ఆటోలే అంబులెన్సులయ్యాయి
close
Updated : 06/07/2021 00:26 IST
Facebook Share Twitter Share WhatsApp Share Telegram Share Link Share

ఆటోలే అంబులెన్సులయ్యాయి

తమిళనాడులోని నీలగిరి జిల్లాలో ఎత్తైన ప్రాంతాలే ఎక్కువ. అక్కడ నివసించే గిరిజనులకు అత్యవసరంలో చికిత్స అందడం కష్టం. ఈ ఇబ్బందిని గుర్తించి, తనవంతుగా ఏదైనా చేయాలనుకుంది రాధికా శాస్త్రి. తన ఆలోచనకు కార్యరూపమే ‘అంబురెక్స్‌’. ఆటోలను అంబులెన్స్‌లుగా తీర్చిదిద్ది, పేదలకు సేవలందేలా చేస్తోంది.

రాధిక కొన్నేళ్లుగా కున్నూరులో సొంతంగా కేఫ్‌ను నడుపుతోంది. కరోనా సమయంలో చుట్టుపక్కల ప్రాంతాలు, పర్వత శ్రేణులకు సమీపంలో ఉండే గిరిజన కుటుంబాలకు సమయానికి చికిత్స అందక ఎన్నో ఇబ్బందులకు గురి అవుతున్నారని తెలుసుకుంది. కొన్ని సమయాల్లో ప్రాణాపాయమవడం చూసింది. అత్యవసర పరిస్థితుల్లో కనీసం దగ్గర్లో ఉండే ప్రాథమిక వైద్య కేంద్రాలకు కూడా సకాలంలో చేరుకోలేకపోతున్నారు. అటువంటి చోట్ల నుంచి సునాయసంగా ఆసుపత్రులకు రాగలిగేలా వాహనాలుంటే ఈ సమస్య నుంచి వాళ్లు బయటపడగలుగుతారని భావించింది. తాను చేయాలనుకున్న సాయాన్ని తనకు తెలిసినవారందరికీ చెప్పడమే కాకుండా ఆర్థికసాయాన్నీ కోరింది. అలా దాతల నుంచి రూ3.5 లక్షలు విరాళాలను సేకరించింది. వాటితో 470సీసీ బజాజ్‌ మేక్సిమా వాహనాల సంస్థను సంప్రదించింది. పర్వత ప్రాంతాల్లో ప్రయాణించడానికి వీలుగా ఆటోలను డిజైన్‌ చేసివ్వాలంటూ కోరింది.

అంబురెక్స్‌ పేరుతో...

బజాజ్‌మేక్సిమా వాహనాలను అవసరానికి తగ్గట్లుగా డిజైన్‌ చేసి, వాటికి ఆటో అంబులెన్స్‌లుగా పేరు పెట్టింది. ‘అంబురెక్స్‌’గా ప్రారంభించిన ఈ ప్రాజెక్టులో తయారుచేసిన ఈ వాహనాలను పేదల కోసం వినియోగించేలా చేయడానికి పలు ఎన్జీవోలను సంప్రదించింది.  సమీప ఆసుపత్రుల నిర్వాహకులనూ కలిసింది. అలా వారందరితో చర్చించి, ఆ వాహనాలను వారికి ఉచితంగా అందించింది. రోగుల కోసం అత్యవసర పరిస్థితుల్లో ఉచితంగా సేవలందించడానికి మాత్రమే వినియోగించాలంటూ కోరింది.

సకల సౌకర్యాలతో

ఈ వాహనాల్లో రోగులకు అవసరమయ్యే సౌకర్యాలన్నీ ఉన్నాయంటుంది రాధిక. ‘స్ట్రెచర్‌, సహాయకుడు కూర్చోవడానికి సీటు, ఆక్సిజన్‌ సిలిండర్‌, డ్రిప్‌ హుక్స్‌, ఫస్ట్‌ ఎయిడ్‌ బాక్సు, ఫ్యాన్‌తోపాటు అనుకోని అగ్ని నివారణ పరికరం వంటి సౌకర్యాలన్నీ ఉండేలా తీర్చిదిద్దాం. రోగులకు, వాహనాన్ని నడిపే వారికి విడివిడిగా క్యాబిన్లు ఉండేలా చేశాం. బజాజ్‌ సంస్థకు నేను ఇచ్చిన డిజైన్‌కు మరికొంత మెరుగులు దిద్ది మరీ వారు తయారుచేసి అందించడం సంతోషంగా అనిపించింది. ఈ వాహన తయారీ ఆలోచన వచ్చిన వారం రోజుల్లోపే విరాళాలు రావడం, నెలలోపే అనుకున్నట్లుగా అంబులెన్స్‌లు సిద్ధం కావడం... అంతా చాలా వేగంగా పూర్తయింది. ప్రస్తుతం ఇవన్నీ అవసరమైన వారికి సేవలు అందిస్తూ, ప్రాణాపాయం నుంచి కాపాడుతున్నాయి. మరిన్ని వాహనాలను చేయించి రాష్ట్రవ్యాప్తంగా గిరిజన ప్రాంతాలన్నింటికీ అందించాలన్నదే నా లక్ష్యం’ అని చెబుతున్న రాధిక మరెందరిలోనో స్ఫూర్తిని కలిగిస్తోంది.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని