ఆర్జన సరే.. నిర్వహణా నేర్చుకోండి!
close
Updated : 22/06/2021 01:26 IST
Facebook Share Twitter Share WhatsApp Share Telegram Share Link Share

ఆర్జన సరే.. నిర్వహణా నేర్చుకోండి!

ఆర్థిక అంశాల్లో తడబడే అమ్మాయిలే ఎక్కువ. అందుకే డబ్బు నిర్వహణ తండ్రి, అన్న, భర్తల చేతుల్లో పెట్టేస్తుంటారు. తీరా ఏదైనా అత్యవసర పరిస్థితిలో వాళ్లు అందుబాటులో లేనపుడు ఏం చేయాలో తెలియదు. తనలా చాలామంది ఇలానే ప్రవర్తిస్తుండటం షగున్‌ బన్సాలీని ఆలోచనలో పడేసింది. ఆర్థిక నిర్వహణలో కొంత తోడ్పాటునందిస్తే ఈ స్థితిలో కొంత మార్పు తేవచ్చనుకుంది.

గున్‌ బన్సాలీ ఓ ప్రముఖ సంస్థలో పీఆర్‌ ప్రొఫెషనల్‌గా చేసేది. మొదటి నుంచి జీతాన్ని నాన్నకి ఇచ్చేది. ఆయన దాన్ని ఎక్కడైనా పెట్టుబడిగా పెట్టేవారు. తన ఖర్చులు మినహా మిగతా ఎక్కడ, ఎలా దాచారన్న దానిపై ఆమెకు అవగాహన ఉండేది కాదు. పెళ్లయ్యాక భర్త చూసుకోవడం మొదలుపెట్టాడు. ఓసారి తనకో వ్యాపార ఆలోచన వచ్చింది. దాన్ని ప్రారంభించాక అన్ని పనులూ స్వయంగా చూసుకునేది. అకౌంటింగ్‌ దగ్గరికొచ్చేసరికి ఏమీ పాలుపోయేది కాదు. దాంతో భర్త సాయాన్ని తీసుకునేది. కానీ అలా ఆధారపడటం నచ్చలేదంటుందీ ముంబయి అమ్మాయి.

చుట్టూ ఉన్నవాళ్లని కనుక్కొని వాళ్ల మార్గాన్ని అనుసరిద్దామనుకుంది. స్నేహితులు, తోటి ఉద్యోగులూ ఇంట్లో మగవాళ్లపైనే ఆధారపడుతున్నారని తెలుసుకుంది. కానీ ‘ఏదైనా ఆర్థిక అత్యవసర పరిస్థితి వస్తే ఎలా?’ అని ఆలోచించింది. తన సంస్థకు సంబంధించిన ఆర్థిక కార్యకలాపాలన్నింటినీ తనే చూసుకోవడం మొదలుపెట్టింది. అకౌంటింగ్‌ ప్రాథమికాంశాలను నేర్చుకుంది. కానీ ఇవన్నీ నేర్చుకోవడం ఆమెకు చాలా ఇబ్బందిగా అనిపించింది. చిన్న పొరబాటు ఒక్కోసారి పెద్ద చిక్కునే తెచ్చిపెట్టేది. దీంతో నేర్చుకుని చేయడం కంటే దీనిలో ప్రావీణ్యం ఉన్నవారి సలహా తీసుకుని చేయడం మంచిదనుకుంది. ఆ ఆలోచనను తను ఆచరించడంతోపాటు నలుగురికీ అందించాలనుకుంది. దాని ఫలితమే ‘మిస్‌ పిగ్గీ బ్యాంక్స్‌’.

మొదట ఈ పేరుతోనే ఇన్‌స్టా, బ్లాగుల్లో నిపుణుల సాయంతో ఆర్థికపరమైన సలహాలను ఇచ్చేది. ఈ ఏడాది ప్రారంభం నుంచి పేరున్న ఫైనాన్షియల్‌ ప్లానర్‌లు, అడ్వయిజర్లతో నేరుగా వెబ్‌సైట్‌ను ప్రారంభించింది. ఇందుకుగానూ కొన్ని నెలలపాటు ఆర్థిక నిపుణులతోపాటు, సాయం కోసం చూస్తున్న 500 మందితో మాట్లాడింది. వీరిలో 20-40 ఏళ్ల వరకు వారూ ఉన్నారు. రంగంలో పేరున్న, నమ్మకమైన వారి వివరాలను ప్రావీణ్యం ఉన్న విభాగం, సలహా కోసం తీసుకునే ఫీజు వివరాలతో సహా వెబ్‌సైట్‌లో ఉంచుతుంది. సలహా కావాలనుకునేవారు క్లిక్‌ చేయడం ద్వారా అపాయింట్‌మెంట్‌ పొందొచ్చు.

‘ప్రస్తుతం 16 మంది నిపుణులు మాకోసం పనిచేస్తున్నారు. ఇంకొంత మందితో సంప్రదింపులు చేస్తున్నాం. నైపుణ్యం, నమ్మకమైన వారికే ప్రాధాన్యమిస్తున్నాం. 2021 ప్రారంభంలో వెబ్‌సైట్‌ను మొదలుపెట్టాం. ఇప్పటివరకూ లక్షన్నరకు పైగా మమ్మల్ని సంప్రదించారు. ఆర్థిక స్వాతంత్య్రం కోసం చూసేవారందరికీ ఈవిధంగా మార్గం చూపించడం ఆనందంగా ఉంది’ అంటోంది షగున్‌. అంతేకాదు వెబ్‌సైట్‌ ద్వారా పెట్టుబడి సంబంధిత అంశాలపై వెబినార్లే కాకుండా బిగినర్‌ కోర్సులనూ అందించనున్నారట.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని