కలలు చెదిరినా.. కుంగిపోలేదు!
close
Updated : 17/06/2021 01:52 IST
Facebook Share Twitter Share WhatsApp Share Telegram Share Link Share

కలలు చెదిరినా.. కుంగిపోలేదు!

‘చికినీ చమేలీ..’ కత్రినా కైఫ్‌ కెరియర్‌లో గుర్తుండిపోయే పాట. ఇటీవల ఆ పాటకు ఓ అమ్మాయి వేసిన డ్యాన్స్‌ వీడియో వైరల్‌ అయ్యింది. ఎవరా ఈ అమ్మాయి అని వెదికిన వారు తన పోరాట పటిమకు జేజేలు పలుకుతున్నారు.

సుబ్రీత్‌ కౌర్‌ గుమ్మన్‌.. హిందీ డ్యాన్స్‌ షోలను చూసేవారికి సుపరిచితమైన పేరు. తనది పంజాబ్‌లోని జుంధన్‌ అనే చిన్న పల్లెటూరు. 2009లో బండి మీద వెళ్తోంటే ఆక్సిడెంట్‌ అయ్యింది. వైద్య సిబ్బంది త్వరగా స్పందించకపోవడంతో కాలికి ఇన్ఫెక్షన్‌ అయ్యింది. దీంతో తొలగించక తప్పలేదు. ఏడు ఆపరేషన్లు చేస్తే కానీ ప్రాణాలు దక్కలేదు. ఒక్కసారిగా జీవితం తలకిందులైంది. ఓ ఏడాదంతా నొప్పిని భరించాల్సి వచ్చింది. నెమ్మదిగా ఒంటి కాలుతోనే నడవడం నేర్చుకుంది. ఇక ఇంతే అనుకోవడం సుబ్రీత్‌ మనస్తత్వం కాదు. జీవితంలో ఏదైనా సాధించాలనుకుంది.

తనకు డ్యాన్స్‌ అన్నా, వ్యాయామమన్నా ఇష్టం. కాలు లేనంత మాత్రాన ప్రయత్నాన్ని ఎందుకు ఆపాలనుకుంది. నెమ్మదిగా స్టెప్‌లు వేయడం ప్రారంభించింది. ఇంట్లో వాళ్లూ ప్రోత్సహించారు. కానీ నేర్పడానికి ఎవరూ ముందుకు రాలేదు. తన పట్టుదలను చూసి ఒక అకాడమీ వాళ్లు ముందుకొచ్చారు. అక్కడ నేర్చుకుని ‘ఇండియా గాట్‌ టాలెంట్‌’ షోకు వెళ్లింది. ఫైనల్స్‌కు చేరుకుంది. విజయం సాధించకపోయినా ఎంతోమంది అభిమానాన్ని గెలుచుకుంది. అది ఎన్నో అవకాశాలనూ తెచ్చిపెట్టింది. తర్వాత ప్రేమ వివాహం చేసుకుంది. కానీ అతను ఆమె సంపాదనను ప్రేమించాడు. దీంతో అతన్నుంచి కొద్ది కాలంలోనే విడిపోయింది. ‘కాలు పోయినప్పుడు కూడా కుంగిపోలేదు. కానీ మోసం మాత్రం నన్ను చాలా బాధించింది’ అంటుంది సుబ్రీత్‌. కానీ ఇవేమీ తన కలలను సాకారం చేసుకోవడంలో అడ్డు కావంటుంది.

ఈసారి డ్యాన్స్‌పైనే కాకుండా వ్యాయామంపైనా దృష్టిపెట్టింది. ఇందుకోసం రోజూ 35 కి.మీ. ప్రయాణం చేసేది. మోడలింగ్‌తోపాటు ఫిట్‌నెస్‌ పాఠాలనూ బోధిస్తోంది. వీటి ఫొటోలు, వీడియోలు సామాజిక మాధ్యమాల్లో పంచుకునేది. తాజాగా ఏడేళ్ల క్రితం తనకు పేరు తెచ్చిన ‘చికినీ చమేలీ’ పాటకే ఏడేళ్ల తర్వాత మళ్లీ డ్యాన్స్‌ వేసి, ఇన్‌స్టా, ఫేస్‌బుక్‌ల్లో పోస్ట్‌ చేసింది. ఆ వీడియోని 2 కోట్ల 80 లక్షల మంది చూశారు. చిన్నచిన్న కారణాలకే కుంగిపోయి జీవితాన్నే బలి చేసుకుంటున్న వారెందరో. ఎన్నో అవరోధాలొచ్చినా.. ధైర్యంగా ముందుకుసాగుతూ తన కలల్ని సాకారం చేసుకుంటున్న సుబ్రీత్‌ ఎందరికో ఆదర్శమే కదా! ఆ విషయాన్నే నెటిజన్లూ తమ కామెంట్లలో చెబుతున్నారు.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని