హద్దు మీరకుండా ఆపేస్తుంది!
close
Updated : 10/06/2021 00:50 IST
Facebook Share Twitter Share WhatsApp Share Telegram Share Link Share

హద్దు మీరకుండా ఆపేస్తుంది!

ఇష్టమైన ఫొటో, అభిప్రాయం.. దేన్నైనా సోషల్‌ మీడియాలో పంచుకుంటుంటాం. వాటి మీద ఒక్కొక్కరూ ఒక్కో అభిప్రాయం వెలిబుచ్చుతారు. ఇదంతా మామూలే! కానీ అది హద్దు మీరుతోంది. ఆ మీరడం ఒక్కోసారి డిప్రెషన్‌కే కాదు, చావు వరకూ తీసుకెళ్తోంది. సైబర్‌ బుల్లీయింగ్‌.. కాలేజ్‌ పిల్లల నుంచి సినీతారలు, రాజకీయ నాయకులు.. అందరూ దీని బారిన  పడుతున్నవారే. దీన్నెలా ఆపాలి అన్న ప్రశ్న వేసుకుంది త్రిషా ప్రభు. దానికి కనిపెట్టిన సమాధానం ఆమెను ఫోర్బ్స్‌ జాబితాలో నిలబెట్టింది!
త్రిషా ప్రభుది యూఎస్‌లో స్థిరపడిన భారతీయ కుటుంబం. తను నివసించే చోట భారతీయులు వీరొక్కరే. ఆహారం, దుస్తులు, జుట్టు, పాటించే విధానాలు మిగతా వారికన్నా భిన్నంగా ఉండేవి. దీంతో తోటి ¨పిల్లలు తనను ఏడిపించేవారు. ఒకరోజు ఫ్లోరిడాకు చెందిన 12 ఏళ్ల రెబెకా గురించి చదివింది. ‘సైబర్‌ బుల్లీయింగ్‌ను తట్టుకోలేక ఆ అమ్మాయి ఆత్మహత్య చేసుకుంది. ఇది చూశాక ఏదో భయంకరమైన తప్పు జరుగుతోంది అనిపించింది’ అంటుంది త్రిష. ఇంటర్నెట్‌ వేదికగా కూడా ఇలా జరుగుతుండటం ఆమెకు ఆశ్చర్యంగా అనిపించింది. దాని మీద చాలా మదన పడింది. ఈ ఆలోచనలే ఆవిష్కరణ దిశగా తనను నడిపించాయంటుంది త్రిష.
పరిష్కారమిలా!
8వ తరగతిలో సైన్స్‌ఫేర్‌ కోసం త్రిష ఒక సైంటిఫిక్‌ స్టడీని నిర్వహించింది. దాని ప్రకారం.. సైబర్‌ వేదికగా మాట తూలే వాళ్లలో చాలా మందికి తాము ఇతరులను బాధపెడుతున్నట్లుగా తెలియట్లేదని అని తెలుసుకుంది. ఒకసారి వారికి గుర్తుచేస్తే పరిస్థితిలో మార్పు వస్తుందనుకుంది. అలా తట్టిన ఆలోచనే.. ‘రీ థింక్‌’. తెలిసిన వారు, టీచర్లు, స్నేహితులు, కుటుంబ సభ్యులు, యంగ్‌ ఆంత్రప్రెన్యూర్లను కలిసి వాళ్ల అనుభవాలను తెలుసుకుంది. వాటికి తన కోడింగ్‌ పరిజ్ఞానాన్ని జోడించి ‘రీ థింక్‌’కు రూపమిచ్చింది. దీని పేరిట సంస్థనూ ప్రారంభించింది. దానికి ఈ అమ్మాయే సీఈఓ. రీ థింక్‌ ఓ యాప్‌. ఫోన్లో ఉన్న కీబోర్డ్‌లో స్థానంలోకి యాప్‌ ద్వారా కీబోర్డ్‌ వచ్చి చేరుతుంది. ఇది యాప్‌లు, ఈమెయిల్‌, మెసేజ్‌లు, సోషల్‌ మీడియా అకౌంట్లు అన్నింటికీ పనిచేస్తుంది. ప్రతికూల, అసభ్య పదజాలాన్ని టైప్‌ చేస్తే, పంపే ముందు యాప్‌ ఆ వ్యక్తికి నిజంగానే పంపాలని అనుకుంటున్నారా? అని గుర్తు చేస్తుంది.
అవరోధాలొచ్చినా..
కానీ ఇదంతా చెప్పినంత సులువేమీ కాలేదామెకు. చిన్నపిల్ల అని ఎవరూ తన మాటల్ని సీరియస్‌గా తీసుకునేవారు కాదు. పైగా నిరుత్సాహపరిచే వారు. ‘మార్పు తీసుకురావడానికి కష్టపడాల్సి రావడం మామూలే అనిపించేది. నేను చేయగలననే నమ్మకం ఉంది. కాబట్టి, ఇవేమీ నిరాశపరచకపోగా... కొత్త ఉత్తేజాన్ని కల్పించేవి’ అంటుందీమె. ఈ తీరే యాప్‌ డెవలప్‌మెంట్‌కి సంస్థలు ముందుకొచ్చేలా చేసింది.
సానుకూల స్పందన
యాప్‌స్టోర్‌లో ఉంచిన కొన్నివారాల్లోనే 5లక్షల డౌన్‌లోడ్లు వచ్చాయి. 93%మంది పోస్టు చేసే ముందు తమ అభిప్రాయాన్ని మార్చుకున్నట్లు చెప్పారు. సంతోషించదగ్గ విషయమేంటంటే టైప్‌ చేసేముందే ఆలోచించడం మొదలు పెట్టారు. ‘ఈ డిజిటల్‌, కృత్రిమ ప్రపంచంలో స్క్రీన్‌కి అవతల కూడా మీలా, నాలా ఉంటారు. వాళ్లంతా చెడ్డవాళ్లేమీ కాదు. వాళ్లకీ భావోద్వేగాలుంటాయి. ఏదైనా మాట్లాడేటప్పుడు ఈ విషయాన్ని గుర్తుంచుకుంటే చాలు. ఆలోచించి మాట్లాడటం అలవాటవుతుంది’ అంటుంది.
ప్రస్తుతం ఈ యాప్‌ ఆరు భాషల్లో ఉంది. అన్నట్టూ ఈ అమ్మాయి ఇంకా విద్యార్థే. ఈమె హార్వర్డ్‌ యూనివర్సిటీలో గ్రాడ్యుయేషన్‌ చేస్తోంది. తాజాగా ఈ ఏడాదికిగానూ సమాజంపై ప్రభావం చూపుతున్న 30 ఏళ్లలోపు వారి జాబితాలో ఫోర్బ్స్‌ ఈమెనీ చేర్చింది. ఈ అమ్మాయి వయసు ఇప్పుడు 21. చదువు, సంస్థ విషయాలతోపాటు 9-12 ఏళ్ల వారికోసం ఒక పుస్తకాన్నీ రాస్తోంది. ఇంటర్నెట్‌ ప్రపంచంలో ఒక మంచి వ్యక్తిగా ఉండటమెలాగో అది చెబుతుందట. ఇది వచ్చే ఏడాది అందుబాటులోకి రానుంది.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని