వైద్యం మా కల.. నటన అభిరుచి!
close
Updated : 01/07/2021 01:35 IST
Facebook Share Twitter Share WhatsApp Share Telegram Share Link Share

వైద్యం మా కల.. నటన అభిరుచి!

‘సినిమాపై ఇష్టంతో చదువు మానేశా’  ‘డాక్టర్‌ అవ్వాలనుకున్నా.. కానీ.. యాక్టర్‌ అయ్యా’- సాధారణంగా సినిమా తారల నుంచి వినే మాటలివి. కానీ మన ఇద్దరు నాయికలు మాత్రం మా మొదటి ప్రాధాన్యం వైద్యవృత్తే, అభిరుచి కొద్దీ సినిమాల్లోకి వచ్చామంటున్నారు. వాళ్లే.. సాయిపల్లవి,  రూపా కొడువయూర్‌. వీళ్లిద్దరిలో ఇంకో పోలికా ఉంది. ఇద్దరూ మంచి డ్యాన్సర్లే.

కార్డియాలజిస్ట్‌ని అవుతా: సాయిపల్లవి

నెమలి నాట్యం, సహజ నటన, మేకప్‌ లేని ముఖం.. సాయిపల్లవి పేరు వినగానే గుర్తొచ్చే అంశాలివి. ఈ తమిళమ్మాయి.. తెలుగు, తమిళం, మలయాళ సినిమాల్లో నటించి, దక్షిణాదిన నటిగా గుర్తింపు తెచ్చుకుంది. అయినా వైద్య విద్యాభ్యాసం ఆపలేదు. జార్జియాలోని తబలిసి స్టేట్‌ మెడికల్‌ యూనివర్సిటీ నుంచి 2016లో ఎంబీబీఎస్‌ పూర్తిచేసింది. గత ఏడాది తిరుచ్చిలో ఫారెన్‌ మెడికల్‌ గ్రాడ్యుయేట్‌ ఎగ్జామినేషన్‌కూ హాజరైంది. 2015లో మళయాళం ‘ప్రేమమ్‌’తో అందరి చూపూ ఆకర్షించింది. కానీ 2008లోనే ఆమె అరంగ్రేటం చేసింది. కొన్ని డ్యాన్స్‌ ప్రోగ్రామ్‌లతో టీవీ ప్రేక్షకులకీ దగ్గరైంది. అయినా అంత విరామం తీసుకోవడానికి కారణమేంటంటే.. చదువు. మొదటి ప్రాధాన్యం దానికే ఇచ్చింది. ప్రేమమ్‌ నాటికి విద్యాభ్యాసం పూర్తికాలేదు. సినిమాలు చేస్తూనే కొనసాగించింది. కార్డియాలజిస్ట్‌ కావాలన్నది ఆమె కలట. యాక్టర్‌ సాయిపల్లవిని నిజజీవితంలో డాక్టర్‌గానూ చూస్తామన్నమాట.


లాక్‌డౌన్‌లో సేవలు: రూపా కొడువయూర్‌

‘ఉమా మహేశ్వర ఉగ్రరూపస్య’ సినిమాతో పరిచయమైన రూపకు డాక్టర్‌ అవ్వడం చిన్నప్పటి నుంచీ లక్ష్యమట. అభిరుచి కొద్దీ సినిమాలు చేస్తున్నానంటోంది. ఈమె గుంటూరు కాటూరి మెడికల్‌ కాలేజ్‌ అండ్‌ హాస్పిటల్‌లో హౌజ్‌ సర్జన్‌ పూర్తిచేసింది. గత ఏడాది లాక్‌డౌన్‌ నాటికి ఇంకా చదువు పూర్తికాలేదు. చివరి సంవత్సరం చదువుతోంది. అయినా కొవిడ్‌ బాధితులకు వైద్యం అందించింది. మొదట భయంగా అనిపించినా వైద్యుల లక్ష్యం రోగులను కాపాడటమే కాబట్టి ధైర్యంగా కొనసాగించానంటోంది. అంతేకాదు.. కరోనా సమయంలో వైద్యులు చేస్తున్న కృషిని తెలియజెప్పేలా రూపొందించిన ‘దారే లేదా’ వీడియోలో డాక్టర్‌గా చేసింది. నానీ సమర్పించిన ఈ ఎనిమిది నిమిషాల వీడియోను ఈ నెల 18న యూట్యూబ్‌లో ఉంచగా 22,23,839మంది చూశారు. హౌస్‌ సర్జన్సీ పూర్తవగానే 20 రోజులపాటు ఓ సినిమా షూటింగ్‌లో పాల్గొని మళ్లీ వైద్యసేవలను అందించింది. ఈమె డ్యాన్సర్‌ కూడా. భరతనాట్యంలో శిక్షణ తీసుకొంది. సొంత యూట్యూబ్‌ ఛానెల్‌నూ నిర్వహిస్తోంది. రెండు ప్రొఫెషన్లనీ బ్యాలెన్స్‌ చేయడం కష్టంగా ఉన్నా కొనసాగిస్తానంటూనే.. ఆంకాలజీలో స్పెషలైజేషన్‌నూ చేస్తానంటోంది.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని