చదువులో రాణిస్తోంది.. ఆటల్లో మెరుస్తోంది
close
Updated : 13/06/2021 06:32 IST
Facebook Share Twitter Share WhatsApp Share Telegram Share Link Share

చదువులో రాణిస్తోంది.. ఆటల్లో మెరుస్తోంది

ఆమెది పేద కుటుంబం.. పానీపూరి బండే జీవనాధారం. ఈ పరిస్థితిని మార్చడానికి చదువే మార్గమనుకుంది. మంచి విద్యార్థిగా ఎదుగుతూనే క్రీడా కుశలతకూ మెరుగులు దిద్దుకుంది. ఉపాధ్యాయుల ప్రోత్సాహం, దాతల ప్రోద్బలంతో భిన్న ఆటల్లో రాష్ట్ర, జాతీయ స్థాయుల్లో పతకాలూ సాధించింది. ఇప్పుడు అంతర్జాతీయంగానూ ఆడనుంది. కుంటుతూ ప్రత్యర్థిని ఔట్‌ చేసే బాక్స్‌ లంగ్‌డి క్రీడాకారిణి రీతూకుమారి గురించే ఇదంతా.
అది 2017. ఖమ్మంలోని జలగం నగర్‌ జెడ్పీ పాఠశాల. విద్యార్థినులను క్రీడా పోటీలకు ఎంపిక చేస్తున్నారు. రీతూ కుమారి అప్పుడు ఏడో తరగతి. ఆటలంటే ప్రాణం. తనూ ఆడతానంది. సన్నగా, చిన్నగా ఉండటంతో ఆమెను వద్దన్నారు. చిన్నబోయింది. తనూ ఆడగలదని నిరూపించాలనుకుంది. రోజూ మిగతా వారితో పోటీపడి ఆడేది. ఆమె పట్టుదల గమనించి ఉపాధ్యాయులు పోటీలకు తీసుకెళ్లడం ప్రారంభించారు. మరుసటి ఏడాది పలు క్రీడల్లో పతకాలు సాధించింది. అప్పటినుంచి పతకాల వేట ఆగలేదు. రీతూది మధ్యప్రదేశ్‌. వాళ్ల కుటుంబం 16 ఏళ్ల క్రితం ఖమ్మంలో స్థిరపడింది. తనిప్పుడు ఏపీలోని తాడేపల్లిగూడెం నిట్‌లో కెమికల్‌ ఇంజినీరింగ్‌ మొదటి సంవత్సరం చదువుతోంది.
అమ్మానాన్నా షుగర్‌సింగ్‌, షీల ఖమ్మంలో పానీపూరి బండితో కుటుంబాన్ని పోషిస్తున్నారు. రీతూకి ఇద్దరు సోదరులున్నారు. ముగ్గురినీ పానీపూరి బండి ద్వారా వచ్చే ఆదాయంతో చదివించడం తండ్రికి చాలా కష్టం అయ్యేది. ఇలాంటి పరిస్థితుల్లోనే 2019లో జాతీయస్థాయి నెట్‌బాల్‌ పోటీల్లో రీతూకుమారి గెలిచి శ్రీలంకలో జరిగే అంతర్జాతీయ పోటీలకు ఎంపికైంది. ఆర్థిక ఇబ్బందుల కారణంగా పాల్గొనలేకపోయింది. పదో తరగతి వరకు ప్రభుత్వ పాఠశాలలోనే చదివింది. ఆటలతోపాటు చదువులోనూ మేటి ఫలితాలు సాధిస్తుండటంతో పాఠశాల ప్రధానోపాధ్యాయిని అజిత ఖమ్మం జిల్లాలోని ఎన్‌ఆర్‌ఐ ఫౌండేషన్‌కి ఈమె పేరును సిఫార్సు చేశారు. వారు చదువుకు ఆర్థికసాయం అందించారు. ఇంటర్‌ ప్రైవేటు కళాశాలలో పూర్తి చేసింది. జేఈఈలో మంచి ర్యాంకుతో ఎన్‌ఐటీలో ఇంజినీరింగ్‌ సీటు సాధించింది.

ఆటా.. చదువూ..
చదువుని ఎక్కడా నిర్లక్ష్యం చేయలేదీమె. మొదటి సెమిస్టర్‌లో 89% సాధించింది. రోజూ ఉదయం, సాయంత్రం రెండేసి గంటలు సాధన చేస్తుంది. రాత్రి ఆ రోజు చదవాల్సిన వాటిని పూర్తిచేస్తుంది. ‘టోర్నమెంట్‌లు ఉన్నప్పుడు కళాశాలలో అనుమతి తీసుకుంటాను. ఆ సమయంలో కొంచెం ఎక్కువ సేపు సాధన చేస్తాను. తిరిగొచ్చాక పాఠాలను స్నేహితులు, ఉపాధ్యాయులతో చెప్పించుకుంటా. పరీక్షల రోజుల్లో సాధనను పక్కన పెడతాను. నిజానికి ఒక్కసారి చదివితే చాలు నాకు గుర్తుండిపోతుంది. అందరిలా ప్రత్యేక డైట్‌ కూడా తీసుకోను. బలమని నెయ్యి, పాలు మాత్రం ఇస్తుంది అమ్మ. సాధనలో గుడ్లు, అరటిపండు ఇస్తారు’ అని వివరించింది రీతూ.
నెట్‌బాల్‌, బాస్కెట్‌బాల్‌, హ్యాండ్‌బాల్‌, సాఫ్ట్‌బాల్‌, బాక్స్‌లాంగడి ఆటలన్నీ దగ్గరదగ్గరగా ఉండటంతో వీటన్నింటినీ కొనసాగించడం సాధ్యమైందంటోంది రీతూ. ఎనిమిదో తరగతిలో మొదలైన ఈమె క్రీడా ప్రస్థానం నిరంతరాయంగా సాగుతోంది. ఇప్పటివరకు నెట్‌బాల్‌లో 13, బాస్కెట్‌బాల్‌లో 4, సాఫ్ట్‌బాల్‌లో 2, హ్యాండ్‌బాల్‌లో ఒకటి, బాక్స్‌లంగ్‌డిలో ఒకటి చొప్పున పతకాలు కైవసం చేసుకుంది. దాదాపుగా అన్నీ జాతీయస్థాయివే! తనకు శిక్షకులు రఘు, పీవీ రమణ వెన్నుతట్టి మెలకువలు నేర్పారు. చదువు, ఆటలే తన ప్రపంచం. మోటివేషనల్‌ పుస్తకాలు చదవడం, పాటలు వినడం, వీడియోలు చూడటం ఈ అమ్మాయి వ్యాపకాలు. ఆర్మీ వర్కవుట్స్‌ వీడియోలు చూసి, ప్రయత్నించడం ఇష్టం. కళాశాలలో డిబేట్‌, ఎస్సే రైటింగ్‌లకే ప్రాధాన్యమిచ్చే రీతూ.. ఐపీఎస్‌ ఆఫీసర్‌ కావడం లక్ష్యమంటోంది. సివిల్స్‌కు సిద్ధమవుతున్న అన్నయ్యే తనకు స్ఫూర్తి అంటోంది.


బాక్స్‌లంగ్‌డి.. చతురస్రాకారంలో ఉండే డబ్బాలో కుంటుతూ సాగే ఆట. మహారాష్ట్ర, నేపాల్‌ల్లో బాగా ప్రసిద్ధి. 36 నిమిషాలు సాగే ఆటలో రెండు జట్లు పోటీ పడతాయి. ఒక జట్టు నుంచి డిఫెండర్లు (కుంటేవారు), మరో జట్టు నుంచి చీజర్స్‌ (పరుగెత్తేవారు) పోటీ పడతారు. రెండు జట్లలో ఎక్కువ సమయం ఎవరు ఔట్‌ కాకుండా ఉంటే వాళ్లే విజేతలు. ఇటీవల ఖమ్మంలో జరిగిన జాతీయ పోటీల్లో ప్రతిభ చూపి, అంతర్జాతీయ స్థాయి పోటీలకు ఎంపికైంది. త్వరలో నేపాల్‌లో జరగనున్న పోటీల్లో మన దేశానికి ప్రాతినిధ]్యం వహించనుంది.

ఉప్పాల రాజాపృథ్వీ, ఏలూరు


భవిష్యత్తులో మహిళా నాయకులు అంటూ ఉండరు. కేవలం నాయకులు ఉంటారంతే.
- షెరిల్‌ శాండ్‌బర్గ్‌, అమెరికన్‌ వ్యాపారవేత్త


 


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని