ఆన్‌లైన్‌ శిక్షణలో ఆమె ముద్ర
close
Updated : 13/06/2021 02:06 IST
Facebook Share Twitter Share WhatsApp Share Telegram Share Link Share

ఆన్‌లైన్‌ శిక్షణలో ఆమె ముద్ర

కొవిడ్‌ పరిణామం చిన్న తరగతుల పిల్లలకీ ఆన్‌లైన్‌ బోధనను పరిచయం చేసింది. రోజు మొత్తంలో తాపీగా నేర్చుకునేవి గంట, రెండు గంటల్లో నేర్చేసుకోవాల్సిన పరిస్థితి. కొన్నిసార్లు అర్థం చేసుకోలేక పిల్లలు, ఏం చేయాలో తెలియక అమ్మానాన్నలు సతమతమవుతుంటారు. ఇదే పరిస్థితి ఆన్‌ ఆండ్రూస్‌కీ ఎదురైంది. దానికి కనుక్కున్న పరిష్కారం ఆమెను ఏకంగా వ్యాపారవేత్తని చేసింది.
ఆన్‌ ఆండ్రూస్‌కి టెస్సా అనే తొమ్మిదేళ్ల కూతురుంది. గత ఏడాది లాక్‌డౌన్‌తో చదువంతా ఆన్‌లైన్‌ మయమైంది. లెక్కల్లో ఆమె చాలా వెనుకబడింది. ఉన్న కొద్ది సమయంలో మళ్లీ అడిగే, సందేహాలు తీర్చుకునే వీలు లేకపోవడంతో ఆ అమ్మాయి డీలాపడింది. వీళ్ల కుటుంబం యూఎస్‌లో స్థిరపడింది. ట్యూటర్‌ ఏర్పాటు ఖర్చుతో కూడుకున్న పని. తనకూ ఆఫీసు, ఇంటిపనితో చెప్పడం కుదిరేది కాదు. పరిష్కారం గురించి మదన పడుతున్న ఆన్‌కి ఒక ఆలోచన వచ్చింది. అదే తను చదివిన కళాశాల విద్యార్థులను సంప్రదించడం.
ఆన్‌ది కేరళలోని తిరువనంతపురం. అక్కడే కంప్యూటర్‌ సైన్స్‌లో ఇంజినీరింగ్‌ చదివింది. అక్కడి మూడో ఏడాది విద్యార్థులను సంప్రదించింది. మొదట కొంత కష్టమైనా చివరికి ఒకరు ఆన్‌లైన్‌ ట్యూటరింగ్‌కు ఒప్పుకున్నారు. తన కూతురి చదువులో కొంత మార్పు వచ్చినా.. ఆ అమ్మాయి అంతగా ఆసక్తి చూపకపోవడం ఆన్‌ గమనించింది. దీంతో తన స్నేహితులనూ జోడించింది. ఈసారి ఆ అమ్మాయి ఉత్సాహంగా హాజరవడంతోపాటు మార్కులూ మెరుగుపడ్డాయి. దీన్నే వ్యాపారంగా మలిస్తే బాగుంటుందనుకుని ‘టెక్‌ఫ్యూనిక్‌’ను ఏర్పాటు చేసింది.
ఇదో ఆన్‌లైన్‌ ట్యూటరింగ్‌ వెబ్‌సైట్‌. దీన్ని 8-15 ఏళ్ల పిల్లలను ఉద్దేశించి రూపొందించారు. విద్యార్థి అవసరాలకు అనుగుణంగా బోధన ఉంటుంది. మేథమేటిక్స్‌, టెక్నాలజీ, కోడింగ్‌లను బోధిస్తారు. ఆన్‌ న్యూయార్క్‌లో ఇన్వెస్ట్‌మెంట్‌ బ్యాంకులో టెక్నాలజీ ప్రోగ్రామ్‌ మేనేజర్‌. తన స్టార్టప్‌ గురించి తెలిసి సహోద్యోగులు, ఇతర భారతీయులు పిల్లలను చేర్చడానికి ముందుకొచ్చారు. కొందరు మాతృభాషనూ నేర్పితే బాగుంటుందన్న సూచన చేశారు. వారికోసం ‘భాషాఫ్యూనిక్‌’ రూపొందించింది. దీనిలో పిల్లలను చిన్న చిన్న గ్రూపులుగా చేసి బోధిస్తారు. ట్యూటర్‌లను ఆన్‌ స్వయంగా ఎంపిక చేస్తుంది. వివిధ అంశాల్లో పరీక్షిస్తుంది. ముందు సీనియర్లతో కలిసి బోధించేలా చూసి, వాళ్లు చెప్పగలరని నమ్మకం వచ్చాకే పూర్తిస్థాయిలో తరగతిని అప్పగిస్తుంది.
ప్రస్తుతం దేశవ్యాప్తంగా 147 కళాశాలల విద్యార్థులు దీనిలో పనిచేస్తున్నారు. ఎక్కువగా అమ్మాయిలు, ఆర్థికంగా వెనుకబడినవారికి అవకాశం ఇస్తోంది. ప్రస్తుతం దీనిలో పనిచేస్తున్నవారిలో 75%పైగా అమ్మాయిలే. ఇది వారిలో ఆత్మస్థైర్యాన్ని నింపుతుందంటుంది ఆన్‌. ప్రతి విద్యార్థి నుంచీ కొంత ఫీజు తీసుకుంటుంది. దాంతో ట్యూటర్లకు జీతాలతోపాటు విద్యార్థులకు అవసరమైన పరికరాలనూ అందజేస్తోంది. ‘మన దగ్గర కలిసి చదువుకోవడం చాలా మామూలు విషయం. కానీ లోతుగా పరిశీలిస్తే ఇది పిల్లల్లో ఆరోగ్యకరమైన పోటీతోపాటు నేర్చుకోవాలనే కోరికను కలిగిస్తుందన్న విషయం అర్థమవుతుంది. దాన్నే నేను మా అమ్మాయి విషయంలో ఉపయోగించాను. ఆమె పరంగా, వ్యాపారపరంగా రెండు విధాలుగా విజయం సాధించాను’ అని ఆనందంగా చెబుతోంది ఆన్‌ ఆండ్రూస్‌.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని