పుడుతూనే పసిగడతారు...
close
Published : 07/07/2021 00:47 IST

పుడుతూనే పసిగడతారు...

అందాకా ఆడుతూ పాడుతూ ఉన్న తల్లులకి చిన్నారి రాక ఎంత ఆనందాన్నిచ్చినా సాకడం కొంత జటిలంగానే తోస్తుంది. అందుకే బుజ్జాయిల పెంపకంలో సైకాలజిస్టుల విలువైన సూచనలివి..

పిల్లలు పుడుతూనే 100 బిలియన్‌ న్యూరాన్స్‌తో పుడతారు. అవి ఎదుటి వ్యక్తి హావభావాలతో సహా అనేకం గుర్తిస్తాయి. కనుక చిన్నారి పట్ల ఉన్న ఇష్టాన్ని చక్కగా వ్యక్తం చేయాలి. పిల్లలను ప్రేమగా దగ్గరకు తీసుకోవడం, లాలించడం వల్ల వాళ్లు భద్రత పొందుతారు, ఆ ప్రేమ చిన్నారులకు శక్తిని, సంతృప్తిని ఇస్తుంది.

* మీరు ఉద్యోగం, ఇతరత్రా బాధ్యతలతో ఎంత ఇబ్బంది పడుతున్నా సరే.. వీలైనంత ఎక్కువసేపు వారితో గడపండి. ఊహ తెలీని వయసు నుంచీ పిల్లలు తల్లి కోసం వెతుక్కోవడం, అమ్మ దగ్గర సంతోషంగా ఉండటం తెలిసిందే. మాతృస్పర్శ ధైర్యాన్నీ ధీమానీ ఇస్తుందని మనోవైజ్ఞానికులు చెబుతున్నారు.

* ఇంకా మాటలు రాని పిల్లలతో మాటలేంటి అనుకోకుండా వారితో సంభాషించమంటున్నారు సైకాలజిస్టులు. చిన్నారులు బదులివ్వలేకున్నా కొద్దికొద్దిగా అర్థం చేసుకుంటారని, నెమ్మదిగా వారి మెదడు వికసిస్తుందని చెబుతున్నారు.

* వారిని ఉయ్యాలకో, వాకర్‌కో పరిమితం చేయకుండా బయట తిప్పడం చాలా అవసరం. ఇందువల్ల డి విటమిన్‌ అందడమే కాక అన్నిటినీ పరికిస్తూ ఉత్సాహంగా ఉంటారు, అలా ఎన్నో నేర్చుకుంటారు.

* పిల్లలను కసరడం లేదా వాళ్ల ముందు అరచుకోవడం తగదని సైకాలజిస్టులు హెచ్చరిస్తున్నారు. ఇలాంటి వాటివల్ల తాత్కాలికంగా జడుసుకోవడమే కాదు, దీర్ఘకాలంలో నలుగురిలో కలవలేని తత్వం, ముడుచుకుపోయే స్వభావం ఏర్పడతాయట.

* వివిధ రంగులు, ఆకృతుల బొమ్మలు చూపుతూ వాటితో దోబూచులాడుతూ గుర్తుపట్టేలా ప్రోత్సహించండి. ఇది చిన్నారికి ఆనందాన్నిస్తూనే వారి చిట్టి మెదళ్లను ఉత్తేజితం చేస్తుంది.

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని