మీకొద్దా? అయితే నాకు ఇవ్వండి!
close
Updated : 16/06/2021 00:38 IST
Facebook Share Twitter Share WhatsApp Share Telegram Share Link Share

మీకొద్దా? అయితే నాకు ఇవ్వండి!

కొన్ని డ్రెస్‌లు వదులయ్యాయనో, నప్పలేదనో వేయడం మానేస్తాం. తీసేద్దామా అంటే మనసొప్పదు. బీరువాలో కొన్నాళ్లపాటు దాచేస్తాం! తీరా వేరే వాళ్లకు ఇచ్చేసే సమయానికి అవి పాతబడతాయి లేదా చిరిగే స్థితికొస్తాయి. అలాంటి వాటిని తనకిమ్మంటోంది శ్రేయా చౌహాన్‌. వాటితో పిల్లలకు చదువు, ఎంతోమందికి ఉపాధి కల్పించవచ్చంటోంది. అదెలానో చూద్దామా!

శ్రేయా చౌహాన్‌ ఫ్యాషన్‌ డిజైనర్‌. 18 ఏళ్లకే సొంతంగా సంస్థను ఏర్పాటు చేసుకుంది. లాభాలతోపాటు పేరునూ గడించింది. పాతికేళ్లు వచ్చాక తను సంపాదించుకోవడమే కానీ సమాజానికేమీ చేయలేదని అనిపించిందామెకు. తను చేసే సాయం అవసరార్థులు నిలదొక్కుకునేలా ఉపయోగపడాలనుకుంది. అదే సమయంలో ఒక ఎన్‌జీఓను నిర్వహిస్తున్న స్నేహితురాలికి డబ్బు అవసరమైంది. ఆ అమ్మాయి శ్రేయ సహాయాన్ని కోరింది. తను పక్కన పెట్టిన దుస్తులను సామాజిక మాధ్యమాల్లో ‘ద కాజ్‌ వేర్‌’ పేరిట అమ్మకానికి ఉంచింది. మంచి స్పందన వచ్చింది. మరికొందరూ తమ దుస్తులను అందించారు. ఆ అమ్మాయి ఎన్‌జీఓకి అవసరమైన మొత్తం అందింది.

ఓరోజు ఏటా ఫ్యాషన్‌ రంగంలో అమ్ముడవుతున్న వస్త్రాల గురించి తెలుసుకుంది. వీటిని పక్కన పడేయడం వల్ల ఎన్ని వనరులు వృథా అవుతున్నాయో తనకు అవగాహన వచ్చింది. ఇది పర్యావరణానికీ, సమాజానికీ హానికరమని భావించింది. ఈ సమస్యకు ఇంతకు ముందు పాటించిన ‘దుస్తుల సేకరణ- అమ్మకం’ మంచి సమాధానమనిపించింది. ‘ద కాజ్‌ వేర్‌’ పేరిట  2019లో ఆన్‌లైన్‌ సంస్థను ఏర్పాటు చేసింది. దీని ద్వారా వాడకుండా పక్కన పెట్టేసిన దుస్తులను సేకరిస్తారు. తరువాత వాటిని దశలవారీగా శుభ్రం చేస్తారు. ఆపై తాజా ఫ్యాషన్‌కు అనుకూలంగా మార్పులు చేర్పులు చేస్తారు. ఎక్కువ కాలం వేసుకోవడానికి పనికి రావనుకున్న వాటిని ఇతర రూపాల్లోకి మారుస్తారు. వీటన్నింటినీ ఆన్‌లైన్‌లో తక్కువ ధరకే అమ్మకానికి ఉంచుతారు. ఇందుకోసం శ్రేయ దేశవ్యాప్తంగా గిడ్డంగులనూ ఏర్పాటు చేసింది. ఈ అమ్మకాల ద్వారా వచ్చే మొత్తాన్ని దృష్టి లోపం ఉన్న పిల్లల చదువుకు, ఆర్థికంగా వెనుకబడినవారి ఉపాధికి, ప్రస్తుతం ఆక్సిజన్‌ కాన్‌సెన్‌ట్రేటర్ల కోసం వినియోగిస్తోంది.

‘చాలామంది పేరుకు కొన్నా.. ట్రెండ్‌ మారిందనో, ఎక్కువసార్లు వేసుకోకో పక్కనపెట్టేస్తారు. వేరే వాళ్లకి ఇచ్చేద్దామనుకునే సరికి పనికి రాకుండా పోతాయి. ఇలాంటి వారి కోసమే ‘ద కాజ్‌ వేర్‌’ను మొదలుపెట్టా. బాగున్న వాటిని ఆన్‌లైన్‌లో పెడతాం. ఏమాత్రం పాడైనా రీసైకిల్‌ చేసి, టీ షర్టులుగా మార్చి పేదవారికి ఇస్తున్నాం. వచ్చిన డబ్బులతో క్యాన్సర్‌ సోకిన పిల్లలకు చికిత్స అందిస్తున్నాం. ఆన్‌లైన్‌ చదువు అవసరం ఉండీ సెల్‌ఫోన్‌ లేనివారికి స్మార్ట్‌ఫోన్లు అందించాం. కొందరికి చిన్న చిన్న వ్యాపారాలను పెట్టించాం. ఆక్సిజన్‌ అవసరమైన వారికి సిలిండర్లు, కాన్‌సెన్‌ట్రేటర్లనూ అందిస్తున్నాం’ అంటోందీ చెన్నై అమ్మాయి.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని