అమ్మకో కానుక!

అవీ ఇవీ...

అమ్మకో కానుక!

బిడ్డ పుడితే ఎవరైనా స్వీట్లు పంచుతారు. ఆ ఆసుపత్రి నిర్వాహకులు మాత్రం ప్రతి ప్రసవం తర్వాత ఆ తల్లికి ఒక మొక్కను కానుకగా అందజేస్తారు. పర్యావరణ పరిరక్షణలో భాగంగా పదేళ్ల కిందట ప్రారంభించిన ఈ సంప్రదాయం ఇప్పటికీ కొనసాగిస్తూనే ఉంది కేరళలోని ద మాట్రియా హాస్పిటల్‌ ఫర్‌ వుమెన్‌ అండ్‌ చిల్డ్రన్‌ యాజమాన్యం. 2010లో ప్రసవం కోసం వచ్చిన నిండు గర్భిణి బిడ్డతో ఇంటికి తిరిగి వెళుతున్నప్పుడు ఓ మామిడి మొక్కను బహుమతిగా ఇచ్చారు. అప్పట్నుంచి ఇది కొనసాగిస్తున్నారు. మొక్కను ఇస్తున్నప్పుడు దాన్ని బిడ్డను సంరక్షించినట్టే సాకాలని జాగ్రత్తలు చెబుతారు. ఏటా పర్యావరణ దినోత్సవాన ఆయా మొక్కల పర్యవేక్షణ ఎలా ఉందో సిబ్బంది స్వయంగా వెళ్లి పరిశీలిస్తారు. గడిచిన పదేళ్లలో ఇప్పటివరకు ఆ ఆసుపత్రిలో 15వేల మంది నవజాత శిశువులు పుట్టారు. ఆ సందర్భంగా నాటిన మొక్కల్లో ఎన్నో వృక్షాలయ్యాయి. ఈ ఏడాది పర్యావరణ దినోత్సవాన్ని ఆసుపత్రి యాజమాన్యం ఘనంగా నిర్వహించడమే కాకుండా, తాము అందించిన మొక్కల పరిస్థితిని పరిశీలించారు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

అవీ ఇవీ...

మరిన్ని

రుచులు

App