అందాల తారకు అపూర్వ గౌరవం!
close
Updated : 30/06/2021 02:02 IST
Facebook Share Twitter Share WhatsApp Share Telegram Share Link Share

అందాల తారకు అపూర్వ గౌరవం!

అందాల భామ, బాలీవుడ్‌ నటి 27 ఏళ్ల ఊర్వశి రౌతెెలా మహారాష్ట్ర, గోవా గవర్నరు భగత్‌ సింగ్‌ కోశ్యారీ చేతుల మీదుగా ‘స్త్రీ శక్తి జాతీయ పురస్కారాన్ని’ అందుకుంది.  ఇప్పటి దాకా ఈ పురస్కారాల్ని అందుకున్న మహిళల్లో ఊర్వశి పిన్న వయస్కురాలు. ‘అతి చిన్న వయసులో ఈ అవార్డును అందుకోవడం ఆనందంగా, కాస్త గర్వంగానూ ఉంది. నా నగరంలో... నా దేశంలో నేను గర్వించేలా చేసిన క్షణమిది’ అంటూ తన వీడియో, ఫొటోలను ఇన్‌స్టా ద్వారా అభిమానులతో పంచుకుంది.

కరోనా మహమ్మారి మొదలైనప్పటి నుంచి ఊర్వశి కొవిడ్‌ యోధురాలిగా సామాజిక సేవలందిస్తూనే ఉంది. అన్నార్తులకు ఆహార పొట్లాలు పంచడం, రోగులకు ఆక్సిజన్‌ కాన్సన్‌ట్రేటర్లు అందించడం వంటివి చేసింది. అంతకు ముందు కూడా ముంబయిలో భారీ తుపానులో నిరాశ్రయులకు ఆహారాన్ని సరఫరా చేసింది. వీటన్నింటికీ గుర్తింపుగానే కేంద్ర ప్రభుత్వం ‘స్త్రీ శక్తి జాతీయ పురస్కారం - 2021’తో ఊర్వశిని గౌరవించింది.

2015లో ఊర్వశి ‘మిస్‌ దివా యూనివర్స్‌-2015’గా కిరీటం గెలుచుకుని ‘మిస్‌ యూనివర్స్‌’ పోటీలకు మన దేశానికి ప్రాతినిధ్యం వహించింది. ‘సింగ్‌ సాహెబ్‌’ సినిమాతో బాలీవుడ్‌కి పరిచయం అయ్యింది. ‘సనమ్‌ రే, గ్రేట్‌ గ్రాండ్‌ మస్తీ, హేట్‌స్టోరీ4, పాగల్‌పంతి, వర్జిన్‌ భానుప్రియ’ తదితర చిత్రాల్లో నటించింది. మ్యూజిక్‌ వీడియోలూ చేస్తూ అభిమానులను అలరిస్తోంది.

వివిధ రంగాల్లో అసాధారణ కృషి చేసిన వారికి కేంద్ర మహిళా, శిశు సంక్షేమ అభివృద్ధి శాఖ ఈ అవార్డును అందజేస్తుంది.ఆత్మస్థైర్యంతో విపత్కర పరిస్థితులను ఎదుర్కొన్న వారు, మహిళా సాధికారత కోసం పాటుపడే వారు, వ్యక్తిగత, వృత్తి జీవితాల్లో అతివల సమస్యలపై పోరాడే వారికి ఈ పురస్కారం ఇస్తారు.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని