ఆందోళనకు నివృత్తి ‘అగట్సు’
close
Updated : 03/07/2021 01:31 IST
Facebook Share Twitter Share WhatsApp Share Telegram Share Link Share

ఆందోళనకు నివృత్తి ‘అగట్సు’

నిన్నమొన్నటి దాకా ఒక స్టార్‌ హీరో కూతురుగానే పరిచయం. ఇప్పుడు తనకంటూ గుర్తింపు తెచ్చుకుంది. దర్శకత్వ శాఖలో పనిచేసింది. టాటూ కళను నేర్చుకుంది. ఇక ఇప్పుడు సమాజమంతా బాగుండాలనే ధ్యేయంతో ‘అగట్సు’ ప్రారంభించింది. ఇంతకీ ఎవరామె?
ఆమిర్‌ఖాన్‌.. పరిచయం అక్కర్లేని పేరు. ‘లగాన్‌, దంగల్‌, త్రీ ఇడియట్స్‌’ లాంటి సూపర్‌ డూపర్‌ హిట్స్‌తో దేశంలోనే కాదు, ప్రపంచవ్యాప్తంగా అభిమానులను సంపాదించుకున్నారు. ఇప్పుడాయన కూతురు ఇరా ఖాన్‌ వార్తల్లో వ్యక్తయ్యింది. ఈ తరం పిల్లలందరిలాగే సోషల్‌ మీడియాలో చురుగ్గా ఉంటూ ఎప్పటికప్పుడు తన భావాలను నలుగురితో పంచుకుంటుంది. తాజాగా ‘మెంటల్‌ హెల్త్‌ ఫౌండేషన్‌’ గురించి ప్రకటించింది. ఇరా ఖాన్‌కు నటన మీద ఆసక్తి లేదు. టెక్నీషియన్‌గా ఉండటమే ఇష్టమని చెబుతుంది. తన ఆకాంక్షల్లో ఒకటైన టాటూ కళ తనకు మరో కెరీర్‌గా ఉపయోగపడొచ్చు అనేది తన ఆలోచన. తొలి టాటూ తనమీదే ప్రయోగించుకుంది. ఒకరోజు తన చేతిమీద ‘మనమే చేయకపోతే ఇంకెవరు చేస్తారు’ అనే అర్థమొచ్చే టాటూ వేసుకుంది. ఆ వీడియోను ఇన్‌స్టాగ్రాంలో షేర్‌ చేసింది. ఆ పదాలామెకి అందంగా, అద్భుతంగా అనిపించాయి. ఆ టాటూ చూసుకుని మురిసిపోతున్నప్పుడు తానేం చేయాలో స్పష్టత వచ్చిందట. దాని ఫలితమే ఈ మానసిక ఆరోగ్య కేంద్రం. ఆపైన వెంటనే కార్యాచరణ జరిగిపోయింది. ‘అగట్సు’ పేరుతో ఫౌండేషన్‌ నమోదు చేయించింది. అవసరంలో ఉన్నవాళ్లెవరైనా తమను సంప్రదించవచ్చని ఆహ్వానిస్తోంది. ‘అగట్సు’ అనేది జపనీస్‌ పదం. దీనికి అర్థాలు... సిసలైన విజయం, స్వీయనైపుణ్యం. ఈ సంస్థ ఏర్పాటుకు ఆమిర్‌ఖాన్‌, ఆయన శ్రీమతి కిరణ్‌ కూడా మద్దతు తెలిపారు.
‘అందరికీ చిన్నవో పెద్దవో సమస్యలుంటాయి. కొన్ని సాధారణం, ఇంకొన్ని విభిన్నం. వాటిల్లో చాలా వాటికి సమాధానాలు తెలీదు. తెలుసుకుని పరిష్కరించుకోగలిగితే సుఖంగా ఉండొచ్చు. ఒంటరితనాలు తగ్గుతాయి. ఇష్టమైన వ్యాపకాలతో, నచ్చినరీతిలో సంతోషంగా గడపొచ్చు. అందుకు తోడ్పడాలనేదే మా లక్ష్యం. మేం కష్టకాలంలో తోడుగా ఉంటాం. మానసిక అనారోగ్యాల గురించి అవగాహన కల్పించి, ఆయా సమస్యలను పరిష్కరించేందుకు ప్రయత్నిస్తాం. ఇది తొలి అడుగు మాత్రమే. మున్ముందు ఇంకెన్నో మంచి పనులు చేయాలని ఉంది. ఇది మీకు బాగుందనిపిస్తే మా వెబ్‌సైట్‌ చూడండి. మీకు గానీ, మీ బంధుమిత్రులకు గానీ ఎలాంటి ఆందోళనలు, మానసిక సమస్యలున్నా తగిన సాయం పొందొచ్చు’ అంటోంది ఇరా ఖాన్‌. ఇదెంత మంచి పనో కదా!


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని