పేదలకు గూడు... ప్రకృతికి తోడు!
close
Updated : 12/06/2021 01:11 IST
Facebook Share Twitter Share WhatsApp Share Telegram Share Link Share

పేదలకు గూడు... ప్రకృతికి తోడు!

బాగా చదువుకుని విదేశాల్లో స్థిరపడాలన్నది చాలామంది కల. ఈమె మాత్రం విదేశీ ఉద్యోగాన్ని వదిలి మరీ స్వదేశానికి వచ్చేసింది. పర్యావరణ రక్షణతోపాటు పేదలకు ఇళ్లు లక్ష్యంగా పనిచేస్తోంది. అందుకు వ్యవసాయ వ్యర్థాలను ఎంచుకుంది. ఆమే శృతి పాండే!

శృతి పాండే యూఎస్‌లోని న్యూయార్క్‌ యూనివర్సిటీ నుంచి కన్‌స్ట్రక్షన్‌ మేనేజ్‌మెంట్‌లో పీజీ చేసి, మంచి ఉద్యోగాన్నీ సాధించింది. పేదవారికి ఏదైనా చేయాలన్నది ఆమె కల. కొలువుకు స్వస్తి పలికి స్వదేశానికి చేరుకుంది. తక్కువ ఖర్చుతో ఇళ్లను అందించాలనుకుంది.
ఏడాది పాటు దిల్లీ, ఉత్తర్‌ప్రదేశ్‌లోని గ్రామీణ ప్రాంతాల్లోనే గడిపింది.. శృతి పాండే. పెరుగుతున్న కాలుష్యం, వనరుల తగ్గుదలను గమనించింది. ఆ సమయంలో ఎకోపేన్లీ అనే యూరోపియన్‌ సంస్థ గురించి తెలుసుకుంది. వీళ్లు జొన్న గడ్డిని రీసైక్లింగ్‌ చేసి నీటి అవసరం లేని కన్‌స్ట్రక్షన్‌ ప్యానెల్స్‌తో భవనాలను రూపొందిస్తున్నారు. అదే విధానాన్ని మన దగ్గరా ప్రవేశపెట్టాలనుకుంది.
‘దేశంలో ఏటా 94-96 మిలియన్‌ మెట్రిక్‌ టన్నుల వరిగడ్డిని తగల బెడుతున్నారు. దీని వల్ల పర్యావరణానికి హానితోపాటు సహజ వనరుల వృథా కూడా. అందుకే వీటితో కన్‌స్ట్రక్షన్‌ ప్యానెల్స్‌ను తయారు చేయాలనుకున్నాను. పైగా రైతులకూ కొంత ఆదాయమూ వస్తుంది’ అంటోంది 29 ఏళ్ల శృతి. అలా 2018లో ‘స్ట్రాక్చర్‌ ఎకో’ పేరిట సంస్థను ప్రారంభించింది. రైతులకు కొంత మొత్తం చెల్లించి వ్యవసాయ వ్యర్థాలను సేకరించి, వాటితో ఫైబర్‌ ప్యానెల్స్‌ను తయారు చేసి, ఓ ఇంటిని కట్టింది. మంటలు, విపరీతమైన గాలులు, వానలకు తట్టుకునేలా వందేళ్లపాటు నివాసయోగ్యంగా ఉండేలా దీన్ని తీర్చిదిద్దింది. ఇదే పద్ధతిలో పట్నాలో ఎన్‌జీవోకు కొవిడ్‌ ఆసుపత్రిని నిర్మించి ఇచ్చింది. 100 పడకల సామర్థ్యమున్న దీన్ని కేవలం 86 రోజుల్లోనే పూర్తి చేయడం విశేషం. భోపాల్‌ అంగన్వాడీ ప్రాజెక్ట్‌ కింద మహిళా హౌజింగ్‌ ట్రస్ట్‌కు భవనాలు, ఆరు విభాగాలతో బత్రా హాస్పిటల్‌లనూ ఇలానే పూర్తిచేసింది. ఈమె అనుసరిస్తున్న విధానాలకు యూపీ ప్రభుత్వ గుర్తింపు దక్కింది. గత ఏడాది న్యూయార్క్‌ ఎన్‌జీఓ నుంచి ‘క్లైమేట్‌ ఫెలో’ అవార్డుతోపాటు నగదు బహుమతీ పొందింది. ఫోర్బ్స్‌ ఆసియా నుంచి 30 అండర్‌ 30 అఛీవర్స్‌ 2021 జాబితాలోనూ ఎంపిక అయ్యింది. మధ్యప్రదేశ్‌ ప్రభుత్వ ఫెలోషిప్‌నూ దక్కించుకుంది. ‘ప్రస్తుతం నా దగ్గర 10-12 మంది పనిచేస్తున్నారు. ఇంకా ఎక్కువ మంది అమ్మాయిలకు అవకాశం కల్పించాలన్నది నా కల. కానీ ఈ రంగంలో చాలా తక్కువమంది ఉన్నారు. వారికి అవగాహన కలిగించి, ఈ దిశగా ప్రోత్సహించాలనుకుంటున్నా’ అని చెబుతోంది శృతి.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని