కోపానికి కారణాలేంటో..
close
Published : 28/06/2021 01:06 IST

కోపానికి కారణాలేంటో..

పిల్లల మానసిక పరిస్థితులను ఊగే ఊయలతో పోల్చవచ్చు. ఎందుకంటే అది ఒక చోట కుదురుగా ఉండదు కదా.. అలానే వారి మూడ్‌ కూడా క్షణక్షణానికి మారిపోతూ ఉంటుంది. చిన్న విషయాలకే ఎక్కువగా కోపం, విసుగు ప్రదర్శిస్తుంటారు. ఇలాంటి సందర్భంలో తల్లిదండ్రులుగా వారి మానసిక స్థితిని అర్థం చేసుకోవాలి.

తిట్టొద్దు... కొట్టొద్దు! అసలే కోపంతో ఉన్న పిల్లలను  కోప్పడటమో, కొట్టడమో చేయద్దు. ఇలా చేస్తే అగ్నికి ఆజ్యాన్ని పోసినట్లే అవుతుంది. ఇలాంటి సమయంలో మీరే కొంత సంయమనం పాటించాలి. పిల్లలు కోపంగా ఉన్నప్పుడు మీరు కాసేపు మౌనంగా ఉండి ఆ తర్వాత వారి కోపానికి కారణమేంటో కనుక్కోవాలి. వాటిని అప్పటికప్పుడు పరిష్కరించకపోయినా... క్రమంగా వారి భావోద్వేగాలను అదుపుచేసుకోగలిగే సమర్థతను వారికి నేర్పాలి.

అన్నదల్లా తీర్చొద్దు... తాము అడిగినవి అమ్మానాన్నలు కాదన్నారని టీనేజర్లకు కోపం వస్తుంటుంది. అయితే వారు అడిగనవన్నీ చేసుకుంటూ పోవద్దు. అవసరం, ప్రాధాన్యత ఆధారంగానే...వాటిని తీర్చాలి.  
పూర్తిగా వినండి... పిల్లల కోపాన్ని చూసీ చూడనట్లు వదిలేయొద్దు. అందుకుగల కారణాలను వారినే అడిగి తెలుసుకోండి. పూర్తిగా విన్నాకే పరిష్కారాన్ని సూచించండి. వాస్తవాలను అంగీకరించేలా వారిని ఒప్పించండి. అప్పుడు సర్దుబాటు వారికి అలవాటవుతుంది.

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని