మంచి అమ్మానాన్నలుగా...
close
Published : 09/10/2021 01:51 IST

మంచి అమ్మానాన్నలుగా...

రమణి పండంటి మగబిడ్డకు జన్మనిచ్చింది. వర్క్‌ ఫ్రం హోం చేస్తున్న భర్త సురేశ్‌ నుంచి ఏ సాయమూ అందక సతమతమవుతోంది. బిడ్డపై తగిన శ్రద్ధ చూపలేకపోతున్నా అని ఆవేదన చెందుతోంది. ఈ తరహా దంపతులు మంచి తల్లిదండ్రులు కాలేరని చెబుతున్నారు మానసిక నిపుణులు.

* పంచుకోవాలి... గతంలో ప్రసవం సమయానికి అత్తామామలు లేదా తల్లిదండ్రులు దగ్గర ఉండేవారు. పిల్లల ఆలనపాలన చూసుకునేవారు. ప్రస్తుతం అన్నీ చిన్న కుటుంబాలే కావడంతో భార్యాభర్తలే ఒకరికొకరు సాయం చేసుకోవాల్సిన అవసరమెంతో ఉంది. కొత్తగా తల్లి అయినవారు పాపను సంరక్షించుకోవడం, పాలు పట్టడం వంటి పనులతో అలిసి పోతారు. ప్రసవం తర్వాత కలిగే ఒత్తిడీ తీవ్ర ప్రభావాన్ని చూపిస్తుంది. ఇటువంటి సమయంలో భర్త ఆమె పనులను కొన్నైనా పంచుకోవాలి.

* శిక్షణ... కాబోయే అమ్మా నాన్నలకు ఆసుపత్రిలో శిక్షణనందిస్తున్నారు. ఇద్దరూ దానికి హాజరైతే మంచిది. బిడ్డకు పాలు పట్టడం, నిద్ర పుచ్చడం నుంచి చాలా విషయాలపై కాబోయే తల్లికి శిక్షణ ఉంటుంది. అలాగే పసిపాపను ఎత్తుకోవడం నుంచి డైపర్లు మార్చడం వరకు కాబోయే తండ్రికి నేర్పుతారు. ఇవి తెలుసుకుంటే కొన్ని పనులనైనా భర్త చేయొచ్చు. 

* ఆ సమయంలో.. పగలంతా పని, రాత్రివేళల్లో పాపాయితో నిద్రకు దూరమయ్యే భార్యకు పగటిపూట కాసేపైనా నడుం వాల్చడానికి అవకాశాన్ని కల్పించాలి. ఆ సమయంలో పాపను చూసుకుంటే, ఆమె నిద్రలేమి బారిన పడదు. ఆ సమయంలో పౌష్టికాహారాన్ని అందించడం, పాపకు స్నానం చేయించేటప్పుడు చేయూతగా ఉండటం వంటివీ భర్త చేయాలి. ఆసుపత్రికెళ్లాల్సిన తేదీలను, ప్రసవానంతరం బుజ్జాయికి వేయాల్సిన వ్యాక్సిన్ల వివరాలను ఓ పుస్తకంలో రాసుకుని, దాని ప్రకారం వేయించడం వంటివన్నీ నాన్న బాధ్యతగా తీసుకుంటే అమ్మకి కాస్త ఉపశమనం. ఏ పనినైనా కలిసి చేయడంలో ఒకరికొకరు మద్దతునిచ్చుకుంటే పాపాయి కూడా ఆరోగ్యంగా పెరుగుతుంది.

* కోపం...  దంపతుల్లో ఒకరికొకరు కష్టాన్ని, అవసరాన్ని గుర్తించకపోతే ఎదుటివారిపై ఆ ప్రభావం పడుతుంది. అది పలు శారీరక, మానసిక అనారోగ్యాలకు దారి తీస్తుంది. దీని ప్రభావం పెరిగే పిల్లలపై పడుతుంది. దాంతో తల్లిదండ్రులిద్దరికీ పిల్లలు దగ్గరకాలేరు. అలాకాక  భార్యా భర్తలు ఏ పనినైనా పంచుకుంటూ ఉంటే అది వారి బంధాన్ని బలపరుస్తుంది. అంతేకాదు, చిన్నారులతో ఎక్కువ సమయం గడుపుతూ, వారికి సంతోషాన్ని అందిస్తే ఇంటి వాతావరణమూ ఆహ్లాదమవుతుంది. పిల్లలూ ఆరోగ్యంగా ఎదుగుతారు. ఆ దంపతులూ మంచి తల్లిదండ్రులవుతారు.

మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని