బాలింతకు.. బలాన్నిచ్చే ఆహారం!
close
Published : 02/08/2021 01:22 IST

బాలింతకు.. బలాన్నిచ్చే ఆహారం!

బాలింతకు పెట్టే ఆహారం ఆమెకు బలాన్నిచ్చేలా, బిడ్డకు సరిపోయినన్ని పోషకాలు అందించేలా ఉండాలి.  తల్లి పోషక విలువలున్న ఆహారం తీసుకుంటే, పాల ద్వారా పోషకాలు బిడ్డకు అంది పాపాయి చక్కగా ఎదుగుతుంది. రోగనిరోధక శక్తి పెరుగుతుంది.

బాలింతకు ప్రసవమయ్యాక కొన్నిరోజులపాటు తేలికగా జీర్ణమయ్యే, బలవర్థకమైన ఆహారం ఇవ్వాలి. అప్పుడే పాలు బిడ్డకు కావలసినన్ని పడతాయి. ముఖ్యంగా శుద్ధమైన నెయ్యి ఎక్కువగా తినాలి. రోజులో మూడు నాలుగు గ్లాసుల పాలు తాగాలి. ఇవన్నీ స్తన్యం పెంచేవే. బీర, పొట్ల, సొర, కాకర, క్యారెట్‌, బీట్‌రూట్‌, బెండ వంటి కూరగాయలు, బియ్యం, పెసరపప్పు వేయించి చేసిన కిచిడీ/ పులగం వంటివన్నీ ఇందుకోసం తీసుకోవచ్చు. ఆహారంలో మెంతులు, జీలకర్ర, గసగసాలు, ఇంగువ, వాము, ధనియాలు ఎక్కువగా వాడాలి. ఇవి పాలుపడేలా చేయడంతో పాటు గర్భాశయం కుంచించుకుపోవడానికి, రక్తస్రావం తగ్గడానికి, నొప్పుల నుంచి ఉపశమనానికి తోడ్పడతాయి. మలబద్ధకం లేకపోతే వెల్లుల్లిని రోజూ ఇవ్వొచ్చు. యాపిల్‌, దానిమ్మ, బొప్పాయి లాంటి పళ్లు తినొచ్చు. 

వీటికి దూరంగా...  ఆహారంలో కారం, మసాలాలు వద్దు. ఇవి తల్లిపాలు తగ్గడానికి కారణమవుతాయి. చిక్కుడు జాతి గింజలు, బఠానీలు, సెనగలు వద్దు. క్యాబేజీ, క్యాలీఫ్లవర్‌ కడుపులో వాయువులను పెంచుతాయి. మాంసాహారాలూ పెట్టొద్దు. పుల్లటి పెరుగు, మజ్జిగ, ఇతర పుల్లటి ఆహారాలు, ఊరగాయలు మానాలి.

మరిన్ని

యోగాలో ఈ పొరపాట్లు దొర్లకుండా..!

మానసిక ఒత్తిడి, టెన్షన్ల నుంచి తక్షణమే విముక్తి లభిస్తే బాగుండు.. అనిపిస్తోందా? అధిక పనితో అలసిపోయిన శరీరాన్ని శక్తిమంతం చేసుకోవాలనుకుంటున్నారా? ఇవన్నీ ఒకేసారి సాధ్యమైతే.. అంతకంటే ఆనందమేముంటుంది చెప్పండి.. అటు శారీరకంగా, ఇటు మానసికంగా సంపూర్ణ దృఢత్వాన్ని సాధించవచ్చు. ఇందుకు సహకరించే ప్రక్రియే 'యోగా'. అయితే ఈ యోగాసనాల వల్ల పూర్తి ఫలితం పొందాలంటే.. చేసే క్రమంలో ఎలాంటి పొరపాట్లు దొర్లకుండా జాగ్రత్తపడాలి. కానీ కొంతమంది మాత్రం అవగాహన లోపంతో యోగా చేసేటప్పుడు కొన్ని చిన్న చిన్న తప్పులు చేస్తుంటారు. ఫలితంగా యోగా చేసిన ఫలం దక్కకుండా పోతుంది. మరి ఆ పొరపాట్లేంటో ముందే తెలుసుకుని, తగిన జాగ్రత్తలు తీసుకుంటే పూర్తి ఫిట్‌నెస్‌ను సొంతం చేసుకోవచ్చు.

తరువాయి

బ్యూటీ & ఫ్యాషన్

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని