తొలినాళ్లలోనే...తెలుసుకోండి!
close
Updated : 25/11/2021 05:54 IST

తొలినాళ్లలోనే...తెలుసుకోండి!


దంపతులిద్దరూ ఇలా మెలగాలి, అలా ప్రవర్తించాలి అనే నియమాలు, పద్ధతులు కొన్ని ఈరోజుల్లో సరిపోకపోవచ్చు. జీవనశైలి, ఇంటా బయటా బాధ్యతల్లో మార్పులు రావడమే అందుకు కారణం. అలాగని మానవ సంబంధాలు మారకూడదంటున్నారు మానసిక నిపుణులు. సంసారం సవ్యంగా సాగాలంటే దాంపత్యంలో మొదటి నుంచీ పాటించాల్సిన కొన్ని అంశాలను సూచిస్తున్నారిలా..

పెళ్లైన తొలి నాళ్లలోనే ఇద్దరూ తమ గురించి ఎదుటి వారికి స్పష్టంగా చెప్పాలి. అప్పుడే ఒకరినొకరు అర్థం చేసుకునే వీలుంటుంది.
నచ్చే, నచ్చని అంశాలు, ఆలోచనలు, లక్ష్యాలు, ఆశయాలు, మనస్తత్వం వంటివన్నీ ముందుగానే పంచుకుంటే జీవన ప్రయాణాన్ని సులువుగా మొదలుపెట్టొచ్చు. ఎదుటివారి బలం, బలహీనతలు తెలుసుకొని అసూయపడటం లేదా చులకనగా చూడటం వంటివి వద్దు. ఒకరి పట్ల మరొకరు చూపించుకునే గౌరవ మర్యాదలు, ప్రేమే వారి బంధాన్ని కలకాలం కాపాడుతుంది.
బాధ్యత.. కుటుంబ అవసరాలను తమ సంపాదనతో తీరుస్తున్నామని, అక్కడితో తమ బాధ్యత అయిపోయిందనే ఆలోచన దంపతుల్లో ఏ ఒక్కరికీ రాకూడదు. ఒకరు సంపాదించినా మరొకరు ఇంటి బాధ్యతలను పూర్తి చేస్తున్నారని గ్రహించాలి. అవసరమైతే వారికి చేయూతగా ఉండటానికి ప్రయత్నించాలి. గృహిణి అనే చులకనభావంతో భార్యను చూడకూడదు. ఇంటిల్లిపాది అవసరాలనూ తీర్చే భాగస్వామి కష్టాన్ని గుర్తించాలి. ఇంటి బాధ్యతలను సమన్వయం చేయడం కూడా క్లిష్టమైనదే. వీలైతే అందులోనూ వారికి చేదోడువాదోడుగా ఉంటే మంచిది. ఇలా భర్త తనపై శ్రద్ధ చూపిస్తున్నాడనే ఆలోచనే ఆ ఇల్లాలి మనసులో కొండంత ప్రేమను పెంచుతుంది.
 మాట్లాడాలి.. దంపతుల మధ్య నిత్యం సంభాషణలు, చర్చలుండాలి. వీటి ద్వారా సమస్యలు, సంతోషాలను ఒకరికొకరు పంచుకోగలుగుతారు. కాబట్టి, ఆ అవకాశం, సమయాన్ని ఇద్దరూ కల్పించుకోవాలి. పెళ్లై చాలా కాలమైంది, రోజూ ఏం మాట్లాడతాం అనుకోవద్దు. ఈ ధోరణి ఇద్దరి మధ్యా దూరం పెంచుతుంది. పిల్లలు పుట్టాక చాలామంది భార్యాభర్తలు తమ గురించి ఆలోచించడం మానేస్తారు. అలాకాకుండా ఇద్దరూ తమ మధ్య ప్రేమబంధాన్ని తాజాగా ఉంచుకోవడానికి నిరంతరం ప్రయత్నించాలి. అప్పుడే బంధం శాశ్వతమవుతుంది.  

 


Advertisement


మరిన్ని

పిల్లలకు ఆ నైపుణ్యాలు ఒంటబట్టాలంటే..!

ఇలాంటి సూపర్‌ యాక్టివ్‌ కిడ్స్‌ని చూసి తమ పిల్లల్నీ ఇలా చురుగ్గా తీర్చిదిద్దాలని అనుకోని తల్లిదండ్రులుండరంటే అతిశయోక్తి కాదు. అందుకే ప్రస్తుతం తమ పిల్లలు పాఠ్యాంశాలతో కుస్తీ పట్టడమే కాదు.. కరెంట్‌ అఫైర్స్‌, జనరల్‌ నాలెడ్జ్‌.. వంటి అంశాల్లోనూ పట్టు సాధించాలని ఆరాటపడుతున్నారు ఈ తరం తల్లిదండ్రులు. వారిని ఆ దిశగానే ప్రోత్సహిస్తున్నారు కూడా! అయితే మహాసముద్రమంత జీకే సబ్జెక్టును ఒంటబట్టించుకోవడం.. అదీ అంత చిన్న వయసులో అంటే మాటలు కాదు. కానీ తల్లిదండ్రులు పిల్లలకు కాస్త సహకరిస్తే ఆ సమాచారమంతా వారు తమ చిన్ని బుర్రలో పదిలపరచుకుంటారని చెబుతున్నారు నిపుణులు. మరి, అదెలాగో తెలుసుకుందాం రండి..

తరువాయి

దాని గురించి పుట్టిన వెంటనే తెలిసిపోతుందట!

తల్లిపాలు అందుతున్న పాపనో.. బాబునో.. అమ్మకు దగ్గరగా తీసుకువెళ్లండి.. వారంతట వారే తల్లి స్తన్యాన్ని అందుకోవడానికి ప్రయత్నిస్తుంటారు. రొమ్ముని అందుకొని తాగేంతవరకు తమ ప్రయత్నాన్ని కొనసాగిస్తుంటారు. అయితే ఈ లక్షణం చిన్నారుల్లో ఎప్పుడు మొదలవుతుందో తెలుసా? అమ్మపేగు తెంచుకొన్న మరుక్షణమే తల్లిపాల కోసం ఆరాటపడుతుంటారు. ఇంకా వూహ సైతం తెలియని వారు తమ తల్లిని గుర్తుపట్టడం మాత్రమే కాదు.. పాలు ఎక్కడ నుంచి వస్తాయో కూడా తెలుసుకొంటారు. మరి దీనికి కారణం ఏమిటి? చిన్నారులు ఇలా చేయడం మంచిదేనా? అది వారి ఆరోగ్యాన్ని మెరుగుపరుస్తుందా? వంటి విషయాలు తెలుసుకొందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని