రక్తదాతలకో యాప్‌!
close
Updated : 14/06/2021 17:43 IST
Facebook Share Twitter Share WhatsApp Share Telegram Share Link Share

రక్తదాతలకో యాప్‌!

సమయానికి రక్తం అందక, ప్రమాదకర పరిస్థితికి చేరుకున్న రోగులనెందరినో చూసింది 20 ఏళ్ల రియాగుప్తా. అలా జరగకూడదనుకుంది. అందుకే రోగిని, రక్తదాతను అనుసంధానం చేసేలా ఓ యాప్‌ రూపొందించింది. దీంతో ఎందరినో ప్రాణాపాయం నుంచి కాపాడుతోంది. ప్రపంచ రక్తదాత దినోత్సవం సందర్భంగా ఆమె సేవా కథనమిది.

రియాగుప్తా చెన్నై చెట్టినాడు అకాడెమీ ఆఫ్‌ రిసెర్చ్‌ అండ్‌ ఎడ్యుకేషన్‌లో మూడో ఏడాది చదువుతోంది. కరోనా వైరస్‌ విజృంభిస్తున్న నేపథ్యంలో సోషల్‌మీడియా ద్వారా తెలిసినవాళ్లకు కొందరికి బెడ్స్‌, ఆక్సిజన్‌ సౌకర్యాన్ని అందేలా సాయం చేసేది. ఆ సమయంలో రక్తదాతల కోసం చాలా అభ్యర్థనలు వెల్లువెత్తడం గుర్తించింది. అందుకోసం ప్రయత్నిస్తోన్న సమయంలో కొవిడ్‌ వల్ల బ్లడ్‌బ్యాంకుల్లో నిల్వలు తగ్గాయని గమనించింది. ఇందుకు తన వంతు   పరిష్కారం చూపించాలనుకుంది. ‘‘టిండర్‌’ యాప్‌ ద్వారా ఓ స్నేహితుడికి ప్లాస్మా డోనర్‌ దొరికాడని తెలిసింది. ఇక మేం వెనుకడుగు వేయలేదు. వెంటనే ‘బ్లడ్‌ డోనర్‌ కనెక్ట్‌’ పేరుతో...ఓ యాప్‌ తయారుచేశాం. సామాజిక మాధ్యమాల ద్వారా ప్రచారం చేశాం. అలా వారంలోపే వందమంది దాతలు తమ పేర్లను మా యాప్‌లో నమోదు చేసుకున్నారు. క్రమంగా ఆ సంఖ్య పెరుగుతూ వచ్చింది. చెన్నైలోని   ఎగ్మూరు పిల్లల ఆసుపత్రి, మెటర్నిటీ ఆసుపత్రి, అడయారు క్యాన్సర్‌ ఆసుపత్రుల వారికి అత్యవసరానికి మమ్మల్ని సంప్రదించవచ్చని సమాచారమిచ్చాం. రక్తం అవసరమున్నవారికి మా యాప్‌లో ఉన్న  దాతల వివరాలతో మ్యాచ్‌ చేసి సమాచారం ఇస్తాం. రెండు, మూడు గంటల్లో దాతలు ఆయా ఆసుపత్రులకు చేరుకునేలా చేస్తున్నాం. దీన్ని ప్రారంభించిన నెలలోనే వందల మంది లబ్ది పొందారు. మా యాప్‌ గురించి తెలుసుకున్న రెడ్‌ క్రాస్‌ ఇండియా, చెన్నై ట్రైకలర్‌ వంటి పలు ఎన్జీవోలు దాతల కోసం మమ్మల్ని సంప్రదిస్తున్నారు. రోజూ కనీసం పదిమందికైనా మా ద్వారా రక్తాన్ని అందించగలుగుతున్నాం.  ప్రముఖ క్రికెట్‌ క్రీడాకారుడు సురేష్‌రైనా మా సేవలను కొనియాడటం మాలో ఉత్సాహాన్ని నింపింది. ఇటీవల ఒక అరుదైన బ్లడ్‌గ్రూపు రక్తాన్నివ్వడానికి దాతలు చెన్నై నుంచి తిరుచ్చి, పుదుచ్చేరి వెళ్లివచ్చారు. వారికి తగిన ప్రభుత్వ అనుమతులను తీసిస్తున్నాం’ అని చెబుతోన్న రియా త్వరలో ఈ సేవలను దేశవ్యాప్తంగా విస్తరించే పనిలో ఉంది.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని