చిన్నప్పుడే నేర్పకపోతే...
close
Published : 01/07/2021 00:54 IST

చిన్నప్పుడే నేర్పకపోతే...

అమ్మానాన్నలు పనిచేస్తోంటే ఐదారేళ్ల పిల్లలు కుతూహలంగా చూస్తారు. కూరలు తరుగుతుంటే ‘నేను చేస్తా’ అంటూ వచ్చేసి కత్తి లాక్కోబోతారు. కిరాణా కొట్టుకు వెళ్తుంటే వెంట వచ్చేస్తారు. బట్టలు ఆరేస్తోంటే పరిగెత్తుకొస్తారు. ఇలా ప్రతి పనీ చేస్తామంటూ లాక్కోబోతారు. కానీ చాకుతో చేయి తెగుతుంది, స్టవ్వు మంట అంటుకుంటుంది, ఎండలోకి వస్తే అలసిపోతారు లాంటి భయాలతో పంపేస్తారు. ఇంకొంత వయసు పెరిగాక ఇంటి పనుల దేముంది ఎప్పుడైనా చేసుకోవచ్చు.. చదువుకు ఆటంకం రాకూడదు, మార్కులు తగ్గకూడదని పనులన్నీ తామే చేసుకుంటారు. కానీ పిల్లలకు పనులు అలవాటు చేయమంటున్నారు మానసిక నిపుణులు. ఎందుకంటే...
* చిన్నతనంలో వద్దని వారిస్తే ఆనక వాళ్ల దృష్టి ఇటువైపు మళ్లించాలన్నా మళ్లదు.
* చిన్నారులు ఇబ్బందిలో పడే లేదా ప్రమాదాలు కొనితెచ్చుకునే మాట నిజమే. అలాగని వేటి జోలికీ రానివ్వకపోతే ఏమీ నేర్చుకోలేరు. కనుక పెద్దలు వెన్నంటి ఉంటూ జాగ్రత్తలు చెబుతూ, సులువైన పద్ధతులు వివరిస్తూ పనులు నెమ్మదిగా అలవాటు చేయాలి.
*భోజనాలయ్యాక డైనింగ్‌టేబుల్‌ తుడవటం, ఆరిన దుస్తులు మడతపెట్టడం, తెచ్చిన సరుకులు ఎక్కడివక్కడ సర్దడం, అతిథులు వచ్చినప్పుడు మంచినీళ్లు ఇవ్వడం, తమ వస్తువులు నీట్‌గా సర్దుకోవడం లాంటి పనులు చిన్నతనంలోనే నేర్పించాలి.
* ఆ పనులు చక్కగా చేసినప్పుడు ప్రశంసించడం చాలా ముఖ్యం. దాంతో వాళ్లకి ఇంకా చేయాలన్న ఉత్సాహం వస్తుంది.
* బయటకు వెళ్లేటప్పుడు వెంట తీసికెళ్తే ఆయా పనులు చూస్తూ వాళ్లూ కొద్దికొద్దిగా నేర్చుకుంటారు.
* చిన్నతనంలో అన్నిటికీ అవరోధాలు కల్పించి పెద్దయ్యాక ఒకేసారి నేర్చుకోమంటే తమకు సంబంధం లేని విషయాల్లా తోస్తాయి. భవిష్యత్తులో ఆ పనులు చేయడం తప్పనిసరి అయినప్పుడు విసుగూ దుఃఖాలు ముంచుకొస్తాయి.

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని