప్రయత్నిస్తున్నారు. ఈ లాక్‌డౌన్‌ సమయంలో.. షాపులన్నీ మూసివుండటంతో కారు విడిభాగాలను సంపాదించడానికి ఈ బృందం ఎంతగానో కష్టపడింది. అలా విడిభాగాలను తీసుకుని వెంటిలేటర్లను రూపొందించారు. వీటి నాణ్యతను నిపుణులు పరీక్షించారు. ‘మా ప్రయత్నం ఒక్కరి ప్రాణం కాపాడినా ఎంతో సంతోషిస్తాం’ అంటోంది బృంద సభ్యురాలు నషీద్‌ రేషిమి. ఈ నెలాఖరులోగా మరిన్ని వెంటిలేటర్లను అందించడానికి కాలంతో పోటీ పడుతున్నారు.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి