పాప ఫ్రెండ్స్‌కి వీడియోకాల్‌ చేయండి!
close
Published : 06/06/2021 00:24 IST
Facebook Share Twitter Share WhatsApp Share Telegram Share Link Share

పాప ఫ్రెండ్స్‌కి వీడియోకాల్‌ చేయండి!

కరోనా కారణంగా ఇంటికే పరిమితమైన చిన్నారులు స్నేహితులకు దూరమయ్యారు. ఆటలు ఆగిపోయాయి. ఫలితంగా ఊబకాయం బారిన పడటమే కాదు... ఒత్తిడికీ గురవుతున్నారు. చిరాకుతో పెద్దలతో పేచీలు పెట్టుకుంటున్నారు. ఈ పరిస్థితిని అధిగమించాలంటే...
ఇంట్లోనే ఉంటున్నారు కదా. నచ్చినప్పుడు తినొచ్చు. ఆలస్యంగా పడుకోవచ్చు అనుకుంటున్నారు. కానీ ఇది పిల్లల మెటబాలిజంలో మార్పుని తెస్తుంది. అనారోగ్యాలకు దారితీస్తుంది. మీ చిన్నారుల జీవనశైలిని గమనించండి. గత అలవాట్లలో ప్రస్తుత పరిస్థితులకు అనుగుణంగా మార్పులు చేయండి. ఉదాహరణకు ఒకప్పుడు ఉదయం ఆరుకే లేచి ఉండొచ్చు. ఇప్పుడు కనీసం ఏడుకైనా లేవాలి. ఉదయం ఓ గంట వార్తాపత్రికలు చదివించండి. కాసేపు పూజ, ధ్యానం చేసుకునేలా అలవాటు చేయండి. ఇవన్నీ వారిని క్రమబద్ధీకరిస్తాయి.
* పిల్లలకు శారీరక శ్రమ తగ్గిపోయింది. దాంతో నాలుగడుగులు వేస్తే అలసిపోతున్నారు. ఎండ తగలక.... ఎప్పుడైనా బయటకు వెళ్తే త్వరగా డస్సిపోతుంటారు. అందువల్ల ఉదయం ఆరు బయటకు వెళ్లి ఆడుకో లేక పోయినా, ఇంటి మిద్దెపైన కాసేపు పరుగెత్తమనండి. ఉన్నచోటే నిలబడి నడవమనండి. అలాంటి అవకాశం లేదనుకుంటే... గదిలోనే కాస్త ఖాళీగా ఉన్నచోట తాడాట ఆడమనండి. పాకడం, ఎగరడం, దుమకడం వంటివి సరదాగా చేయించండి. ఇవన్నీ వారికి మంచి వ్యాయామాలు.
* కరోనా కాలంలో చిన్నారులకు స్నేహాలూ తగ్గాయి. బయట ప్రపంచంతో సంబంధాలు తెగిపోయాయి. వాటిని పునరుద్ధరించండి. పాప స్నేహితులందరినీ వీడియోకాల్‌లోకి తీసుకుని చిన్న చిన్న టాస్క్‌లు ఇవ్వండి. గేమ్స్‌ ఆడించండి. గెలిచినవారికి చిన్నచిన్న కానుకలు ఇవ్వండి. ఇవన్నీ పిల్లలకు ఉత్సాహాన్నిస్తాయి. ఒత్తిడిని తగ్గిస్తాయి.


మరిన్ని

ఆరోగ్యమస్తు

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని