నర్సులకు పెళ్లి కానుక

అవీ ఇవీ...

నర్సులకు పెళ్లి కానుక

కరోనా మహమ్మారి సోకిన రోగులకు పగలురాత్రి తేడా లేకుండా సేవలందిస్తున్న నర్సులకు తన వంతు కానుకగా ఏదైనా అందించాలనుకుంది ఓ దుస్తుల డిజైనర్‌. ఆ బహుమతి వారి జీవితంలో మరువలేనిదిగా నిలిచిపోవాలనుకుంది. అందుకే ‘ది వారియర్‌ కలెక్షన్‌’ పేరుతో నర్సులకు పెళ్లిగౌన్లు తయారుచేసి అందిస్తోంది ముంబయికి చెందిన ప్రముఖ దుస్తుల డిజైనర్‌ సోనాక్షి రాజ్‌ మిరానీ. ‘ఈ సమయంలో తెలియని శత్రువుతో నర్సులు తమ శక్తికి మించి పోరాడుతున్నారు. తమ కుటుంబాలకు దూరంగా ఉంటూ, రోగుల కోసం వారు అందిస్తున్న సేవను మాటల్లో చెప్పలేం. నాకు ఇటీవలే వివాహమైంది. నవవధువుగా మనసు ఎంత ఆనందంగా ఉంటుందో నాకు తెలుసు. ఆ ఆలోచనే ఈ ‘ది వారియర్‌ కలెక్షన్‌’కు దారితీసింది. కొవిడ్‌ -19 రోగులకు చికిత్సను అందించే నర్సులందరికీ పెళ్లి గౌనులు అందించాలనుకుంటున్నా’ అంటోంది సోనాక్షి.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి