‘దీక్ష’గా కొత్త పంథా
close
Updated : 17/07/2021 05:27 IST
Facebook Share Twitter Share WhatsApp Share Telegram Share Link Share

‘దీక్ష’గా కొత్త పంథా

కరోనా ప్రభావంతో బయటి తిండి తినడానికి భయపడుతున్న వారెందరో! దాంతో కొత్త వంటకాలను ఇంట్లోనే ప్రయత్నిస్తున్నారు. ఎంతో కష్టపడి చేసినా రెస్టారెంట్‌ రుచి రాలేదంటూ మూతి విరుపులు. పోనీ ఇన్‌స్టంట్‌వి ప్రయత్నిద్దామంటే నిల్వ ఉండటానికి ఏం రసాయనాలు కలిపారో అన్న అనుమానం. ఇవన్నీ చూసిన ఓ అమ్మాయికి ఒక ఉపాయం తట్టింది. దాన్నే వ్యాపార మార్గంగానూ మలుచుకుంది. ఇంతకీ ఎవరా అమ్మాయి? ఏమా వ్యాపారం?

దీక్ష.. దేన్నైనా కొత్తగా ప్రయత్నించాలనుకునే మనస్తత్వమున్న అమ్మాయి. ఈమెకి వంట చేయడమంటే ఆసక్తి. లాక్‌డౌన్‌లో సమయాన్ని దీనికి వినియోగించుకుని ఎన్నో కొత్త వంటకాలపై పట్టు సాధించింది. అప్పుడే దాన్ని వ్యాపారంగా చేస్తే బాగుంటుందన్న ఆలోచన వచ్చింది. ఇంతకీ అదేంటో తెలుసా? పలు దేశీ, విదేశీ వంటకాలను అందించడం! దీనిలో కొత్తేముంది? అనుకుంటే మాత్రం పప్పులో కాలేసినట్లే. ఎందుకంటే తను అందించేది డీఐవై మీల్‌ కిట్స్‌. అంటే.. ఒక వంటకానికి సంబంధించిన కూరగాయల దగ్గర్నుంచి మసాలాలు, ఉప్పు, కారం ఎంత మొత్తంలో అవసరమవుతాయో వాటన్నింటినీ ఒక బాక్స్‌లో సర్ది అందిస్తుంది. వాటితో పాటు తయారీ విధానంతో కూడిన పేపర్‌నూ ఉంచుతుంది. కొనుకున్న వాళ్లు దాని ప్రకారం వండేసుకుంటే సరిపోతుంది.
దీక్ష పిరోగివల్‌ది కోల్‌కతా. వోగ్‌ ఇన్‌స్టిట్యూట్‌ ఆఫ్‌ ఫ్యాషన్‌ టెక్నాలజీ నుంచి పీజీ చేసింది. లాక్‌డౌన్‌ సమయంలో సామాజిక మాధ్యమాల్లో ఎక్కువ మంది కొత్తవాటిని ప్రయత్నించడం, కొందరు ఏం చేయాలో తోచట్లేదంటూ మెసేజ్‌లు పెట్టడం గమనించింది. అలా ఈ డీఐవై విధానానికి శ్రీకారం చుట్టింది. కొంత పరిశోధన చేసి ఇంట్లో వాటిని ఉపయోగించే వ్యాపారం ప్రారంభించింది. కొన్ని అధునాతన సామగ్రిని మాత్రం అమర్చుకుంది. ఇన్‌స్టా వేదికగా ‘యువర్‌ డీఐవై కిచెన్‌’ పేరిట వ్యాపారం కొనసాగిస్తోంది. భారతీయ వంటకాలే కాకుండా చైనీస్‌, థాయ్‌, కొరియన్‌ వంటకాలకు సంబంధించినవి అందిస్తోంది. తయారీ చదువుకుని చేయడం ఇబ్బంది అనుకునే వారి కోసం ఇన్‌స్టాలో వీడియోలనూ ఉంచుతోంది. ప్రస్తుతం ఆదరణ పెరుగుతుండటంతో వ్యాపారాన్ని ఇతర రాష్ట్రాలకూ విస్తరించే ఆలోచనలో ఉంది.

‘లాక్‌డౌన్‌లో ఇంటి వంటకు ప్రాధాన్యం పెరిగింది. భార్యాభర్తలిద్దరూ పనిచేసేవారే అయితే చేసుకునే ఓపిక ఉండదు. అలాంటిది పది నిమిషాల్లో నోరూరే వంటలు సిద్ధం చేసుకునే అవకాశముంటే ఉపయోగించుకుంటారు కదా! ఇంకా ఇది జిహ్వచాపల్యాన్ని తీర్చడంతోపాటు ఇంట్లో చేసినవే తిన్నామన్న సంతృప్తినీ ఇస్తుంది. పైగా సులువుగా చేసుకోవచ్చు. ఆదరణ ఉంటుందనిపించింది. అందుకే దీన్ని ఎంచుకున్నా. పైగా వీటిలో ప్రిజర్వేటివ్‌లేమీ ఉపయోగించం. తాజావాటికే ప్రాధాన్యమిస్తున్నాం. ఎక్కువగా పిల్లలు, ఇంట్లోనే కొద్దిమందితో పార్టీలు చేసుకునేవారి నుంచి ఆర్డర్లు వస్తున్నాయి. అందుకే పిల్లలకు నచ్చినట్టుగా అక్షరాల్లో, వివిధ ఆకారాల్లో పిజ్జా వంటివీ అందిస్తున్నాం. దేశంతోపాటు విదేశీ వంటకాలనూ అందిస్తున్నాం’ అంటోంది దీక్ష. పాత ఆలోచనే కానీ విధానంలో బాగా ఉపయోగించుకుంటోంది కదూ!


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని