చిట్టి గుండెకు అండ..పలక్!
close
Updated : 09/07/2021 00:35 IST
Facebook Share Twitter Share WhatsApp Share Telegram Share Link Share

చిట్టి గుండెకు అండ..పలక్!

మధురమైన గాత్రమే కాదు..  మంచి మనసూ ఆమె సొంతం. తన పాటల ద్వారా వచ్చిన సంపాదనని పసి గుండెలను కాపాడటానికి ఖర్చుపెడుతోందామె.. ఆమె స్ఫూర్తి పాఠాన్ని మహారాష్ట్ర ప్రభుత్వం పిల్లలకు పాఠ్యాంశంగా చేర్చింది..  ఆమే యువగాయని పలక్‌ ముచ్చల్‌..

దేళ్ల కుర్రాడు. తను వేసుకున్న చిరుగుల షర్టుని తీసి.. దాంతోనే రైల్లో ప్రయాణికులు తిని పారేసిన చెత్తను ఊడుస్తూ దీనంగా డబ్బు యాచిస్తున్నాడు. ఆ కుర్రాడినే గమనిస్తున్న మరో చిన్నారి పలక్‌ హృదయం ఇదంతా చూసి తల్లడిల్లింది. అలాంటి వాళ్ల కోసం ఏమైనా చేయాలని అప్పుడే అనుకుంది. గాయని అయిన పలక్‌ తనలోని అద్భుతమైన కళానైపుణ్యాన్ని ఆయుధంగా చేసుకుని సమాజంలోని కష్టాలనీ, కన్నీళ్లనీ కొంతైనా తగ్గించాలనుకుంది. ఈ పాటల పూబంతి 1992లో ఓ మార్వాడీ కుటుంబంలో పుట్టింది. తండ్రి రాజ్‌కుమార్‌ ముచ్చల్‌ ప్రయివేటు ఉద్యోగి. తల్లి అమిత గృహిణి. పలక్‌ తన పాటల ప్రస్థానాన్ని నాలుగేళ్ల వయసు నుంచే మొదలుపెట్టింది. స్కూల్లో ఓసారి లతామంగేష్కర్‌ పాట పాడి అందరినీ మంత్ర ముగ్ధులను చేసింది. దాంతో ఆమె తల్లిదండ్రులు సంగీత స్కూల్లో చేర్పించి ఆమెలోని ఆసక్తికి మెరుగులు దిద్దారు. ఏడేళ్ల వయసులో కార్గిల్‌ యుద్ధ (1999)సమయంలో ఇండోర్‌లోని ప్రతి దుకాణం ముందు పాటలు పాడి సైనిక కుటుంబాల కోసం పాతికవేల రూపాయల విరాళాలు సేకరించి, అందరి మనసులు గెల్చుకుంది. ఆ తర్వాత ఇండోర్‌లో తను చదువుకుంటున్న నిధి వినయ్‌ మందిర్‌ స్కూల్లోని తన తోటి విద్యార్థి లోకేష్‌ గుండె ఆపరేషన్‌ కోసం పాటలు పాడి యాభైవేల రూపాయలు సేకరించింది. ఆ అబ్బాయి తండ్రిది చిన్న చెప్పుల దుకాణం. శస్త్రచికిత్సకు అయ్యే డబ్బు వాళ్ల దగ్గర లేకపోవడంతో పలక్‌ ముందుకొచ్చి ఈ మంచి పని చేసింది. ఇదంతా తెలుసుకొన్న ప్రముఖ హృద్రోగ వైద్య నిపుణులు డాక్టర్‌ దేవిప్రసాద్‌శెట్టి ఆ బాబుకు ఉచితంగా ఆపరేషన్‌ చేశారు. సేకరించిన విరాళాన్ని లోకేష్‌లా గుండెజబ్బుతో బాధపడుతున్న ఎవరికైనా అందిద్దామని పలక్‌ అమ్మానాన్నలు స్థానిక పత్రికలో ఓ ప్రకటన ఇచ్చారు. దాన్ని చూసి చాలామంది మాకంటేమాకంటూ సాయం కోరారు. దాంతో పలక్‌ వాళ్లందరి కోసం మళ్లీ పాడాల్సి వచ్చింది. అలా ఒకరి కోసం మొదలైన ఆమె పాటల ప్రయాణం ఇప్పటివరకూ కొనసాగుతూనే ఉంది. 2000 ఏడాది నుంచి తన తమ్ముడితో కలిసి గుండెజబ్బులున్న పిల్లలకోసం ‘దిల్‌ సే దిల్‌ తక్‌’  పేరుతో దేశ, విదేశాల్లో ప్రదర్శనలిస్తోంది. గజల్‌్్స, భక్తిగీతాలతోపాటు సినిమా పాటలూ పాడుతుందీ అమ్మాయి. హిందీ, సంస్కృతం, గుజరాతీ, అసోమీ, పంజాబీ, కన్నడ, తెలుగు, తమిళం సహా 18 భాషల్లో అద్భుతంగా పాడగలదు. ఓ పక్క పాటలు పాడుతూనే మరోపక్క తన చదువునీ కొనసాగించింది. ఇండోర్‌లోని ‘క్వీన్స్‌’ కాలేజ్‌లో బీకామ్‌ పూర్తిచేసింది.

ఫౌండేషన్‌ స్థాపించి..
‘పలక్‌ ముచ్చల్‌ ఫౌండేషన్‌’ పేరుతో ఓ సంస్థను ప్రారంభించింది. ఆపరేషన్‌ జరుగుతున్న సమయంలో థియేటర్‌లోకి వైద్యులు ఆమెను అనుమతిస్తుంటారు. విరాళాల ద్వారా వచ్చిన డబ్బు నుంచి ఆమె ఒక్క రూపాయి కూడా తీసుకోదు. బాగయిన పిల్లల దగ్గర నుంచి ఓ అందమైన బొమ్మను మాత్రం కానుకగా తీసుకుంటుంది. తాజాగా మహారాష్ట్ర ప్రభుత్వం తన పేరిట ఒక పాఠ్యాంశాన్ని రూపొందించడం సంతోషంగా ఉందని అంటోందామె. ‘ఎదుటి వ్యక్తి ఆనందానికి మనం కారణమనే విషయం ఎంతో సంతృప్తినిస్తుంది. దాన్ని మాటల్లో చెప్పలేం. నేను అలాంటి ఆనందాన్ని చాలాసార్లు పొందాను. ఇప్పుడు నా గురించి చిన్నారులు చదివి ప్రేరణ పొందితే అంతకంటే సంతోషమేముంటుంది’ అంటోంది పలక్‌.


బాలీవుడ్‌లో అవకాశాల కోసం 2006లో పలక్‌ కుటుంబం ఇండోర్‌ నుంచి ముంబయికి వచ్చింది. 2011 నుంచీ హిందీ సినిమాల్లో పాటలు పాడటం మొదలుపెట్టింది. 2012లో విడుదలైన ‘ఏక్‌ థా టైగర్‌’ సినిమా మంచి గుర్తింపుని తీసుకొచ్చింది. సుమారుగా 2200 మంది చిన్నారులకు తన పాటలతో అండగా నిలబడిందీమె. తన ఈ సేవ ద్వారా గిన్నిస్‌, వరల్డ్‌ బుక్‌ ఆఫ్‌ రికార్డులని సొంతం చేసుకుంది.
* ఏక్‌ థా టైగర్‌, ఆషికీ2, కిక్‌, యాక్షన్‌ జాక్సన్‌, ప్రేమ్‌ రతన్‌ ధన్‌ పాయో, ఎం.ఎస్‌.ధోనీ: ద యునైటెడ్‌ స్టోరీ, కాబిల్‌, బాగీ2, పల్‌ పల్‌ దిల్‌ కె పాస్‌లోని పాటలు ఆమెకు మంచి పేరు తెచ్చిపెట్టాయి. ‘నీ జతగా నేనుండాలి’, సైజ్‌జీరో, ఎం.ఎస్‌.ధోనీ వంటి చిత్రాల్లో పాడి తెలుగు ప్రేక్షకులకూ చేరువైంది.


తోటి మహిళలకు సాయపడాలనే సంకల్పం, సేవ చేయాలనే ఆశయం ఉండాలే గానీ ఎవ్వరూ ఆమెని ఆపలేరు, అడ్డుకోలేరు.

- మరియాన్‌ విలియంసన్‌, రచయిత్రి, రాజకీయవేత్త


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని