ఆరోగ్యమే కాదు విజయం కూడా!
close
Updated : 12/07/2021 01:45 IST
Facebook Share Twitter Share WhatsApp Share Telegram Share Link Share

ఆరోగ్యమే కాదు విజయం కూడా!

తల్లులందరిదీ ఒకటే ఫిర్యాదు.. పిల్లలు సరైన తిండి తినడంలేదని. ఈ అంశమే రుక్మిణిని ఆలోచింపచేసింది. చిన్నారులకు రుచి, ఆరోగ్యాన్నీ ఇచ్చే స్నాక్స్‌ తయారీకి పురికొల్పింది. తొలుత అపజయమే ఎదురైంది. అయినా నిరాశపడక పునరాలోచించింది. ఈసారి పిల్లలకు తెగ నచ్చేశాయి. ఇంకేముంది.. తన ఉద్యోగానికి రాజీనామా చేసి వ్యాపారవేత్తగా మారిపోయారామె.

కోల్‌కతాలో పుట్టిపెరిగిన రుక్మిణీ బెనర్జీ పుణేలో ఎల్‌ఎల్‌బీ, లండన్‌లో బ్యాంకింగ్‌ అండ్‌ ఫైనాన్స్‌లో మాస్టర్స్‌ చేశారు. చదువు కాగానే ముంబయి వచ్చి స్థిరపడ్డారు. పదేళ్లు అనేక సంస్థల్లో పని చేశారు. 2017లో ప్రసూతి సెలవులో ఉండగా ఖాళీ సమయం దొరికింది. చుట్టూ చాలా మంది పిల్లలు మాటిమాటికీ అనారోగ్యాలతో బాధపడటం చూశారు. చిన్నప్పుడు తనకెప్పుడూ అలా కాలేదంటే కారణం తిండే. పిల్లలకు సంపూర్ణ పోషకాహారం అందిస్తే రోగనిరోధకశక్తి పెరుగుతుంది, చక్కగా ఎదుగుతారు- అనుకుంది. బాబు పుట్టాక హెల్దీ స్నాక్స్‌ దొరుకుతాయేమోనని చూస్తే.. ప్యాకెట్ల మీద రాతలకూ యదార్థానికీ చాలా తేడా ఉంది. వాటిల్లో ఉపయోగించే పంచదార, పిండి, నూనె లాంటివేవీ మేలు చేసేవి కాదని తేలింది. తానే చిరుతిళ్లు తయారు చేయాలనుకుని ఉద్యోగానికి రాజీనామా చేశారు. ‘తల్లులందరికీ పిల్లలు పొడవు అవ్వాలని ఉంటుంది. అందుకే జిరాఫీ గుర్తొచ్చి ‘ది గ్రోయింగ్‌ జిరాఫీ’ (టీజీజీ) పేరును ఎంచుకున్నా’నంటారు.

అడ్డంకులూ సవాళ్లూ
ఆమె ఆలోచన పిల్లలకు పరిశుభ్రమైన పోషకాహారం అందించడం. ఆ పని తన వంటింట్లోనే ప్రారంభించారు. ఆన్‌లైన్‌లో ఆర్డర్లు తీసుకుని పండ్లరసాలు, సలాడ్‌లు, బీట్‌రూట్‌ ఇడ్లీ లాంటివి సప్లయ్‌ చేయాలనుకున్నారు. అమ్మమ్మలు, నాన్నమ్మలు ఉన్న ఇళ్లల్లో ఇలాంటివి ఆర్డర్‌ చేయాల్సిన పనేముంది, తామే చేసిస్తారు. రుక్మిణి దృష్టి కుకీస్‌ మీదికి దృష్టి మళ్లింది. దాంతో వాటి తయారీ కోర్సులో చేరి ‘హెల్దీ కుకీస్‌, న్యూట్రిషస్‌ బార్స్‌’ బేకింగ్‌ పద్ధతి నేర్చుకున్నారు. రెండు లక్షల రూపాయలతో టీజీజీ ప్రారంభించారు. అందులో ఎక్కువ శాతం కంపెనీ లోగోకి, వెబ్‌సైట్‌ రూపొందించడానికీ ఖర్చయ్యింది. స్నేహితులు కుకీస్‌ మరింత మెత్తగా ఉండాలని, తీపికోసం బెల్లం బదులు తేనె వాడమని సలహాలిచ్చేవారు. ఏడాది గడిచినా వ్యాపారం నీరసంగానే సాగింది. బిజినెస్‌ సాగదేమో అనుకున్నప్పుడు పునరాలోచించారు. ‘కుకీస్‌ చాలామంది చేస్తున్నారు. కొన్ని ఉత్పత్తులు బ్రహ్మాండంగా ఉంటున్నాయి. వాటిల్లో కొన్ని తానే తినకుండా ఉండలేకపోతోంది. కనుక తాను వాటికి భిన్నమైన రుచులతో తయారు చేస్తే ఫలితం ఉంటుంది’ అనిపించింది. అది అక్షరాలా నిజమైంది. రాగులు, పల్లీలు, బాదం, ఓట్స్‌తో తయారవుతోన్న స్నాక్స్‌ పిల్లలకూ పెద్దలకూ కూడా నచ్చేస్తున్నాయి. ఇక సోషల్‌ మీడియా రాజ్యమేలుతున్న ఈ రోజుల్లో ప్రకటనల కోసం ఖర్చుపెట్టాల్సిన అవసరం లేకపోయింది. ఎందరో కస్టమర్లు చక్కటి ఫీడ్‌బ్యాక్‌ ఇస్తున్నారు. తమ ఇన్‌స్టాగ్రామ్‌ పేజీల్లో స్వచ్ఛందంగా టీజీజీ బ్రాండ్‌ గురించి రాస్తున్నారు. అవన్నీ ఆమె వ్యాపారాన్ని మరింత పెంచాయి. మార్కెటింగ్‌ అంశాల్లో తర్ఫీదిచ్చే ‘బూట్‌ క్యాంప్‌’లో మెలకువలు నేర్చుకుని విజయవంతంగా వ్యాపారం సాగిస్తున్నారామె.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని