పసుపు పాఠాలకు పద్మశ్రీ వచ్చింది
close
Updated : 25/06/2021 01:37 IST
Facebook Share Twitter Share WhatsApp Share Telegram Share Link Share

పసుపు పాఠాలకు పద్మశ్రీ వచ్చింది

మేఘాలయలోని జెయింటియా పర్వతప్రాంతాలకు చెందిన గిరిజన మహిళ ట్రినిటీ సాయీవూ. వృత్తిరీత్యా టీచర్‌. అంతే కాదు పసుపు పంట ద్వారా వేల మంది మహిళలు ఆర్థిక, సామాజికపరంగా స్వావలంబన పొందేలా కృషి చేస్తోంది. తన సేవలకు గుర్తింపుగా ప్రతిష్ఠాత్మకమైన అవార్డులెన్నో వరించాయి..
లకాడంగ్‌ పసుపు అంటే ప్రపంచ వ్యాప్తంగా ప్రత్యేకం. ఇది మేఘాలయలో మాత్రమే పండుతుంది. అక్కడి ముల్లీ గ్రామంలో ఓ రైతు కుటుంబంలో పుట్టింది ట్రినిటీ. చిన్నప్పటి నుంచి పాఠాలు చెప్పడంలో ఆసక్తి ఉండటంతో, చదువు పూర్తయిన తర్వాత టీచర్‌గా మారింది. 2003లో స్పైసెస్‌ బోర్డ్‌ ఆఫ్‌ ఇండియా అధికారులు ట్రినిటీ నివసించే ప్రాంతానికి వచ్చారు. అక్కడ పండే లకాడంగ్‌ పసుపు వల్ల కలిగే ఆరోగ్య ప్రయోజనాలపై అందరికీ అవగాహన కలిగించారు. దాంతోపాటు ప్రభుత్వ ప్రాజెక్ట్‌లా అక్కడ ఈ పంటను పండించడానికి స్థానికులకు రుణాలు ఇచ్చి ప్రోత్సహించారు. ఆరోగ్యపరంగా ఈ పసుపు ఎలా ఉపయోగపడుతుందో అప్పటికే ట్రినిటీకి అవగాహన ఉంది. ఎందుకంటే బాల్యం నుంచి వ్యవసాయాన్ని చూస్తూ పెరిగింది. ఆహారంలో వాడే దీని విలువ తెలుసామెకు. దాంతో ఏడుగురు మహిళలతో కలిసి ఈ ప్రాజెక్ట్‌లో ఈమె భాగమైంది. స్థానికులు, ప్రభుత్వ అధికారుల మధ్య ఆంగ్లం, హిందీ మాట్లాడుతూ అనుసంధానంగా నిలిచింది. మూడేళ్లపాటు చేపట్టిన ఈ స్కీంలో భాగంగా చుట్టుపక్కల ఉండే గ్రామాలన్నీ పర్యటించేది ట్రినిటీ. సంప్రదాయ, సేంద్రియ పద్ధతుల్లో పంట దిగుబడిని ఎలా పెంచాలో నేర్పించేది. అలా సేంద్రియ పద్ధతుల్లో పసుపు పంట పండించడంలో వేల మంది గిరిజన మహిళలకు శిక్షణనందించింది.

‘అప్పుడు వచ్చిన ఆలోచనే... మహిళా స్వయం సహాయక బృందాల ఏర్పాటు. పసుపు వ్యవసాయాన్ని మహిళల నేతృత్వంలో నడిచేలా చేయాలనుకున్నా. అలా మొదలైన బృందాలు ఇప్పుడు 100కు పైగా పెరిగాయి. దాంతోపాటు హిల్స్‌ కర్‌క్యుమిన్‌, స్పైస్‌ ప్రొడ్యూసర్‌ సొసైటీను రూపొందించా. నేను దీనికి అసిస్టెంట్‌ జనరల్‌ సెక్రటరీగా బాధ్యతలు నిర్వహిస్తున్నా. స్వయం సహాయక బృంద సభ్యుల సంఖ్య వెయ్యికి చేరింది. ఈ బృందాలన్నీ ఈ సొసైటీ ద్వారానే పసుపును పండిస్తున్నాయి. ఇక్కడి నుంచి దేశవ్యాప్తంగా 30 మెట్రిక్‌ టన్నుల పసుపు ఎగుమతి చేయగలుగుతున్నాం. అనుకున్నంత సులువు కాలేదు మా వ్యవసాయం. ఇందుకోసం ప్రత్యేక యంత్రాలను ఏర్పాటు చేసుకోవడం, మహిళా రైతులకు పంట వేయడం కోసం నగదు ఏర్పాటు చేయడం వంటివి ఛాలెంజ్‌గా మారేవి. వాటన్నింటినీ అధిగమించి ముందడుగు వేశాం. సొంతంగా మొలకలను వారే పెంచుకునేలా, పురుగులు పట్టకుండా పర్యవేక్షించుకునేలా శిక్షణనిచ్చేదాన్ని. అంతేకాదు, పంట పూర్తయిన తర్వాత దాన్ని పొడిగా మార్చడానికి ప్రాసెసింగ్‌ యూనిట్‌ను ఏర్పాటు చేశా. క్రమేపీ అల్లాన్ని కూడా పండించడం మొదలుపెట్టాం. దీన్ని ఎండబెట్టి శొంఠిగా మారుస్తాం. మూడు మెట్రిక్‌ టన్నుల శొంఠి పొడిని ఎగుమతి చేస్తున్నాం. గతేడాది పద్మశ్రీ పరస్కారం నాకు దక్కడం గౌరవంగా భావిస్తున్నా’ అని అంటుంది ట్రినిటీ.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని