యోధులకు రక్షణ.. కళాకారులకు ఉపాధి...
close
Updated : 13/07/2021 02:14 IST
Facebook Share Twitter Share WhatsApp Share Telegram Share Link Share

యోధులకు రక్షణ.. కళాకారులకు ఉపాధి...

కరోనా ఎందరివో ఉద్యోగాలు లాగేసుకుంది. కానీ దాన్ని మట్టుపెట్టే క్రమంలో కొన్ని అత్యవసర కొలువులు పుట్టుకొచ్చాయి. అలాంటిదే పీపీఈ కిట్ల తయారీ. ‘దీంతో కొవిడ్‌ యోధులకు రక్షణ కల్పించవచ్చు, కళాకారులకు ఉపాధి కూడా దొరుకుతుంది’ అనుకున్నారు ‘క్రాఫ్ట్‌ విలేజ్‌’ వ్యవస్థాపకులు ఇతీత్యాగి, ఆమె భర్త.

ఇంతకీ ‘క్రాఫ్ట్‌ విలేజ్‌’ ఉద్దేశమేంటంటే హస్త కళాకారులకు ఉద్యోగావకాశం కల్పించడం. బ్రాండ్‌ ఈక్విటీ ఫౌండేషన్‌ గణాంకాలను బట్టి చూస్తే దేశంలో దాదాపు డెబ్భై లక్షలమంది హస్తకళాకారులున్నారు. కానీ వాళ్లలో చాలామందికి చేద్దామంటే పని దొరక్క వలస కూలీల్లా మారుతున్నారు. దీన్ని కొంతయినా తగ్గించడానికి గ్రామాల్లో ఉన్న ఆయా రంగాల కళాకారులకు, పట్టణాల్లో వినియోగదారులకు మధ్య వారధిగా నిలిచింది. అంటే దళారుల ప్రమేయం లేకుండా తిన్నగా వీరివద్దే కొనే వెసులుబాటు కల్పిస్తుందన్నమాట. అన్ని రంగాల్లాగే కరోనా చేతికళలనూ దెబ్బతీసింది. ముందే అరకొరగా ఉన్న ఉపాది ఫమార్గాలకు గండికొట్టింది. వారిలో కొందరికైనా పని కల్పించాలనుకుంది ఇతిత్యాగి.

ఇతికి డిజైనర్‌గా మంచి పేరుంది. గ్లాసు, చెక్క, లోహం తేడా లేకుండా దేని మీదైనా డిజైన్లు వేస్తుంది. ఎంబ్రాయిడరీ వర్క్‌ చేస్తుంది. నేషనల్‌ ఇన్‌స్టిట్యూట్‌ ఆఫ్‌ డిజైన్‌, పారిశ్రామిక అభివృద్ధి సంస్థల్లో పనిచేసింది. హస్త కళాకారులకు చేయూతనందించి ‘నారీశక్తి పురస్కారం’ అందుకుంది. భర్త సోమేష్‌ సింగ్‌ మిలటరీ, పోలీసు యూనిఫాంల వస్త్ర సంస్థకు డైరెక్టర్‌. తమ అనుభవం పీపీఈ కిట్లు రూపొందించడంలో పనికొస్తుందనుకున్నారు. పత్రికలు, ఛానళ్లలో డాక్టర్లు, పోలీసులు తదితర ఫ్రంట్‌లైన్‌ వర్కర్లు, సరైన భద్రతా పరికరాలు లేక ఇబ్బంది పడుతున్నారు, కొందరు ప్రాణాలూ కోల్పోతున్నారనే వార్తలు చదివినపుడు ఈ ఆలోచన వచ్చింది. గట్టి భద్రత కల్పించే మేలిమి పీపీఈ (పర్సనల్‌ ప్రొటెక్టివ్‌ ఎక్విప్‌మెంట్‌) కిట్స్‌ను రూపొందిస్తే సమస్య పరిష్కారమవుతుంది అనుకున్నారు. ఇక వాటి గురించి వీలైనంత అధ్యయనం చేశారు. అవి గాలి చొరబడని విధంగా ఉండాలి. లేదా కలుషిత గాలిని నిరోధించేలా ఉండాలి. వాటర్‌ప్రూఫ్‌ అయ్యుండాలి. మార్కెట్లో చాలా రకాల కిట్స్‌ ఉన్నా ఎక్కువ శాతం సింథటిక్‌వే. అవి వేసుకుంటే ఊపిరాడక ఎప్పుడెప్పుడు తీసేద్దామా అనిపిస్తుంది. కనుక వైరస్‌ నుంచి కాపాడటంతోబాటు సదుపాయంగానూ ఉండాలనుకున్నారు. అందుకు సగం సిమెంట్‌ ఫాబ్రిక్‌ సరైంది అనిపించింది. ఇది పర్యావరణ హితం కూడా. అన్ని కోణాల్లోనూ ఆలోచించి సౌకర్యం, సుస్థిరం అనిపించే కవరాల్‌-21 కిట్స్‌ రూపొందించారు. ఇవి వేసుకోడానికి అనువుగా ఉండి వైరస్‌ను సమర్థంగా ఎదుర్కోవడమే కాదు అత్యాధునికం కూడా. చుట్టూ నెలకొన్న స్థితిలో ఒత్తిడి సహజం. దాన్ని తగ్గించేలా పరిమళభరితంగానూ చేశారు. ఈ సువాసనలు 50 ఉతుకుల వరకూ ఉంటాయి. చొక్కా జేబులో ఉన్న మొబైల్‌ తీయడం, శానిటైజ్‌ చేయడం లాంటివి అక్కర్లేకుండా డిటాచబుల్‌ మైకులు అమర్చారు. ఈ మొత్తం ప్రణాళికలో కీలక పాత్ర పోషించిన ఇతీ త్యాగి ‘స్త్రీలు ముడుచుకుపోయే గుణాన్ని, మూసతత్వాన్ని వదలగలిగితే ఎంతో సాధించవచ్చు’ అంటుంది. నిజమే కదూ!


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని