చిన్నారులు ఉన్నత వ్యక్తులుగా...
close
Updated : 05/10/2021 04:49 IST

చిన్నారులు ఉన్నత వ్యక్తులుగా...

చిన్నారులను మంచి వ్యక్తితత్వం గల వారిగా తీర్చిదిద్దాలంటే బాల్యం నుంచి మంచి అలవాట్లతోపాటు కొన్ని నియమాలను నేర్పించాలి అంటున్నారు మానసిక నిపుణులు. వాటిని పాటించేలా చేస్తే, భవిష్యత్తులో వారు ఇతరులకు స్ఫూర్తిగా నిలుస్తారు.

* ఆర్థిక ప్రణాళిక... పదేళ్లు కూడా నిండ లేదు, వాడికప్పుడే ఇంటి ఖర్చుల గురించి ఎందుకు అనకూడదు. వెచ్చాలు, కరెంటు, నిత్యావసర వస్తువులు, కూరగాయల నుంచి వాళ్ల పుస్తకాలు, స్కూల్‌ ఫీజు వరకు వారికి తెలిసేలా చెప్పాలి. ఓ పుస్తకాన్నిచ్చి, అందులో రోజూ ఎంత ఖర్చవుతుందో వారితోనే రాయించాలి. ఆదాయాన్ని ఖర్చులకు సరిపోయేలా ఎలా ప్రణాళిక వేస్తున్నామో చెప్పాలి. అప్పుడే వారికి రూపాయి విలువ తెలుస్తుంది. వారిని ప్రణాళికాబద్ధంగా ఆలోచించేలా చేస్తుంది. అనవసర ఖర్చులేంటో కూడా తెలుసుకుంటారు.

* కుటుంబ విలువలు... కథలద్వారా కుటుంబ విలువలను నేర్పాలి. సంస్కృతి, సంప్రదాయాలు, పండుగల విశిష్టత వంటి వాటిపై అవగాహన కలిగించాలి. ఇవన్నీ చిన్నారుల్లో కుటుంబంలోని ఆయా వ్యక్తుల ప్రాధాన్యం, విలువను అర్థం చేసుకునేలా మారుస్తుంది. పిల్లల ముందు తల్లిదండ్రుల ప్రవర్తన మర్యాద పూర్వకంగా ఉంటేనే వారిలో పెద్దవాళ్లపై గౌరవభావాన్ని పెంచుతుంది. క్రమశిక్షణ పేరుతో ఒత్తిడికి గురిచేయకుండా సమయపాలన ప్రయోజనాలను, ప్రతీ క్షణం విలువైందే అనే అంశాన్నీ తెలిసేలా చేస్తే చాలు. సమయాన్ని ఎలా వినియోగించుకోవచ్చు అనేది కూడా అమ్మా నాన్నల నుంచే వాళ్లు నేర్చుకుంటారు. ఆ మార్గంలో అడుగులేస్తారు.

* బాధ్యతలు... ప్రతి పనిలోనూ పిల్లలకు బాధ్యత నేర్పాలి. వారి వస్తువులను వారే జాగ్రత్తగా చూసుకోవడం నుంచి ఏదైనా తప్పు చేసినా దానికి వారే బాధ్యత వహించేలా నేర్పాలి. అది బాధ్యతాయుతమైన వ్యక్తులుగా తీర్చిదిద్దుతుంది. వారి అభిప్రాయాల్ని వ్యక్తీకరించే అవకాశాలను కల్పించాలి. అది వారికి మానసిక వికాసాన్ని కలిగిస్తుంది. లేదంటే ఆత్మనూన్యతకు గురవుతారు. ఎదుటి వారు చెప్పేది వినడం, కోపాన్ని అదుపు చేసుకోవడం వంటివి బాల్యం నుంచి అభ్యాసం చేయించాలి. వారికిష్టమైన కళల్లో ప్రవేశించేలా చేస్తే, ఆత్మవిశ్వాసంతో పాటు ఒత్తిడిని జయించే సామర్థ్యాన్ని పొందుతారు. వీటితోపాటు ఉన్నదాన్ని ఇతరులతో పంచుకోవడం, అందరినీ సమానంగా చూడటం వంటివి వారిని ఉన్నతవ్యక్తులుగా తీర్చిదిద్దుతాయి.


Advertisement


మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని