చేనేత మహిళల వరం స్వర
close
Updated : 15/07/2021 00:29 IST
Facebook Share Twitter Share WhatsApp Share Telegram Share Link Share

చేనేత మహిళల వరం స్వర

చిన్నతనం నుంచీ నేత పని చూస్తూ చేస్తూ పెరిగిన అమ్మాయిలకు అదేమీ కష్టమైన పనికాదు. కానీ వస్త్రాలను వేరే ఊళ్లకు తీసికెళ్లి అమ్మడమే చేతకాదు. మార్కెటింగ్‌ వేరెవరైనా చూసుకుంటే వాళ్ల బతుకులు మెరుగవుతాయనుకున్న ఆశా స్కారియా ఏం చేసిందో చూద్దాం...

ఆశా కేరళ కొట్టాయం స్కూల్లో చదివింది. చదువులోనే కాదు, ఆట పాటల్లోనూ చురుగ్గా ఉండేది. ముంబైలో డిగ్రీ అయ్యాక ఆక్స్‌ఫర్డ్‌లో ఎంబీఏ చేసింది. ‘మహిళల కోసం.. మహిళలతో..’ అనేది ఆమె స్లోగన్‌. గ్రామీణ మహిళలకు వ్యాపార అవకాశాలు కల్పించడం ఆమె ధ్యేయం. అలా మహిళా సాధికారత కోసం బ్రాండెడ్‌ వస్త్రాలయం ‘స్వర.. వాయిస్‌ ఆఫ్‌ విమెన్‌’ ఆరంభించింది. స్త్రీపురోగతి లక్ష్యంగా పని చేస్తోంది. చేనేత మహిళా కార్మికులకు చేయూత నందించేందుకు సెల్ఫ్‌ ఎంప్లాయ్‌డ్‌ విమెన్స్‌ అసోసియేషన్‌.. సెవాతో చేతులు కలిపింది. ఉపాధి కల్పించడమే కాదు, వాళ్ల ఉన్నతి కోసమూ ప్రయత్నిస్తోంది.

సెవా చేసిన సాయం, ఇచ్చిన స్వేచ్ఛతో పశ్చిమ బెంగాల్‌ మహిళలు రంగురంగుల వస్త్రాలు నేస్తున్నప్పుడు.. వాటికి భిన్నంగా ఉండాలని ఆశా నీలిరంగు మీద దృష్టిపెట్టింది. నీలం డిజైన్లతో చీరలు, డ్రెస్సులు విస్తారంగా రూపొందించి తమ బ్రాండ్‌కు గుర్తింపు తెచ్చింది. బంధుమిత్రులంతా ఒకే రంగువి కొనుక్కోవడం లేదా సెలవురోజున ఒకే రంగులో కనిపించడం లాంటి సరదాను తీర్చింది. తర్వాత రాజస్థాన్‌లోని దుంగార్‌పూర్‌ మహిళలతో కలిసి పని చేస్తున్నప్పుడు నేతచీరల ‘ధాగా’ కలక్షన్‌ తీసుకొచ్చింది. వాటిక్కూడా అంతే క్రేజ్‌ వచ్చింది. వయసు దృష్ట్యా వచ్చిన ‘బోల్డేజ్‌’ చీరలు బోల్డన్ని మార్కులు కొట్టేశాయి. ఆపైన అకోలా గ్రామ స్త్రీలు రూపొందించే కలంకారీ తరహా చేతి ముద్రల మెటీరియల్‌ ప్రయత్నిస్తే అదీ సత్ఫలితాన్నే ఇచ్చింది. తాము రూపొందించేవి ప్రజలకు నచ్చుతున్నాయని సంతోషం వ్యక్తం చేస్తుంది ఆశా. అలా ఒక దాని తర్వాత ఒకటిగా ప్రయోగాలు చేస్తూ వారెవ్వా అనిపించుకుంది.

ఆశాకి మధ్య దళారులు అక్కర్లేదు. డైరెక్టుగా చేనేత కార్మికులనే కలుస్తుంది. ఈ మహిళలు ఇళ్లల్లోనే నేస్తారు. స్వావలంబన లక్ష్యంగా పని చేస్తారు. ఆశా ప్రోత్సాహంతో వారి సృజనకు గుర్తింపూ గౌరవం దక్కాయి. తమవైన డిజైన్లతో భేషనిపించుకున్నారు. మోనిక, రూపాలి, జోత్స్న, అష్మైరా, అమృత, అంజలిలు రూపొందించిన డిజైన్లు వాళ్ల పేర్లతోనే ప్రసిద్ధమయ్యాయంటేనే అర్థమవుతుంది, ఆమె ప్రోత్సాహం ఎంతటిదో. ఫ్యాషన్‌ ప్రపంచంలో ‘స్వర కలక్షన్స్‌’ తన ప్రత్యేకతను నిలుపుకుంటోంది. మహిళలకు ఆదాయంతోబాటు ఆత్మసంతృప్తినీ ఇస్తోంది. ఎప్పటికప్పుడు కొత్త పంథాను అనుసరిస్తూ వినియోగదారులను ఆకట్టుకుంటూ సక్సెస్‌ బాటలో నడుస్తోంది. ఎందరో ఉపాధిలేక నిరాశ పడుతున్న కరోనా తరుణంలోనూ ఆశా ధైర్యంగానే ఉంది. ప్రస్తుతం షాపులకు వెళ్లకుంటేనేం.. ఆన్‌లైన్‌ ఉందిగా అనుకుంది. చేనేత మహిళలూ అంతే ఉత్సాహంతో తమ సృజనకు పదునుపెడుతున్నారు.


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని