వీలైతే ఓ పొగడ్త!
close
Updated : 12/08/2021 04:32 IST

వీలైతే ఓ పొగడ్త!

అంతవరకూ మన కొంగు పట్టుకుని తిరిగిన పిల్లలే! అదేంటో చిత్రంగా టీనేజీలోకి అడుగు పెట్టగానే దూరం అయిపోతారు. అంతా మాకు తెలుసంటారు. ఏదైనా చెబితే విసుక్కుంటారు. ఇలాంటి సమయంలో ఏం చేయాలో తెలియక సతమతవుతున్నారా?

ఇంట్లో మిలిటరీ రూల్స్‌ పెట్టి వాటిని పిల్లలు ఫాలో అవ్వాలని అనుకోకండి. అవంటే వాళ్లకు అస్సలు గిట్టదు. కఠిన నిబంధనలు ప్రతికూల ఫలితాలనే ఇస్తాయి.

‘ఎక్కడికి వెళ్లావ్‌?’ ‘ఎందుకెళ్లావ్‌’, ‘ఎప్పుడొస్తావ్‌...’ అంటూ ప్రశ్నల వర్షం కురిపించకండి. ఆ వయసులో ప్రశ్నలని వాళ్లు ఇష్టపడరు. వాళ్లు చెప్పినప్పుడు ఆసక్తిగా వినండి. అందులోనే మీ ప్రశ్నలకు సమాధానం దొరకొచ్చు.

తల్లిదండ్రులమనే హక్కుతో చీటికీమాటికీ వాళ్ల మీద అధికారం చెలాయించాలని చూడొద్దు. ఇది వాళ్ల మానసికస్థితిని ప్రభావితం చేస్తుంది. వాళ్లకేదయినా కష్టం వస్తే ‘నేను చెప్పానా...’ అంటూ సమయం వచ్చింది కదాని దెప్పిపొడుపులొద్దు. సున్నితంగానే ఆ కష్టం నుంచి బయటపడే మార్గం చెప్పండి.

వీలు చిక్కినప్పుడల్లా మీ ప్రేమను వ్యక్తపరచండి. సమయం వచ్చినప్పుడు ఓసారి పొగిడి చూడండి. అంతేకానీ.. ‘బిడ్డలని పొగడకూడదు, దిష్టి తగులుగుతుంది’ లాంటి భావనలని పక్కనపెట్టండి. ఆ చిన్న పొగడ్త వారికి కొండంత ఆత్మవిశ్వాసాన్నిస్తుంది.    

అడిగిందల్లా ఇవ్వొద్దు. ముఖ్యంగా డబ్బు విలువ తెలుసుకోవాల్సింది ఈ వయసులోనే. డబ్బునీ, స్నేహాల్నీ, ఈ వయసులో ఉండే ఆకర్షణలనీ దేనినీ వద్దు అనొద్దు. ఆ దారిలో వెళ్తే ఎదురయ్యే ఇబ్బందులేంటో చెప్పండి. వాళ్లే అర్థం చేసుకుంటారు.

‘ఇలా చేయ్‌’ ‘అలా చెయ్‌’ అంటూ చెవిలో ఇల్లు కట్టుకోవద్దు. మీ జీవితంలో మీకు ఎదురయిన అనుభవాలనే చెప్పండి. అవే వాళ్లకు పాఠాలు అవుతాయి.

‘బండగా తయారవుతున్నావ్‌’, ‘బద్ధకానికి బ్రాండ్‌ అంబాసిడర్‌ నువ్వు’ ఇలా తిట్టొద్దు.. అవి వాళ్ల మనసుని గాయపరుస్తాయి. వాళ్లతో స్నేహితుల్లా మెలిగితేనే మార్పు సాధ్యమవుతుంది.



మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని