‘సహజ’మే ఆమె బ్రాండ్‌
close
Updated : 15/06/2021 04:51 IST
Facebook Share Twitter Share WhatsApp Share Telegram Share Link Share

‘సహజ’మే ఆమె బ్రాండ్‌

‘తక్కువ సమయంలో ఫలితం రావాలని చాలా మంది ఆశిస్తారు. అందుకు ఖరీదైన సౌందర్య ఉత్పత్తులే మార్గమనుకుంటారు. అందుకే ఖర్చుకు వెనుకాడరు. మరి వాటిలో ఉండే రసాయనాల సంగతేంటి?’ అని ప్రశ్నిస్తోంది నందీత మన్‌చన్‌దా. అందుకు కారణం లేకపోలేదు. సౌందర్య ఉత్పత్తుల్లోని రసాయనాల కారణంగా తన స్నేహితురాలు క్యాన్సర్‌కి గురయ్యింది. సహజసిద్ధ ఉత్పత్తులతో ఈ సమస్య ఉండదు కదా అని ఆలోచించింది. అనుకోవడమే కాదు.. ఏకంగా ఒక బ్రాండ్‌నే ఏర్పాటు చేసింది.
నందీతా మన్‌చన్‌దా... యూఎస్‌లో గ్రాడ్యుయేషన్‌ చేసింది. అక్కడ చదువుతున్నపుడు తన స్నేహితురాలికి చర్మ క్యాన్సర్‌ అని తేలింది. ఆ అమ్మాయికి అప్పటికి 21 ఏళ్లే. ఆమెను థెరపీలు, చికిత్సకు నందీతానే తీసుకెళ్లేది. డెర్మటాలజిస్ట్‌ ఆమె ఉపయోగించిన సౌందర్య ఉత్పత్తులోని రసాయనం క్యాన్సర్‌కి కారణమైందని చెప్పారు. దాంతో ఆమె మనసు సౌందర్యోత్పత్తుల్లోని కెమికల్స్‌పైనే ఆగిపోయింది.
2010లో ఆమె భారత్‌కు తిరిగొచ్చినా.. ఈ ఆలోచన మాత్రం అలాగే ఉండిపోయింది. తర్వాత పెళ్లైంది, సొంత బ్యూటీ సెలూన్‌నూ ఏర్పాటు చేసుకుంది. కస్టమర్ల కోసం వాడే ఉత్పత్తుల్లో రసాయనాలుండేవి. కొంతమంది రసాయనాలు లేకుండా ఉంటే బాగుండనే అనుకునేవారు. అదేదో తనే చేస్తే బాగుంటుందేమో అనిపించింది. దాని ఫలితమే ‘ఎన్స్‌ క్లోజెట్‌’. ఇది సాకారం కావడానికి కొన్నేళ్ల సమయం పట్టింది. కస్టమర్ల అవసరాలు, అభిప్రాయాలను తెలుసుకోవడంతో పాటు తన అనుభవాలనూ జోడించి పరిశోధన జరిపింది. వాటన్నింటినీ దృష్టిలో పెట్టుకుని సహజసిద్ధ పదార్థాలతో 2018లో ఈ బ్రాండ్‌ను ప్రారంభించింది. దీనిలో రసాయనాలు, జంతువుల అవశేషాలు వంటివి లేకుండా చూసుకుంది.
‘నా ఆలోచనలు సంస్థ దిశగా సాగడంలో మా బామ్మదే ప్రధాన పాత్ర. చిన్నప్పటి నుంచి ఆహార పదార్థాలను సౌందర్య పోషణలో ఉపయోగించడం ఆమె నుంచే నేర్చుకున్నాను. పెరుగు, కాఫీ, పండ్లు, గోధుమ పిండి.. ఇలా ప్రతిదాన్నీ ముఖానికీ, జుట్టుకీ పట్టించేవాళ్లం. అదే ఈ ప్రొడక్ట్స్‌ రూపొందించడానికీ సాయపడింది’ అంటుంది 27 ఏళ్ల నందీత. ముందుగా లిప్‌స్టిక్‌ల తయారీపై దృష్టిపెట్టింది. అది మంచి ఫలితాన్నిచ్చాక చర్మం, జుట్టు, కళ్లపై దృష్టిపెట్టింది. ప్రస్తుతం 60 ప్రొడక్ట్‌లు అందుబాటులో ఉన్నాయి. నెయ్యి, పండ్లు, కూరగాయలు, వెన్న, కొబ్బరి.. మొదలైన వాటినే ఉపయోగిస్తుంది. వీటిని కూడా రసాయనాలు వేయకుండా పండించిన వారి నుంచే తీసుకుంటుంది. ప్రస్తుతం నైకా, అమెజాన్‌ వంటి ప్రధాన వెబ్‌సైట్లూ ఆమె ఉత్పత్తులను అమ్మకానికి ఉంచుతున్నాయి.
కానీ.. వ్యాపారంలో విజయం ఆమెకు సులువేమీ కాలేదు. ముడిపదార్థాల విక్రేతలు చిన్న అమ్మాయి, తనకేం తెలుస్తుందిలే అని మోసం చేయాలనుకునే వారు. వాటన్నింటినీ ఆమె అధిగమించింది. ‘కొందరు సరకులు ఇచ్చే వాళ్లూ మొదట ఒకటి చూపించి, తర్వాత నాసిరకం పంపేవాళ్లు. నావద్ద తక్కువకు తీసుకుని ఎక్కువ రేట్లకు అమ్మే వాళ్లు. వీటన్నింటి నుంచి నెమ్మదిగా పాఠాలు నేర్చుకున్నాను’ అంటుందీ దిల్లీ అమ్మాయి. అందం ఒకొక్కరిలో ఒక్కోలా ఉంటుందంటుంది. రంగుకి కాకుండా ఆరోగ్యానికి ప్రాధాన్యమివ్వమంటుంది నందీత.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని