మెడలో స్టెత్‌.. చేతిలో గన్‌!
close
Updated : 01/07/2021 01:20 IST
Facebook Share Twitter Share WhatsApp Share Telegram Share Link Share

మెడలో స్టెత్‌.. చేతిలో గన్‌!

మిలిటరీ యూనిఫాం, చేతిలో తుపాకీ, మంచులో దాదాపుగా నడుము వరకూ కూరుకుపోయి పహారా కాస్తున్నారొకరు. గురుతులన్నీ సైనికురాలని చెబుతున్నాయి కదూ! మెడలో స్టెతస్కోప్‌ ఎందుకంటే తను డాక్టర్‌ కూడా మరి! ఈమెవరో తెలుసుకుందామా!
దేశ రక్షణలో అమ్మాయిల ప్రాతినిధ్యం పెరుగుతోంది. మహిళా సైనికులకూ శాశ్వత కమిషన్‌ ప్రకటించిన కొద్ది కాలానికే దేశ నియంత్రణ రేఖ దగ్గర పహారా కాసే అవకాశాన్ని దక్కించుకోవడం ఈ విషయాన్ని స్పష్టం చేస్తోంది. ఇక్కడ ఈమె పహారాకే పరిమితం కాలేదు. సేనలను ముందుండి నడిపించే కెప్టెన్‌ కూడా. డాక్టర్‌ దీప్సిక ఛెత్రి గురించే ఇదôతా!

దీప్సికది సిక్కింలోని గ్యాంగ్‌టక్‌. రాజేంద్ర కుమార్‌ ఛెత్రి, బిందు ఛత్రి తన అమ్మానాన్నలు. ఈమె చదువులో మొదట్నుంచీ చురుకే. సిక్కిం మణిపాల్‌ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ నుంచి ఎంబీబీఎస్‌ చేసింది. తర్వాత మిలిటరీపై ఆసక్తితో ఆర్మీ మెడికల్‌ ఎగ్జామ్‌ రాసింది. దీనిలో మొత్తంగా ఆరో ర్యాంకు, అమ్మాయిల్లో రెండో ర్యాంకు సాధించింది. అలా ఆ రాష్ట్రం నుంచి ఎంపికైన మహిళా సైనికుల్లో రెండో వ్యక్తిగా నిలిచింది. శిక్షణ అనంతరం ఈమెను నియంత్రణ రేఖ దగ్గర నియమించారు. ఇక్కడ తను సైనిక విధులతోపాటు  వైద్య సేవలనూ అందించనుంది. దీప్సిక గురించి సిక్కిం ముఖ్యమంత్రి సోషల్‌ మీడియాలో పోస్టు పెట్టారు. రాష్ట్రం నుంచి దేశానికి సేవలందించే రెండో వ్యక్తిగా నిలిచినందుకు అభినందించడంతోపాటు గర్వంగా ఉందన్నారు. మగవాళ్లకే కష్టమని భావించే నియంత్రణ రేఖ దగ్గర, ప్రతికూల వాతావరణంలో బాధ్యతలు నిర్వర్తిస్తోంది. ఎంతోమంది అమ్మాయిల్లో స్ఫూర్తిని నింపడంతోపాటు దేశానికీ గర్వకారణంగా దీప్సిక నిలుస్తోంది కదూ!


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని