వారెదుట వాదోపవాదాలొద్దు...
close
Updated : 19/06/2021 01:11 IST
Facebook Share Twitter Share WhatsApp Share Telegram Share Link Share

వారెదుట వాదోపవాదాలొద్దు...

రాణి తన మూడేళ్ల కూతురు మధుకు చిన్న విషయంలో కూడా సర్ది చెప్పలేదు. తనకు కావాల్సింది ఇవ్వకపోతే ఏడుస్తుంది లేదా అరుస్తుంది. ఆ చిన్నారిని కంట్రోల్‌ చేయలేక భయపెట్టడానికి ప్రయత్నిస్తుందామె. ఇలాంటి సందర్భాలు చాలామంది తల్లులు ఎదుర్కొంటూనే ఉంటారు అంటున్నారు మానసిక నిపుణులు. పిల్లల్లో ఈ మొండితనానికి పెద్దవాళ్లే కారణమంటున్నారు. ఈ గుణం అలవడకుండా ఉండేందుకు వాళ్లేం చెబుతున్నారో చూడండి...

మందలించేటప్పుడు... పిల్లలను తల్లి లేదా తండ్రి మందలించేటప్పుడు మిగతా పెద్దవాళ్లెవరూ మధ్యలో వెళ్లకూడదు. చిన్నారికి భయం చెప్పనివ్వాలి. లేదంటే తమను ఎవరూ దండించకుండా ఇంట్లో మిగతా వాళ్లు మద్దతిస్తారు అనే ఆలోచన పిల్లల్లో వచ్చిందంటే చాలు. ఎవరిమాటా వినరు. అందుకే పిల్లల ప్రవర్తన మారినప్పుడు లేదా వారేదైనా తప్పు చేసినప్పుడు తల్లిదండ్రుల్లో ఎవరైనా ఒకరు దండించాల్సిందే.
విమర్శించొద్దు... చిన్నారులకు తల్లి భయం చెప్పేటప్పుడు వారెదురుగానే తండ్రి లేదా కుటుంబ సభ్యులు ఆమెను విమర్శించకూడదు. అది పిల్లల్లో తల్లిపట్ల గౌరవం, భయం తగ్గేలా చేస్తుంది. ఇక ఆమె మాట వినిపించుకోరు. ఆ సంఘటనపై ఏదైనా చర్చించాలనుకుంటే పిల్లలెదుట చేయకుండా, తర్వాత దీని గురించి దంపతులిద్దరూ మాట్లాడుకోవాలి. అలాగే ఆ చిన్నారుల ముందే తల్లిదండ్రులు ఈ అంశంపై అరుచుకోవడం, వాదోపవాదాలు చేసుకోకూడదు. ఇవన్నీ పిల్లలపై చెడు ప్రభావాన్ని కలిగిస్తాయి. గట్టిగా అరిస్తేనే సాధించగలమనే ఆలోచన వారిలో మొలకెత్తుతుంది. ఇది క్రమేపీ మొండితనంగా మారుతుంది. అలా కాకుండా అల్లరి చేసినా కావాల్సింది దక్కదనే విషయం వారికి అర్థం కావాలంటే తల్లిదండ్రుల ప్రవర్తన మంచిగా ఉండాలి.
అడిగేలా.. ఏదైనా వస్తువు లేదా ఇంకేదైనా కావాలంటే మొండిగా, ఏడుస్తూ కాకుండా, నెమ్మదిగా అడిగితేనే తల్లిదండ్రులిస్తారనే ఆలోచన పిల్లల్లో రావాలి. వారు అడిగినది ప్రమాదకరమైతే, మరోవస్తువు వైపు వారిని మళ్లించాలి. అప్పుడు ఆ చిన్నారులు అడిగింది మర్చిపోవడానికి అవకాశం ఉంటుంది. ఇలా చేయాలంటే పెద్దవాళ్లు చాలా ఓర్పుగా ప్రవర్తించాలి. ఇది పిల్లల్లో మొండితనాన్ని దూరం చేస్తుంది.


మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

ఆరోగ్యమస్తు

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని