‘ఆకాంక్ష’కు అంకితభావం తోడై...
close
Updated : 21/06/2021 00:50 IST
Facebook Share Twitter Share WhatsApp Share Telegram Share Link Share

‘ఆకాంక్ష’కు అంకితభావం తోడై...

వ్యాపార కుటుంబమే అయినా దర్జాగా వెళ్లి సీఈఓ కుర్చీలో కూర్చోలేదు.  ఆత్మ విశ్వాసాన్ని పెట్టుబడిగా పెట్టి వ్యాపారాన్ని కొత్త చోట నుంచీ మొదలు పెట్టింది. రూ.3 కోట్ల టర్నోవర్‌ ఉన్న కుటుంబ వ్యాపార సామ్రాజ్యాన్ని రూ.75 కోట్ల స్థాయికి తీసుకెళ్లింది. ఆమే ఆకాంక్ష భార్గవ..

ఆకాంక్ష, గుడ్‌గావ్‌లోని పీఎం రిలోకేషన్స్‌ సంస్థ సీఈవో. వ్యాపారంలోకి అడుగు పెట్టినప్పుడు తన దగ్గర 35 మంది ఉద్యోగులు ఉండేవారు. ప్రస్తుతం 535 మంది. అప్పటి పీఎంఆర్‌ సంస్థ టర్నోవర్‌ 2.8 కోట్లు అయితే ఇప్పుడు రూ.75 కోట్లకు చేరింది. బెంగళూరుతో ప్రయాణాన్ని మొదలు పెట్టిన ఆకాంక్ష క్రమంగా 14 శాఖలకు విస్తరించింది.

ఆకాంక్ష అమ్మానాన్నలు రాజీవ్‌ భార్గవ, అర్చన. స్వస్థలం కోల్‌కతా. దిల్లీలో చదువుకుంది. ముంబయిలో ఎంబీఎ చేసింది. ఆమె తండ్రి రాజీవ్‌ భార్గవ, 1985లో కోల్‌కతాలో పీఎంఆర్‌ (ప్యాకింగ్‌ అండ్‌ మూవింగ్‌ రిలోకేషన్స్‌) సంస్థను నెలకొల్పారు. అంటే ఇంటిలోని సామగ్రిని ప్యాక్‌ చేసి, వేరే చోటకి తరలించడం అన్నమాట. 1992లో దిల్లీలో మరో శాఖను తెరిచారు. అమ్మానాన్న ఇద్దరూ వ్యాపారాన్ని చూసుకునే వారు.

వారేే స్ఫూర్తి

నాన్నతో సమానంగా అమ్మ కష్టపడటం, ఇద్దరూ ఒకరికొరు సాయం చేసుకోవడం చూసిన ఆకాంక్షకు చిన్నప్పట్నుంచే మహిళలు ఏ రంగంలోనైనా రాణిస్తారనే నమ్మకం ఉండేది. ఆ ధైర్యంతోనే డిగ్రీ పూర్తయ్యాక వ్యాపారంలో మెలకువలు నేర్చుకుంటానని తండ్రితో చెప్పింది. ‘అప్పటికి నాకు 21. వ్యాపారంలోకి అడుగు పెడతానంటే నాన్న వెన్నుతట్టారు. ఆయన స్ఫూర్తితో ఏప్రిల్‌ 30, 2007 బెంగళూర్‌లో బ్రాంచ్‌ ప్రారంభించాను. ఆయన నాతో 3 రోజులు బెంగళూరులోనే ఉన్నారు. అప్పుడు బిజినెస్‌ గురించి చెబుతారు అనుకున్నా... కానీ 10 డాక్యుమెంట్లు చేతిలో పెట్టి, ఇవి నీ పని పట్ల నిబద్ధతను గుర్తు చేస్తాయి. ఏం జరిగినా బెదరకు, అడుగు ముందుకు వెయ్యి అని దిల్లీ వెళ్లిపోయారు. మొదట్లో నేనూ వర్కర్లతో కలిసి షిఫ్టింగులు చేసేదాన్ని. ఒక్కోసారి అర్థరాత్రుళ్లు కూడా పనులు ఉండేవి. తొమ్మిది నెలలు ఇంటికే వెళ్లలేదు. ఒకరోజు మా వర్కర్లలో ఒక వ్యక్తి ట్రక్‌ కింద పడి చనిపోయారు. అప్పుడు పెద్ద గొడవే జరిగింది. ఆ సమయంలో నాన్న ఇంటికి వచ్చేయ్‌. నేను చూసుకుంటా అన్నారు. లేదు ఇలాంటి సవాళ్లు ఎన్ని ఎదురైనా నిలబడతాను అని మాట ఇచ్చాను. 2007- 09 మధ్యలో తీవ్ర ఆర్థిక ఇబ్బందులు ఎదుర్కొన్నాను. అయినా పట్టు వదల్లేదు. అప్పులు చేసి సిబ్బందికి జీతాలు ఇచ్చాను. మెల్లిగా వ్యాపారంలో మెలకువలు నేర్చుకున్నాను. బెంగళూరు తర్వాత హైదరాబాదులో బ్రాంచ్‌ ఓపెన్‌ చేశాను. బెంగళూర్‌, కోల్‌కతా, దిల్లీ, హైదరాబాద్‌ కలిపి మొత్తం 35 మంది ఉద్యోగులు ఉండేవారు. 2012లో అధికారికంగా సంస్థకు సీఈఓ అయ్యాను. ఒడుదొడుకులు ఎదురైనా నమ్మకాన్ని కోల్పోలేదు. ధైర్యంగా నిలబడ్డాను. మగవాళ్ల ఆధిపత్యం ఎక్కువగా ఉండే రంగమిది. అయినా ఆత్మవిశ్వాసంతో ముందుకు సాగుతున్నాను’’ అని అంటారు ఆకాంక్ష. ప్రస్తుతం హైదరాబాద్‌, పుణె, అహ్మదాబాద్‌, ముంబై, చెన్నై, దిల్లీ, కలకత్తా ఇలా 14 బ్రాంచ్‌లను నెలకొల్పి 75 కోట్ల టర్నోవర్‌ను సాధించారు. దీన్ని 100 కోట్లకు చేర్చడమే నా లక్ష్యం అని ధీమాగా చెబుతున్నారీమె. పనిమీద శ్రద్ధ, అంకితభావం, ప్రేమ... ఉంటే విజయం సాధించగలమన్నది ఆకాంక్ష మాట!

 


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని